ಈ ಚಿತ್ರದಲ್ಲಿ 200 ಕೆಜಿ ಚಿನ್ನ ಧರಿಸಿದ್ದರಂತೆ ಐಶ್ವರ್ಯಾ ರೈ: ಕಾವಲು ಕಾಯಲೆಂದೇ 50 ಜನರಿದ್ದರಂತೆ! Aishwarya Rai

Aishwarya Rai : ಐಶ್ವರ್ಯಾ ರೈ ಬಾಲಿವುಡ್​ ಚಿತ್ರರಂಗದ ರಾಣಿ ಮಾತ್ರವಲ್ಲ, ಭಾರತೀಯ ಚಿತ್ರರಂಗದಲ್ಲೂ ರಾಣಿ. ವಿಶ್ವ ಸುಂದರಿ ಪಟ್ಟ ಗೆದ್ದ ನಂತರ, ಸಿನಿಮಾದಲ್ಲೂ ತಮ್ಮ ಸ್ಥಾನವನ್ನು ಭದ್ರಪಡಿಸಿಕೊಂಡರು. ಸ್ಟಾರ್​ ನಟಿಯಾಗಿ ದಶಕಗಳ ಕಾಲ ಚಿತ್ರರಂಗವನ್ನು ಆಳಿದರು.

ಐಶ್ವರ್ಯಾ ಅವರ ಮೊದಲ ಚಿತ್ರ 1997 ರಲ್ಲಿ ಮಣಿರತ್ನಂ ನಿರ್ದೇಶನದ 'ಇರುವರ್'. ಬಳಿಕ ಹಿಂದಿ ಚಿತ್ರರಂಗಕ್ಕೂ ಕಾಲಿಟ್ಟರು. ತಮ್ಮ ಗ್ಲಾಮರ್​ ಹಾಗೂ ನಟನೆ ಮೂಲಕ ಎಲ್ಲರ ಗಮನ ಸೆಳೆದರು. ಬಾಲಿವುಡ್ ಮತ್ತು ತಮಿಳು ಭಾಷೆಗಳಲ್ಲಿ ಸಮಾನವಾಗಿ ಸಕ್ರಿಯರಾಗಿದ್ದರು. ಆ ಕಾಲದಲ್ಲಿ ಪ್ರತಿ ಚಿತ್ರದಲ್ಲೂ ಐಶ್ವರ್ಯಾ ರೈ ಧರಿಸುತ್ತಿದ್ದ ಉಡುಪು ಮತ್ತು ಆಭರಣಗಳು ಬಹಳ ಚರ್ಚೆಯಾಗುತ್ತಿತ್ತು. ಅದರಲ್ಲೂ 'ಜೋಧಾ ಅಕ್ಬರ್' ಸಿನಿಮಾ ಎಲ್ಲರ ಹುಬ್ಬೇರಿಸಿತ್ತು. ಏಕೆಂದರೆ, ಈ ಸಿನಿಮಾದಲ್ಲಿ ಐಶ್ವರ್ಯಾ ರೈ 200 ಕೆಜಿಯವರೆಗೂ ಚಿನ್ನ ಧರಿಸಿದ್ದರಂತೆ.

ಅಶುತೋಷ್ ಗೋವಾರಿಕರ್ ನಿರ್ದೇಶಿಸಿದ ಈ ಚಿತ್ರದಲ್ಲಿ ಹೃತಿಕ್ ರೋಷನ್ ನಟಿಸಿದ್ದರು. ಹೃತಿಕ್ ಮತ್ತು ಐಶ್ವರ್ಯಾ ನಡುವಿನ ಕೆಮಿಸ್ಟ್ರಿ ಭಾರಿ ಹಿಟ್ ಆಗಿತ್ತು. ಈ ಚಿತ್ರದಲ್ಲಿ ಐಶ್ವರ್ಯಾ ಧರಿಸಿದ್ದ ಉಡುಗೆ ತೊಡುಗೆ ಮತ್ತು ಆಭರಣಗಳನ್ನು ಯಾರೂ ಮರೆಯಲು ಸಾಧ್ಯವಿಲ್ಲ. ಈ ಚಿತ್ರದಲ್ಲಿ, ಐಶ್ವರ್ಯಾ ನಿಜವಾದ ಚಿನ್ನದ ಆಭರಣಗಳು ಮತ್ತು ವಿಶೇಷವಾಗಿ ವಿನ್ಯಾಸಗೊಳಿಸಿದ ದುಬಾರಿ ಬಟ್ಟೆಗಳನ್ನು ಧರಿಸಿದ್ದರು. ನಟಿ ನಿಜವಾದ ಚಿನ್ನ, ಮುತ್ತುಗಳು ಮತ್ತು ಇತರ ದುಬಾರಿ ವಸ್ತುಗಳಿಂದ ಮಾಡಿದ ಆಭರಣ ಮತ್ತು ಬಟ್ಟೆಗಳನ್ನು ಧರಿಸಿದ್ದರು.

