ಗುಡ್​ ಬ್ಯಾಡ್​ ಅಗ್ಲಿ ಸಿನಿಮಾ ನೆಟ್​ಫ್ಲಿಕ್ಸ್​ನಿಂದ ನಾಪತ್ತೆ: ಅಜಿತ್​ ಚಿತ್ರಕ್ಕೂ ಶಾಕ್​ ಕೊಟ್ಟ ಇಳಯರಾಜ! Ilayaraja

Ilayaraja : ಕಾಲಿವುಡ್​ ಸೂಪರ್​ಸ್ಟಾರ್​ ಅಜಿತ್ ನಟನೆ ಸೂಪರ್​ ಹಿಟ್​ 'ಗುಡ್ ಬ್ಯಾಡ್ ಅಗ್ಲಿ' ಸಿನಿಮಾವನ್ನು ನೆಟ್‌ಫ್ಲಿಕ್ಸ್‌ ಒಟಿಟಿ ವೇದಿಕೆಯಿಂದ ತೆಗೆದುಹಾಕಲಾಗಿದೆ. ಖ್ಯಾತ ಸಂಗೀತ ನಿರ್ದೇಶಕ ಇಳಯರಾಜ ಸಲ್ಲಿಸಿದ ಅರ್ಜಿಯ ಮೇರೆಗೆ ಮದ್ರಾಸ್ ಹೈಕೋರ್ಟ್ ನೀಡಿದ ಮಧ್ಯಂತರ ಆದೇಶದ ಹಿನ್ನೆಲೆಯಲ್ಲಿ ಈ ಕ್ರಮ ಕೈಗೊಳ್ಳಲಾಗಿದೆ.

ಹಕ್ಕುಸ್ವಾಮ್ಯ ಉಲ್ಲಂಘನೆ (ಕಾಪಿ ರೈಟ್​) ಆರೋಪದ ಮೇಲೆ ಇಳಯರಾಜ ಸಲ್ಲಿಸಿದ್ದ ಅರ್ಜಿಯ ಮೇರೆಗೆ ನ್ಯಾಯಾಲಯವು ಒಟಿಟಿ ಸೇರಿದಂತೆ ಸ್ಟ್ರೀಮಿಂಗ್ ಪ್ಲಾಟ್‌ಫಾರ್ಮ್‌ಗಳಲ್ಲಿ ಗುಡ್​ ಬ್ಯಾಡ್​ ಅಗ್ಲಿ ಸಿನಿಮಾದ ಪ್ರದರ್ಶನವನ್ನು ನಿಷೇಧಿಸಿದೆ. ಅನುಮತಿಯಿಲ್ಲದೆ ತಮ್ಮ ಹಾಡುಗಳನ್ನು ಬಳಸಲಾಗಿದೆ ಎಂದು ಆರೋಪಿಸಿ ಇಳಯರಾಜ ಅವರು ನ್ಯಾಯಾಲಯದ ಮೊರೆ ಹೋಗಿದ್ದರು.

ಕಾಪಿ ರೈಟ್​ ಉಲ್ಲಂಘನೆಯ ಆರೋಪ ಹೊರಿಸಿದ್ದು, 5 ಕೋಟಿ ರೂ. ಪರಿಹಾರ ನೀಡುವಂತೆ ಇಳಯರಾಜ ಕೋರಿದ್ದಾರೆ. ಆದರೆ, ಚಿತ್ರದ ನಿರ್ಮಾಪಕರಾದ ಮೈತ್ರಿ ಮೂವಿ ಮೇಕರ್ಸ್, ಚಿತ್ರದ ಹಾಡುಗಳ ಹಕ್ಕುಸ್ವಾಮ್ಯ ಹೊಂದಿರುವವರಿಂದ ಅನುಮತಿ ಪಡೆದಿರುವುದಾಗಿ ಹೇಳಿದ್ದಾರೆ.

ಇದನ್ನೂ ಓದಿ: ದಿಶಾ ಪಟಾನಿ ಮನೆ ಮೇಲೆ ಗುಂಡಿನ ದಾಳಿ ಕೇಸ್​; ಇಬ್ಬರು ಆರೋಪಿಗಳು ಖಾಕಿ ಎನ್​ಕೌಂಟರ್​ಗೆ ಬಲಿ | Disha Patani

ಅಂದಹಾಗೆ, 'ಒಟ್ಟಾ ರುಬಾ ತರೇನ್', 'ಇಲಮೈ ಇಡೋ ಇಡೋ' ಮತ್ತು 'ಎನ್ ಜೋಡಿ ಮಂಜ ಕುರುವಿ' ಹಾಡುಗಳನ್ನು 'ಗುಡ್ ಬ್ಯಾಡ್ ಅಗ್ಲಿ' ಚಿತ್ರದಲ್ಲಿ ಬಳಸಲಾಗಿದೆ. ಈ ಎಲ್ಲ ಹಾಡುಗಳು ಬಹಳ ಜನಪ್ರಿಯವಾಗಿದ್ದವು. ತಮ್ಮ ಹಾಡುಗಳನ್ನು ಅನುಮತಿಯಿಲ್ಲದೆ ಬಳಸಲಾಗಿದೆ ಎಂದು ಆರೋಪಿಸಿ ಇಳಯರಾಜ ಅವರು ಈ ಮದ್ರಾಸ್ ಹೈಕೋರ್ಟ್‌ನಲ್ಲಿ ಅರ್ಜಿ ಸಲ್ಲಿಸಿದ್ದರು. ಅಂತಿಮವಾಗಿ ಒಟಿಟಿ ವೇದಿಕೆಯಿಂದ ಗುಡ್​ ಬ್ಯಾಡ್​ ಅಗ್ಲಿ ಚಿತ್ರವನ್ನು ತೆಗೆಯಲಾಗಿದೆ.

ಈ ಹಿಂದೆ ಮಂಜುಮ್ಮೇಲ್ ಬಾಯ್ಸ್​ ಚಿತ್ರದಲ್ಲಿ ತಮ್ಮ ಹಾಡುಗಳನ್ನು ಬಳಸಿದ್ದರ ವಿರುದ್ಧ ಇಳಯರಾಜ ಅವರು ಕಾನೂನು ಕ್ರಮ ಕೈಗೊಂಡಿರುವುದು ಕೂಡ ಸಾಕಷ್ಟು ಸುದ್ದಿಗೆ ಗ್ರಾಸವಾಗಿತ್ತು. (ಏಜೆನ್ಸೀಸ್​)

https://www.vijayavani.net/comments-calling-team-india-big-loser-ricky-ponting-fires-at-pakistani-media

https://www.vijayavani.net/google-gemini-saree-trend-baffles-woman-with-mole-detail-internet-explains-it