ಲಂಬಾಣಿ ಗೆಟಪ್​ನಲ್ಲಿ ಶುಭಾ ಪೂಂಜಾ; ಅಂಬುಜಾ ಫಸ್ಟ್​​ಲುಕ್​

ಬೆಂಗಳೂರು: ‘ಬಿಗ್ ಬಾಸ್’ ಮನೆಗೆ ಹೋಗುವುದಕ್ಕಿಂತ ಮುಂಚೆಯೇ, ‘ಅಂಬುಜಾ’ ಎಂಬ ಚಿತ್ರದಲ್ಲಿ ಶುಭಾ ಪೂಂಜ ನಟಿಸುತ್ತಿರುವ ಸುದ್ದಿಯಾಗಿತ್ತು. ಆದರೆ, ಚಿತ್ರೀಕರಣ ಮಾತ್ರ ಶುರುವಾಗಿರಲಿಲ್ಲ. ಅಕ್ಟೋಬರ್​ನಲ್ಲಿ ಚಿತ್ರೀಕರಣಕ್ಕೆ ಚಾಲನೆ ಸಿಗಲಿದ್ದು, ಇಂದು ಫಸ್ಟ್ ಲುಕ್ ಬಿಡುಗಡೆಯಾಗಲಿದೆ. ‘ಅಂಬುಜಾ’ ಮಹಿಳಾ ಪ್ರಧಾನ ಚಿತ್ರವಷ್ಟೇ ಅಲ್ಲ, ನೈಜ ಘಟನೆಯಾಧಾರಿತ ಚಿತ್ರವೂ ಹೌದು. ಈ ಹಿಂದೆ ‘ಕೆಲವು ದಿನಗಳ ನಂತರ’ ಎಂಬ ಚಿತ್ರವನ್ನು ನಿರ್ದೇಶಿಸಿದ್ದ ಶ್ರೀನಿ ಹನುಮಂತರಾಜು ಈ ಚಿತ್ರವನ್ನು ನಿರ್ದೇಶಿಸುತ್ತಿದ್ದಾರೆ.

ಇದೊಂದು ಸೈಕಲಾಜಿಕಲ್ ಹಾರರ್ ಥ್ರಿಲ್ಲರ್ ಎನ್ನುವ ಅವರು, ಜ್ಞಾನ, ವಿಜ್ಞಾನ, ಅಜ್ಞಾನಗಳ ಒಟ್ಟು ಚಿತ್ರಣವೇ ‘ಅಂಬುಜ’ ಎನ್ನುತ್ತಾರೆ. ಶುಭಾ ಪೂಂಜ ಇಲ್ಲಿ ಕ್ರೖೆಮ್ ರಿಪೋರ್ಟರ್ ಆಗಿ ಅಭಿನಯಿಸುತ್ತಿದ್ದು, ಲಂಬಾಣಿ ಗೆಟಪ್​ನಲ್ಲಿ ಕಾಣಿಸಿಕೊಳ್ಳುತ್ತಿರುವುದು ವಿಶೇಷ. ಲಂಬಾಣಿ ವಸ್ತ್ರ ಹಾಗೂ ಆಭರಣಗಳನ್ನು ಗದಗ ಜಿಲ್ಲೆಯ ಲಂಬಾಣಿ ತಾಂಡಾದಲ್ಲಿ ಸುಮಾರು 4 ತಿಂಗಳ ಕಾಲ ತಯಾರು ಮಾಡಲಾಗಿದ್ದು, ಇದರ ತೂಕೆ 20 ಕೆಜಿ ಎಂದು ನಿರ್ದೇಶಕರು ಹೇಳುತ್ತಾರೆ. ಶುಭಾ ಜತೆಗೆ ಪದ್ಮಜಾ ರಾವ್, ‘ಕಾಮಿಡಿ ಕಿಲಾಡಿಗಳು’ ಗೋವಿಂದೇ ಗೌಡ ಮುಂತಾದವರು ನಟಿಸುತ್ತಿದ್ದಾರೆ. ಕಾಶೀನಾಥ್ ಮಡಿವಾಳರ್ ಕಥೆ ಬರೆದು ನಿರ್ವಿುಸುತ್ತಿದ್ದಾರೆ.

https://www.vijayavani.net/so-called-doctor-cheated-to-uday-jadugar/

https://www.vijayavani.net/youth-jolly-ride-in-late-night-with-drinks-and-girls/