'ಬಚ್ಚನ್ ಪಾಂಡೆ' ಸಿನಿಮಾದಲ್ಲಿರುವ ಡೈಲಾಗ್, ''ನಿರ್ದೇಶಕರು ಈ ಸಿನಿಮಾಗೆ ಬಿ.ಪಿ. ಎಂದು ಯಾಕೆ ಹೆಸರು ಇಟ್ಟಿದ್ದಾರೆ...? ಬಚ್ಚನ್ ಪಾಂಡೆ ಎಂದು ನೇರವಾಗೇ ಇಡಬಹುದಿತ್ತಲ್ಲ, ಎಂದು ಬಚ್ಚನ್ ಪಾಂಡೆಯ ಸಹಾಯಕ ಓರ್ವ ಕೇಳುತ್ತಾನೆ. ಕೋಲಾರ್ ಗೋಲ್ಡ್ ಫೀಲ್ಡ್ ಚಿತ್ರವನ್ನು ಕೆಜಿಎಫ್ ಎಂದು ಶಾರ್ಟ್ ಆಗಿ ಕರೆಯುತ್ತಾರಲ್ಲ, ಅದೇ ರೀತಿ ಬಚ್ಚನ್ ಪಾಂಡೆಗೆ ಬಿ.ಪಿ ಎಂದು ಕರೆಯಲಾಗುತ್ತದೆ, ಎಂಬ ಡೈಲಾಗ್ ಅನ್ನು ಮತ್ತೊಬ್ಬ ಹೊಡೆಯುತ್ತಾನೆ. ಈ ವೇಳೆ ಸೀನ್ ನಲ್ಲಿರುವವರು, ಹಾಗಿದ್ದರೆ ಬಿ.ಪಿ. ಕೇವಲ ಹಿಟ್ ಅಲ್ಲ ಸೂಪರ್ ಹಿಟ್ ಎಂದು ಸಂಭ್ರಮಿಸುತ್ತಾರೆ''. ಸದ್ಯ, ಈ ವಿಡಿಯೋ ಸಖತ್ ವೈರಲ್ ಆಗುತ್ತಿದೆ. ಜತೆಗೆ, ಇತ್ತೀಚೆಗೆ, ರಿಲೀಸ್ ಆದ ‘ಮಿಷನ್ ಇಂಪಾಸಿಬಲ್’ ಸಿನಿಮಾದ ಟ್ರೈಲರ್ನಲ್ಲೂ ‘ಕೆಜಿಎಫ್’ ಸಿನಿಮಾ ಬಗ್ಗೆ ಉಲ್ಲೇಖ ಮಾಡಲಾಗಿದೆ. ಈ ವಿಡಿಯೋಗಳು ನೋಡಿದರೆ ಕನ್ನಡದ ಸಿನಿಮಾವೊಂದು ಈ ರೇಂಜ್ಗೆ ಹವಾ ಕ್ರೀಯೆಟ್ ಮಾಡಿದೆ ಎಂಬ ಖುಷಿ ಕನ್ನಡಿಗರಲ್ಲಿ ಹೆಚ್ಚಾಗುತ್ತಿದೆ.
