ಹೌದು, ‘ಯಾವೋ ಇವೆಲ್ಲಾ’ ಚಿತ್ರಕ್ಕೆ ಹರೀಶ್ ಸಾ.ರಾ. ಆ್ಯಕ್ಷನ್-ಕಟ್ ಹೇಳುತ್ತಿದ್ದಾರೆ. ಒಂಬತ್ತು ವರ್ಷಗಳಿಂದ ಚಿತ್ರರಂಗದ ವಿವಿಧ ವಿಭಾಗಗಳಲ್ಲಿ ಕೆಲಸ ಮಾಡಿ ಅನುಭವ ಪಡೆದಿರುವ ಹರೀಶ್, ನಾಯಕನ ಪಾತ್ರಕ್ಕೆ ಕೆಲವು ನಟರನ್ನು ಸಂಪರ್ಕಿಸಿದ್ದರಂತೆ. ಆದರೆ, ಸರಿಯಾಗಿ ಸ್ಪಂದಿಸದ ಕಾರಣ ಅವರೇ ನಾಯಕನಾಗಿ ನಟಿಸುತ್ತಿದ್ದಾರೆ. ಹಣದ ಮುಂದೆ ಸಂಬಂಧಗಳು ಹೇಗೆ ಹಾಳಾಗುತ್ತವೆ? ಎಂಬುದರ ಸುತ್ತ ಚಿತ್ರದ ಕಥೆ ಸುತ್ತುತ್ತದೆ. ಕೆಲವು ಕಿರುಚಿತ್ರಗಳಲ್ಲಿ ನಟಿಸಿರುವ ಶಿರಸಿಯ ಶಿಲ್ಪಾ ನಾಯಕ್ ಹರೀಶ್ಗೆ ನಾಯಕಿಯಾಗಿದ್ದಾರೆ. ಉಳಿದಂತೆ ಜಗನ್ ಸೇಠ್, ಮೌನಿಕಾ ಪೂಜಾರಿ, ಕಾವ್ಯಾ ಭಾರದ್ವಾಜ್, ಪಾಲಾಕ್ಷ, ಕೀರ್ತಿ ಪ್ರಮುಖ ತಾರಾಗಣದಲ್ಲಿದ್ದಾರೆ.
