ಈ ಫೋಟೋದಲ್ಲಿರುವ ಬಾಲಕಿ ಯಾರು ಗೊತ್ತಾ? ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಹೆಸರು ಮಾಡಿರುವ ಕನ್ನಡತಿ ಈಕೆ! Actress Childhood Photo

Actress Childhood Photo : ಸಿನಿಪ್ರಿಯರಿಗೆ ಹೀರೋ ಮತ್ತು ಹೀರೋಯಿನ್​ಗಳ ವೈಯಕ್ತಿಕ ಮಾಹಿತಿ ತಿಳಿದುಕೊಳ್ಳುವ ಕುತೂಹಲ ಇದ್ದೇ ಇರುತ್ತದೆ. ಅವರು ಬಳಸುವ ಕಾರುಗಳು, ದಿನನಿತ್ಯ ಜೀವನದಲ್ಲಿ ಅವರ ಹವ್ಯಾಸಗಳು, ಧರಿಸುವ ಬಟ್ಟೆ, ಮೊಬೈಲ್​ ಹಾಗೂ ವಾಚ್​ ಬೆಲೆ ಎಷ್ಟು? ವಾಸಿಸುವ ಮನೆ ಎಷ್ಟು ಬೆಲೆ ಬಾಳುತ್ತದೆ? ಮತ್ತು ಯಾವ ಯಾವ ವಸ್ತುಗಳನ್ನು ಆಗಾಗ ಬಳಕೆ ಮಾಡುತ್ತಾರೆ? ಎಂಬಿತ್ಯಾದಿ ವಿಚಾರಗಳನ್ನು ತಿಳಿದುಕೊಳ್ಳಲು ಬಯಸುತ್ತಾರೆ. ಇದಿಷ್ಟೇ ಅಲ್ಲದೆ, ಬಾಲ್ಯದಲ್ಲಿ ಹೇಗಿದ್ದರು? ಸಿನಿಮಾಗೆ ಬರುವ ಮುಂಚೆ ಹೇಗೆ ಕಾಣುತ್ತಿದ್ದರು ಎಂದು ತಿಳಿದುಕೊಳ್ಳುವ ಕುತೂಹಲವೂ ಜಾಸ್ತಿ ಇರುತ್ತದೆ.

ಪ್ರಸ್ತುತ ನಾವೊಂದು ಫೋಟೋವನ್ನು ನಿಮ್ಮ ಮುಂದೆ ಹಂಚಿಕೊಳ್ಳುತ್ತಿದ್ದೇವೆ. ಆ ಫೋಟೋವನ್ನು ನೀವು ಮೇಲೆ ನೋಡಬಹುದು. ಪುಟ್ಟ ಸೈಕಲ್​ ಮೇಲೆ ಕುಳಿತಿರುವ ಈ ಪುಟ್ಟ ಬಾಲಕಿ ಇಂದು ಬಾಲಿವುಡ್​ ಸಿನಿ ಜಗತ್ತಿನ ನಂಬರ್​ 1 ನಟಿ. ಈಕೆ ಕನ್ನಡತಿಯೂ ಹೌದು. ಚಿತ್ರರಂಗವನ್ನು ಪ್ರವೇಶಿಸಿದ್ದೇ ಕನ್ನಡದಿಂದ. ಆದರೆ, ಇಂದು ಬಾಲಿವುಡ್​ನಲ್ಲಿ ರಾಣಿಯಂತೆ ಮೆರೆಯುತ್ತಿದ್ದಾರೆ. ಸಾಲು ಸಾಲು ಹಿಟ್​ ಸಿನಿಮಾಗಳನ್ನು ನೀಡಿದ್ದಾರೆ. ಬಿಗ್​ ಬಜೆಟ್ ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಶಾರೂಖ್​ ಖಾನ್​, ಹೃತಿಕ್​ ರೋಷನ್​ ಹಾಗೂ ರಣಬೀರ್​ ಕಪೂರ್​ರಂತಹ ಸ್ಟಾರ್​ ನಟರೊಂದಿಗೆ ನಟಿಸಿದ್ದಾರೆ. ಅಲ್ಲದೆ, ಮಹಿಳಾ ಪ್ರಧಾನ ಸಿನಿಮಾಗಳಲ್ಲೂ ಅಭಿನಯಿಸಿದ್ದಾರೆ. ಬಾಲಿವುಡ್​ ಸ್ಟಾರ್​ ಹೀರೋ ಜತೆ ಮದುವೆಯಾಗಿದ್ದು, ಇಂದಿಗೂ ಸಿನಿಮಾಗಳಲ್ಲಿ ಬಿಜಿಯಾಗಿದ್ದಾರೆ. ಇಷ್ಟೆಲ್ಲ ಸುಳಿವು ನೀಡಿದರೂ ಅವರು ಯಾರೆಂದು ಗೊತ್ತಾಗುತ್ತಿಲ್ಲವೇ? ಹಾಗಾದರೆ, ಮುಂದೆ ಓದಿ ಉತ್ತರ ಸಿಗಲಿದೆ.