ಇದನ್ನೂ ಓದಿ: ವಿರಾಟ್​ ಕೊಹ್ಲಿಯ ಒಟ್ಟು ಆಸ್ತಿ ಎಷ್ಟು? ಕ್ರಿಕೆಟ್​ ಹೊರತಾಗಿ ಬೇರೆ ಆದಾಯ ಮೂಲ ಯಾವುವು? ಇಲ್ಲಿದೆ ಕಂಪ್ಲೀಟ್​ ಮಾಹಿತಿ…Virat Kohli

'ಜೋಧಾ ಅಕ್ಬರ್' ಚಿತ್ರದಲ್ಲಿ ಐಶ್ವರ್ಯಾ ಸುಮಾರು 200 ಕೆಜಿ ತೂಕದ ಚಿನ್ನದ ಆಭರಣಗಳನ್ನು ಧರಿಸಿದ್ದರು. ಐಶ್ವರ್ಯಾ ಅವರ ಆಭರಣಗಳನ್ನು ತಯಾರಿಸಲು ವಿಶೇಷವಾಗಿ ತರಬೇತಿ ಪಡೆದ ಸುಮಾರು 70 ಜನರಿದ್ದರು. ಐಶ್ವರ್ಯಾ ಧರಿಸಿರುವ ಆಭರಣಗಳು ಮತ್ತು ಬಟ್ಟೆಗಳ ಬೆಲೆಯನ್ನು ಪರಿಗಣಿಸಿ, 50 ಭದ್ರತಾ ಸಿಬ್ಬಂದಿಯನ್ನು ನಿಯೋಜಿಸಲಾಗಿತ್ತು. ಅಂದರೆ, ಒಂದೇ ಬಾರಿ 200 ಕೆಜಿ ಚಿನ್ನ ಧರಿಸಿರಲಿಲ್ಲ. ಚಿತ್ರದ ಉದ್ದಕ್ಕೂ ವಿವಿಧ ಆಭರಣಗಳು ಸೇರಿದಂತೆ ಒಟ್ಟು 200 ಕೆಜಿಯಷ್ಟು ಚಿನ್ನವನ್ನು ಐಶ್ವರ್ಯಾ ಧರಿಸಿದ್ದರು.

ಚಿತ್ರದಲ್ಲಿ ಐಶ್ವರ್ಯಾ ರೈ ಧರಿಸಿದ್ದ ಮದುವೆ ಸೆಟ್ ಮೂರುವರೆ ಕಿಲೋಗಳಿಗಿಂತ ಹೆಚ್ಚು ತೂಕವಿತ್ತು. ಚಿತ್ರದಲ್ಲಿ ಬಳಸಲಾದ ಎಲ್ಲಾ ಆಭರಣಗಳನ್ನು ಮೊಘಲ್ ಕಾಲದಲ್ಲಿ ಬಳಸಿದಂತೆಯೇ ವಿಶೇಷವಾಗಿ ಕೈಯಿಂದ ತಯಾರಿಸಲಾಗಿತ್ತು. ಐಶ್ವರ್ಯಾ ಪಾತ್ರ 'ಜೋಧಾ ಬಾಯಿ' ಗಾಗಿ ಆಭರಣಗಳನ್ನು ರಚಿಸುವುದು ಕುಶಲಕರ್ಮಿಗಳಿಗೆ ಅತ್ಯಂತ ಸವಾಲಿನ ಭಾಗವಾಗಿತ್ತು, ಏಕೆಂದರೆ ಅವರ ಬಗ್ಗೆ ಹೆಚ್ಚಿನ ಚಿತ್ರಾತ್ಮಕ ಉಲ್ಲೇಖಗಳು ಇಲ್ಲ. ಆದರೂ, ಐಶ್ವರ್ಯಾ ಅವರ ಪಾತ್ರ ಮನಮೋಹಕವಾಗಿತ್ತು. (ಏಜೆನ್ಸೀಸ್​)

https://www.vijayavani.net/tail-between-its-legs-ex-pentagon-insider-rips-into-pak-after-india-strikes

https://www.vijayavani.net/will-that-mistake-cause-a-short-circuit-what-should-i-do