ಸೂಪರ್ ಹೀರೋ ಶಿಲ್ಪಾ ಶೆಟ್ಟಿ!

ಗ್ಲಾಮರಸ್ ಪಾತ್ರಗಳಲ್ಲಿ, ಸ್ಪೆಷಲ್ ಸಾಂಗ್​ಗಳಲ್ಲಿ ಮಿಂಚುತ್ತಿದ್ದ ಬಾಲಿವುಡ್ ಚೆಲುವೆ ಶಿಲ್ಪಾ ಶೆಟ್ಟಿ ಈಗ 46ರ ಹರೆಯದಲ್ಲಿ ಸೂಪರ್ ಹೀರೋ ಆಗಿದ್ದಾರೆ. ಹೌದು, ಸಬ್ಬಿರ್ ಖಾನ್ ನಿರ್ದೇಶನದ ಆಕ್ಷನ್ ಕಾಮಿಡಿ ‘ನಿಕಮ್ಮಾ’ ಚಿತ್ರದಲ್ಲಿ ಅಂತಹ ಒಂದು ವಿಶೇಷ ಪಾತ್ರದಲ್ಲಿ ಶಿಲ್ಪಾ ಶೆಟ್ಟಿ ನಟಿಸಿದ್ದಾರೆ. ಈ ಚಿತ್ರಕ್ಕೆ ನಟಿ ಭಾಗ್ಯಶ್ರೀ ಪುತ್ರ ಅಭಿಮನ್ಯು ದಸಾನಿ ನಾಯಕನಾಗಿದ್ದು, ಅವರಿಗೆ ಶೆರ್ಲೀ ಸೇಟಿಯಾ ಜೋಡಿಯಾಗಿದ್ದಾರೆ.

2017ರಲ್ಲಿ ಬಿಡುಗಡೆಯಾದ ತೆಲುಗಿನ ‘ಮಿಡಲ್ ಕ್ಲಾಸ್ ಅಬ್ಬಾಯಿ’ ಚಿತ್ರದ ರಿಮೇಕ್ ಆಗಿರುವ ‘ನಿಕಮ್ಮಾ’ದ ಟ್ರೇಲರ್ ಇತ್ತೀಚೆಗಷ್ಟೇ ಬಿಡುಗಡೆಯಾಗಿದೆ. ಸೂಪರ್​ವ್ಯಾನ್​ನಂತೆ ವಿಶೇಷ ಕಾಸ್ಟ್ಯೂಮ್ಲ್ಲಿ ಸಿಡಿಲ ನಡುವೆ ಖಡ್ಗ ಹಿಡಿದು ನಿಂತಿರುವ ಶಿಲ್ಪಾ ಶೆಟ್ಟಿ ಪಾತ್ರ ಸಿನಿಪ್ರಿಯರಲ್ಲಿ ಕುತೂಹಲ ಮೂಡಿಸಿದೆ. ಅಂದಹಾಗೆ, 2007ರಲ್ಲಿ ‘ಅಪ್ನೇ’ ಚಿತ್ರದಲ್ಲಿ ಕಾಣಿಸಿಕೊಂಡ ನಂತರ, ಶಿಲ್ಪಾ ಶೆಟ್ಟಿ ಈ 15 ವರ್ಷಗಳಲ್ಲಿ ಕೇವಲ ಮೂರು ಚಿತ್ರಗಳಲ್ಲಿ ಸ್ಪೆಷಲ್ ಹಾಡುಗಳಲ್ಲಷ್ಟೇ ಕುಣಿದು ಮಿಂಚು ಹರಿಸಿದ್ದರು.

ಕಳೆದ ವರ್ಷ ಬಿಡುಗಡೆಯಾದ ‘ಹಂಗಾಮಾ 2’ ಚಿತ್ರದ ಮೂಲಕ ಮತ್ತೆ ನಾಯಕಿಯಾಗಿದ್ದರು. ಆ ಬಳಿಕ ಪ್ರಮುಖ ಪಾತ್ರಗಳಲ್ಲೇ ಮುಂದುವರಿದಿರುವ ಶಿಲ್ಪಾ, ಈಗ ‘ನಿಕಮ್ಮಾ’ ಚಿತ್ರದಲ್ಲಿ ನಟಿಸಿದ್ದಾರೆ. ಜತೆಗೆ ಕಿರುತೆರೆಯಲ್ಲಿ ರಿಯಾಲಿಟಿ ಶೋಗಳಲ್ಲೂ ಜಡ್ಜ್ ಆಗಿ ಕಾಣಿಸಿಕೊಳ್ಳುತ್ತಿರುವ ಶಿಲ್ಪಾ, ‘ನಿಕಮ್ಮಾ’ ಅಲ್ಲದೆ ಮತ್ತೊಂದು ಚಿತ್ರಕ್ಕೂ ಸಹಿ ಹಾಕಿದ್ದಾರೆ.

https://www.vijayavani.net/actress-sunny-leone-admired-mandya-boys-and-said-oh-my-god/

https://www.vijayavani.net/fir-lodged-against-bharti-singh-for-joke-about-beards/