ಈ ಕುರಿತು ಸಂದರ್ಶನವೊಂದರಲ್ಲಿ ಮಾತನಾಡಿರುವ ಅವರು, ‘ಒಂದಿಪ್ಪತ್ತು ವರ್ಷಗಳ ಕಾಲ ನಾನು ಹೀರೋ ಪಾತ್ರಗಳನ್ನ ಮಾಡಿದೆ. ವಿಲನ್ಗಳ ಜತೆಗೆ ಕೊನೆಯವರೆಗೂ ಹೊಡೆದಾಡಿ, ಹೀರೋಯಿನ್ ಕೈ ಹಿಡಿದುಕೊಂಡು ಹೋಗುವ ಪಾತ್ರಗಳಲ್ಲಿ ನಟಿಸಿದೆ. ನಾನ್ಯಾವತ್ತು ನನ್ನ ನಿರ್ದೇಶಕರನ್ನ, ನನಗೆ ಇಂಥ ಪಾತ್ರಗಳನ್ನ ಯಾಕೆ ಕೊಡ್ತೀರಾ ಎಂದು ಕೇಳಿಲ್ಲ. ಅದು ಹೃಷಿಕೇಶ್ ಮುಖರ್ಜಿ ಇರಬಹುದು, ಮನಮೋಹನ್ ದೇಸಾಯಿ, ಪ್ರಕಾಶ್ ಮೆಹ್ರಾ, ಬಾಲ್ಕಿ, ಕರಣ್ ಜೋಹಾರ್, ಶೂಜಿತ್ ಸರ್ಕಾರ್ ... ಯಾರು ಬೇಕಾದರೂ ಇರಬಹುದು. ಬಹುಶಃ ಅವರು ನನ್ನನ್ನು ಅಂತಹ ಪಾತ್ರಗಳಲ್ಲಿ ಇಟ್ಟು ನೋಡಬಹುದು. ಅಂತಹ ಪಾತ್ರಗಳಿಗೆ ನಾನೇ ಸರಿ ಅಂತ ಅವರಿಗೆ ಅನಿಸಬಹುದು. ನನ್ನನ್ನ ಒಬ್ಬ ಮುಂಗೋಪಿ ಮುದುಕನಾಗಿ ಶೂಜಿತ್ ನೋಡುತ್ತಾರೆಂದರೆ, ಅದು ಅವರ ಕಲ್ಪನೆ. ಅವರ ಕಲ್ಪನೆಗೆ ನ್ಯಾಯ ಒದಗಿಸುವುದಷ್ಟೇ ನನ್ನ ಕೆಲಸ’ ಎನ್ನುತ್ತಾರೆ ಅಮಿತಾಭ್.
