ಹಾಗೆ ನೋಡಿದರೆ, ಕನ್ನಡ ಚಿತ್ರರಂಗದಲ್ಲಿ ವೃತ್ತಿ ಜೀವನದಲ್ಲಿ ಉತ್ತುಂಗದಲ್ಲಿರುವಾಗ ನಿಧನರಾದವರ್ಯಾರು ಎಂದರೆ ಮೊದಲು ನೆನಪಿಗೆ ಬರುವುದು ಶಂಕರ್ ನಾಗ್ ಮತ್ತು ಸುನೀಲ್. ಇಬ್ಬರೂ ನಿಧನರಾಗುವುದಕ್ಕೆ ಮುನ್ನ ಹಲವು ಚಿತ್ರಗಳಲ್ಲಿ ನಟಿಸುತ್ತಿದ್ದರು. ಚಿತ್ರರಂಗಕ್ಕೆ ಇಬ್ಬರೂ ಬಂದು ಹೆಚ್ಚು ವರ್ಷಗಳಾಗಿರಲಿಲ್ಲ. ಅಷ್ಟೇ ಅಲ್ಲ, ಇಬ್ಬರ ವಯಸ್ಸು ಸಹ ಹೆಚ್ಚಿರಲಿಲ್ಲ. ಶಂಕರ್ ನಾಗ್ ಅವರು ತಮ್ಮ 35ನೇ ವಯಸ್ಸಿನಲ್ಲಿ ನಿಧನರಾದರೆ, ಸುನೀಲ್ ನಿಧನರಾದಾಗ ಅವರಿಗೆ 30 ವರ್ಷ ವಯಸ್ಸಾಗಿತ್ತು. ಈಗ ಆ ಸಾಲಿಗೆ ಚಿರಂಜೀವಿ ಸರ್ಜಾ ಸಹ ಸೇರ್ಪಡೆಯಾಗಿದ್ದಾರೆ. ಆದರೆ, ಮೂವರ ಸಾವಿನಲ್ಲಿ ಒಂದು ವ್ಯತ್ಯಸವೆಂದರೆ, ಶಂಕರ್ ನಾಗ್ ಮತ್ತು ಸುನೀಲ್ ಅವರು ಅಪಘಾತದಿಂದ ನಿಧನರಾದರೆ, ಚಿರಂಜೀವಿ ಸರ್ಜಾ ಅವರು ಹೃದಯಾಘಾತದಿಂದ ನಿಧನರಾದರು.