ಅಂದಹಾಗೆ, ಈ ಮೇಲಿನ ಫೋಟೋದಲ್ಲಿರುವುದು ಬೇರೆ ಯಾರೂ ಅಲ್ಲ ಅವರೇ ಬಾಲಿವುಡ್​ ಬೋಲ್ಡ್​ ಬ್ಯೂಟಿ ದೀಪಿಕಾ ಪಡುಕೋಣೆ.

ಇದನ್ನೂ ಓದಿ: ಹಿಂದೂ ದೇವರುಗಳ ಮೇಲೆ ಅಪಹಾಸ್ಯ… ಕಾಮಿಡಿಯನ್​​ ಮುನಾವರ್ ಫಾರೂಕಿ ಹತ್ಯೆಗೆ ಸಂಚು! Munawar Faruqui

ದೀಪಿಕಾ ಪಡುಕೋಣೆ ಅವರು 1986, ಜನವರಿ 5ರಂದು ಡೆನ್ಮಾರ್ಕ್‌ನ ಕೋಪನ್‌ಹೇಗನ್‌ನಲ್ಲಿ ಜನಿಸಿದರು. ಭಾರತೀಯ ಬ್ಯಾಡ್ಮಿಂಟನ್ ಚಾಂಪಿಯನ್ ಪ್ರಕಾಶ್ ಪಡುಕೋಣೆ ಮತ್ತು ಉಜ್ವಲಾ ಪಡುಕೋಣೆಯ ಪುತ್ರಿ. ದೀಪಿಕಾ ಹುಟ್ಟಿದ 11 ತಿಂಗಳಿಗೆ ಅವರ ಕುಟುಂಬ ಬೆಂಗಳೂರಿಗೆ ಮರಳಿತು. ಬಳಿಕ ದೀಪಿಕಾ ಅವರು ಬೆಂಗಳೂರಿನಲ್ಲೇ ಬೆಳೆದರು. ಯುವ ವಯಸ್ಸಿನಲ್ಲಿ ಬ್ಯಾಡ್ಮಿಂಟನ್ ಆಟವಾಡಿ ರಾಷ್ಟ್ರೀಯ ಮಟ್ಟದಲ್ಲಿ ಭಾಗವಹಿಸಿದ್ದರು. ನಂತರದಲ್ಲಿ ದೀಪಿಕಾ ಅವರು ಮಾಡೆಲಿಂಗ್‌ ಮೇಲೆ ಆಸಕ್ತಿ ಬೆಳೆಸಿಕೊಂಡರು. 2006ರಲ್ಲಿ ಇಂದ್ರಜಿತ್​ ಲಂಕೇಶ್​ ನಿರ್ದೇಶನದ ಹಾಗೂ ಉಪೇಂದ್ರ ಅಭಿನಯದ ಕನ್ನಡ ಚಿತ್ರ 'ಐಶ್ವರ್ಯ'ದಲ್ಲಿ ನಟಿಸುವ ಮೂಲಕ ಅಭಿನಯ ಜಗತ್ತಿಗೆ ಪ್ರವೇಶಿಸಿದರು.

