ವಿಶೇಷ ಏನೆಂದರೆ, ‘ರಾಮ್ ಸೇತು’ ಚಿತ್ರದಲ್ಲಿ ಅಕ್ಷಯ್ ಪ್ರಾಚ್ಯವಸ್ತು ಶಾಸ್ತ್ರಜ್ಞನಾಗಿ ಕಾಣಿಸಿಕೊಳ್ಳಲಿದ್ದಾರೆ. ಇತ್ತೀಚೆಗಷ್ಟೇ ರಾಮಜನ್ಮಭೂಮಿ ಅಯೋಧ್ಯೆಯಲ್ಲಿ ಮುಹೂರ್ತ ಮುಗಿಸಿಕೊಂಡಿದ್ದ ತಂಡ, ಮಂಗಳವಾರದಿಂದ ಶೂಟಿಂಗ್ ಸಹ ಆರಂಭಿಸಿದೆ. ಅಭಿಷೇಕ್ ಶರ್ಮಾ ನಿರ್ದೇಶನದಲ್ಲಿ ಸಿದ್ಧವಾಗಲಿರುವ ಈ ಚಿತ್ರ, ಭಾರತ ಮತ್ತು ಶ್ರೀಲಂಕಾ ನಡುವಿನ ಐತಿಹಾಸಿಕ ಹಿನ್ನೆಲೆಯುಳ್ಳ ರಾಮ್ ಸೇತುವೆಯನ್ನು ಆಧರಿಸಿ ತಯಾರಾಗುತ್ತಿದೆ. ಸತ್ಯವೋ ಮಿಥ್ಯವೋ ಎಂಬ ಟ್ಯಾಗ್ಲೈನ್ ಸಹ ಇಲ್ಲಿರುವುದರಿಂದ, ಏನೆಲ್ಲ ಅಂಶಗಳನ್ನು ಈ ಸಿನಿಮಾ ಮೂಲಕ ಹೇಳಲಿದ್ದಾರೆ ಎಂಬುದು ಕುತೂಹಲಕ್ಕೆ ಕಾರಣವಾಗಿದೆ. ಚಿತ್ರದಲ್ಲಿ ಅಕ್ಷಯ್ಗೆ ಜಾಕ್ಲೀನ್ ಫರ್ನಾಂಡೀಸ್ ಜೋಡಿಯಾಗಿ ನಟಿಸಲಿದ್ದಾರೆ.
