ಅಮಿತಾಭ್​, ಅಭಿಷೇಕ್​ಗೆ ತೀವ್ರ ಚಿಕಿತ್ಸೆ ಅವಶ್ಯವಿಲ್ಲವಂತೆ!

ಬಾಲಿವುಡ್ ನಟ ಅಮಿತಾಭ್​ ಬಚ್ಚನ್​ಗೆ ಮತ್ತು ಅವರ ಮಗ ಅಭಿಷೇಕ್​ ಬಚ್ಚನ್​ಗೆ ಕರೊನಾ ಪಾಸಿಟಿವ್ ಕಾಣಿಸಿಕೊಂಡ ಹಿನ್ನೆಲೆಯಲ್ಲಿ ಅವರಿಬ್ಬರನ್ನೂ ನಾನಾವತಿ ಆಸ್ಪತ್ರೆಗೆ ದಾಖಲು ಮಾಡಿದ್ದು ಗೊತ್ತೇ ಇದೆ. ಅವರ ಆರೋಗ್ಯ ಸುಧಾರಿಸುತ್ತಿದ್ದು, ಅವರಿಗೆ ತೀವ್ರ ಚಿಕಿತ್ಸೆಯ ಅವಶ್ಯಕತೆ ಇಲ್ಲ ಎಂದು ಆಸ್ಪತ್ರೆಯ ವೈದ್ಯರೇ ಇದೀಗ ತಿಳಿಸಿದ್ದಾರೆ.

ಇದನ್ನೂ ಓದಿ: ಚಿತ್ರಮಂದಿರ ತೆರೆಯುವಿಕೆಗೆ ಗ್ರೀನ್​ ಸಿಗ್ನಲ್​!; ಕೇಂದ್ರ ಸರ್ಕಾರ ನಿಗದಿಪಡಿಸಿದ ದಿನಾಂಕ ಯಾವುದು?

ಶನಿವಾರ ರಾತ್ರಿ, ಬಾಲಿವುಡ್​ನ ಬಿಗ್​ ಬಿ ಅಮಿತಾಭ್​ ಬಚ್ಚನ್​ಗೆ ಕರೊನಾ ಪಾಸಿಟಿವ್​ ಇದೆ ಎಂದು ಸುದ್ದಿಯಾಗಿತ್ತು. ಕೆಲವೇ ಸಮಯದಲ್ಲಿ ಖುದ್ದು ಅಮಿತಾಭ್​ ಟ್ವೀಟ್​ ಮಾಡುವ ಮೂಲಕ ತಮಗೆ ಕರೊನಾ ಪಾಸಿಟಿವ್​ ಇರುವುದು ನಿಜ ಎಂದು ಹೇಳಿದ್ದರು. ಆ ನಂತರ ಅವರ ಮಗ ಅಭಿಷೇಕ್​ಗೂ ಕರೊನಾ ಪಾಸಿಟಿವ್ ಎಂದು ಅವರಿಬ್ಬರನ್ನೂ ಮುಂಬೈನ ನಾನಾವತಿ ಆಸ್ಪತ್ರೆಗೆ ದಾಖಲು ಮಾಡಲಾಗಿತ್ತು.

ಆಸ್ಪತ್ರೆಯಲ್ಲಿ ಅವರಿಬ್ಬರನ್ನೂ ಐಸೋಲೇಶನ್​ ವಾಡ್​ರ್ನಲ್ಲಿ ದಾಖಲು ಮಾಡಿ, ಕಳೆದೆರೆಡು ದಿನಗಳಿಂದಿ ಚಿಕಿತ್ಸೆ ನೀಡಲಾಗುತ್ತಿದೆ. ಭಾನುವಾದ ಅಮಿತಾಭ್​ ಅವರೇ ತಮಗೆ ನೀಡಲಾಗುತ್ತಿರುವ ಚಿಕಿತ್ಸೆಯ ಬಗ್ಗೆ ಖುಷಿ ವ್ಯಕ್ತಪಡಿಸಿದ್ದರು.

ಇಬ್ಬರೂ ಚಿಕಿತ್ಸೆಗೆ ಸ್ಪಂದಿಸುತ್ತಿರುವುದರಿಂದ ಅವರಿಗೆ ತೀವ್ರವಾದ ಚಿಕಿತ್ಸೆಯ ಅವಶ್ಯಕತೆ ಇಲ್ಲ ಎಂದು, ಇದೀಗ ಆಸ್ಪತ್ರೆಯ ಮೂಲಗಳು ತಿಳಿಸಿವೆ. ಸಾಮಾನ್ಯವಾಗಿ ಕರೊನಾ ಪೇಶಂಟ್​ಗಳಿಗೆ, ಅವರಿಗೆ ಖಾಯಿಲೆಯ ತೀವ್ರತೆ ನೋಡಿಕೊಂಡು, ಚಿಕಿತ್ಸೆ ನೀಡಲಾಗುತ್ತಿದೆ. ಅಮಿತಾಭ್​ ಮತ್ತು ಅಭಿಷೇಕ್​ಗೆ ಮೊದಲ ಹಂತದಲ್ಲಿರುವುದರಿಂದ, ತೀವ್ರ ಚಿಕಿತ್ಸೆಯ ಅವಶ್ಯಕತೆ ಇಲ್ಲ, ಅವರಿಗೆ ಕೆಲವು ಬೇಸಿಕ್​ ಆದ ಔಷಧಿ ಮತ್ತು ಒಳ್ಳೆಯ ಆಹಾರ ನೀಡಲಾಗುತ್ತಿದೆ ಎಂದು ಹೇಳಲಾಗುತ್ತಿದೆ.

ಇದನ್ನೂ ಓದಿ: ಪಾಕಿಸ್ತಾನದಲ್ಲಿನ ರಿಷಿ ಕಪೂರ್ ಪೂರ್ವಜರ ಹವೇಲಿಗೆ ಎದುರಾಯ್ತು ಕಂಟಕ; ಭೂತ ಪ್ರೇತದ ವದಂತಿ!

ಇನ್ನು ಅಭಿಷೇಕ್​ ಅವರ ಪತ್ನಿ ಐಶ್ವರ್ಯಾ ರೈ ಮತ್ತು ಮಗಳು ಆರಾಧ್ಯಾ ಸಹ ಕರೊನಾ ಪಾಸಿಟಿವ್​ ಆಗಿದ್ದು, ಅವರಿಗೆ ಮನೆಯಲ್ಲೇ ಹೋಂ ಕ್ವಾರಂಟೈನ್​ ಮಾಡಿ ಸೂಕ್ತ ಚಿಕಿತ್ಸೆ ನೀಡಲಾಗುತ್ತಿದೆ.

https://www.vijayavani.net/darshan-mourns-the-death-of-his-makeup-man/