2007ರಲ್ಲಿ ಶಾರುಖ್​ ಖಾನ್‌ ಜತೆ 'ಓಂ ಶಾಂತಿ ಓಂ' ಚಿತ್ರದಲ್ಲಿ ನಟಿಸುವ ಮೂಲಕ ಬಾಲಿವುಡ್‌ನಲ್ಲಿ ಚಿತ್ರರಂಗಕ್ಕೆ ಪ್ರವೇಶ ಪಡೆದರು. ಬಳಿಕ ದೀಪಿಕಾ ಖ್ಯಾತಿ ಸಿಕ್ಕಾಪಟ್ಟೆ ಹೆಚ್ಚಾಯಿತು. 'ಚೆನ್ನೈ ಎಕ್ಸ್‌ಪ್ರೆಸ್', 'ಗೊಂಗಾ' (ರಾಮ್-ಲೀಲಾ), 'ಬಾಜೀರಾವ್ ಮಸ್ತಾನಿ', 'ಪದ್ಮಾವತ್' ಮತ್ತು 'ಪಿಕು'ನಂತಹ ಚಿತ್ರಗಳು ದೀಪಿಕಾ ವೃತ್ತಿಜೀವನದಲ್ಲಿ ಮೈಲಿಗಲ್ಲುಗಳಾಗಿವೆ. ಸದ್ಯ ಭಾರತೀಯ ಚಿತ್ರರಂಗದಲ್ಲಿ ಅತಿ ಹೆಚ್ಚು ಸಂಭಾವನೆ ಪಡೆಯುವ ನಟಿಯಾಗಿದ್ದಾರೆ. ಅನೇಕ ಬಾರಿ ಫಿಲ್ಮ್‌ಫೇರ್ ಪ್ರಶಸ್ತಿಗಳನ್ನು ಗೆದ್ದಿದ್ದಾರೆ. ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಸ್ಟಾರ್‌ಡಮ್ ಸಾಧಿಸಿ, ಹಾಲಿವುಡ್ ಚಿತ್ರಗಳಲ್ಲೂ ನಟಿಸಿದ್ದಾರೆ.

2018ರಲ್ಲಿ ನಟ ರಣವೀರ್ ಸಿಂಗ್‌ರೊಂದಿಗೆ ವಿವಾಹವಾದ ದೀಪಿಕಾ, ಮಾನಸಿಕ ಆರೋಗ್ಯದ ಕಾಳಜಿಗಾಗಿ 'ದಿ ಲೈವ್ ಲವ್ ಲಾಫ್ ಫೌಂಡೇಷನ್' ಸ್ಥಾಪಿಸಿದ್ದಾರೆ. ದೀಪಿಕಾ ಅವರು ಫ್ಯಾಷನ್ ಮತ್ತು ಯುವ ಐಕಾನ್ ಆಗಿ, ಲೈಟ್‌ನಿಂಗ್ ಮ್ಯಾಕ್ವಿನ್‌ನಂತಹ ಬ್ರ್ಯಾಂಡ್‌ಗಳ ಪ್ರತಿನಿಧಿಯಾಗಿದ್ದಾರೆ. ತನ್ನ ಸಾಮಾಜಿಕ ಕೆಲಸಗಳ ಮೂಲಕ ಸಮಾಜಕ್ಕೆ ಪ್ರೇರಣೆಯಾಗುತ್ತಿರುವ ದೀಪಿಕಾ, ಭಾರತೀಯ ಚಿತ್ರರಂಗದಲ್ಲಿ ಮಹಿಳಾ ಸಬಲೀಕರಣದ ಪ್ರತೀಕ ಎಂದರೆ ತಪ್ಪಾಗಲಾರದು. ಇನ್ನು ದೀಪಿಕಾ ಮತ್ತು ರಣವೀರ್​ ದಂಪತಿಗೆ 2024ರಲ್ಲಿ ದುವಾ ಹೆಸರಿನ ಹೆಣ್ಣು ಮಗ ಜನಿಸಿತು. (ಏಜೆನ್ಸೀಸ್​)

https://www.vijayavani.net/actress-childhood-photo-can-you-guess-this-actress-who-married-star-cricketer

https://www.vijayavani.net/backpacker-arunima-shares-her-ordeal-after-getting-into-a-luxury-car-after-asking-for-a-lift