ಸರೋಜ್​ ಖಾನ್​ಗೆ ಅಮೂಲ್​ ಕಾರ್ಟೂನ್​ ಶ್ರದ್ಧಾಂಜಲಿ

ಶುಕ್ರವಾರ ನಿಧನರಾದ ಬಾಲಿವುಡ್​ನ ಜನಪ್ರಿಯ ನೃತ್ಯ ನಿರ್ದೇಶಕಿ ಸರೋಜ್​ ಖಾನ್​ ಅವರ ಸಾವಿಗೆ, ಸೆಲೆಬ್ರಿಟಿಗಳೆಲ್ಲಾ ತಮ್ಮದೇ ರೀತಿಯಲ್ಲಿ ಶ್ರದ್ಧಾಂಜಲಿ ಸಲ್ಲಿಸುತ್ತಲೇ ಇದ್ದಾರೆ. ಇಂದು ಅಮೂಲ್​ ಸಹ ಸರೋಜ್​ ಖಾನ್​ ಅವರಿಗೆ ಕಾರ್ಟೂನ್​ ಮೂಲಕ ಶ್ರದ್ಧಾಂಜಲಿ ಸಲ್ಲಿಸಿದೆ.

ಇದನ್ನೂ ಓದಿ: ಒಂದು ವರ್ಷ ಮುಂದಕ್ಕೆ ಹೋಯ್ತು ಅಜಯ್​ ದೇವಗನ್​ ಅಭಿನಯದ ಈ ಸಿನಿಮಾ!

ಅಮೂಲ್​ ಸಂಸ್ಥೆಯು ಬೆಣ್ಣೆಗೆ ಅದೆಷ್ಟು ಜನಪ್ರಿಯವೋ, ಅದೇ ರೀತಿ ಕಾರ್ಟೂನ್​ಗಳಿಗೂ ಹೆಸರುವಾಸಿ ಎಂದು ಎಲ್ಲರಿಗೂ ಗೊತ್ತೇ ಇದೆ. ಪ್ರಸಕ್ತ ವಿದ್ಯಾಮನಗಳ ಕುರಿತಾಗಿ, ಅಮುಲ್​ ಸಂಸ್ಥೆಯು ಆಗಾಗ ಕಾರ್ಟೂನ್​ಗಳನ್ನು ಬಿಡುಗಡೆ ಮಾಡುತ್ತಲೇ ಇರುತ್ತದೆ. ಈಗ ಸರೋಜ್​ ಖಾನ್​ ಅವರ ನಿಧನಕ್ಕೆ ಕಾರ್ಟೂನ್​ ಮೂಲಕ ಶ್ರದ್ಧಾಂಜಲಿ ಸಲ್ಲಿಸಿದೆ.

ಅಮೂಲ್​ ಸಂಸ್ಥೆಯ ಎಲ್ಲಾ ಕಾರ್ಟೂನ್​ಗಳಲ್ಲೂ ಒಂದು ಮಗುವನ್ನು ನೋಡಬಹುದು. ಈ ಕಾರ್ಟೂನ್​ನಲ್ಲಿ ಅಮುಲ್ ಬೇಬಿಯ ಜತೆಗೆ ಸರೋಜ್​ ಖಾನ್​ ಅವರು ನೃತ್ಯ ಮಾಡುತ್ತಿರುವ ಕ್ಯಾರಿಕೇಚರ್​ ಬಿಡಿಸಲಾಗಿದೆ. 'ಫ್ರಮ್​ ದಿ ಎ,ಬಿ,ಸಿ ಟು ಏಕ್​, ದೋ, ತೀನ್​ ಆಫ್​ ಡ್ಯಾನ್ಸ್​ ... ' ಎಂದು ಕಾರ್ಟೂನ್​ನಲ್ಲಿ ಬರೆಯಲಾಗಿದೆ. ಸರೋಜ್​ ಖಾನ್​ ನೃತ್ಯ ನಿರ್ದೇಶನ ಮಾಡಿರುವ 'ತೇಜಾಬ್​' ಚಿತ್ರದ 'ಏಕ್​ ದೋ ತೀನ್​ ...' ಹಾಡನ್ನು ಸ್ಫೂರ್ತಿಯಾಗಿಸಿಕೊಂಡು ಈ ಕಾರ್ಟೂನ್​ ರಚಿಸಲಾಗಿದ್ದು, "ನೃತ್ಯದ ಮಾತೆಗೆ ಶ್ರದ್ಧಾಂಜಲಿ' ಎಂಬ ಕ್ಯಾಪ್ಶನ್​ನಲ್ಲಿ, ಸೋಷಿಯಲ್​ ಮೀಡಿಯಾದಲ್ಲೀ ಈ ಕಾರ್ಟೂನ್​ ಪೋಸ್ಟ್​ ಮಾಡಲಾಗಿದೆ.

ಇದನ್ನೂ ಓದಿ: ನಾನು ಏನೇ ಮಾಡಿದ್ರೂ ಬಾಕ್ಸ್​​-ಆಫೀಸ್​ ಹಿಟ್​ ಆಗಲ್ಲ … ಆರ್ಶದ್​ ವಾರ್ಸಿ ಬೇಸರ

ಚಿತ್ರರಂಗದ ಕುರಿತಾಗಿ ಅಮೂಲ್​, ಕಾರ್ಟೂನ್​ಗಳನ್ನು ಮಾಡುತ್ತಿರುವುದು ಇದು ಮೊದಲೇನಲ್ಲ. ಈ ಹಿಂದೆ, ಚಿತ್ರರಂಗದಲ್ಲಿ ಬೆಳವಣಿಗೆಗಳನ್ನು ಅಮೂಲ್​ ಕಾರ್ಟೂನ್​ಗಳ ಮೂಲಕ ಸೂಕ್ಷ್ಮವಾಗಿ ಸೆರೆಹಿಡಿಯಲಾಗಿತ್ತು. ಸುಶಾಂಗ್​ ಸಿಂಗ್​ ರಜಪೂತ್​ ನಿಧನರಾದಾಗಲೂ ಇದೇ ರೀತಿ ಕಾರ್ಟೂನ್​ ಮೂಲಕ ಶ್ರದ್ಧಾಂಜಲಿ ಸಲ್ಲಿಸಲಾಗಿತ್ತು.

https://www.vijayavani.net/when-samantha-akkineni-turned-into-a-photographer/