ಪೊಲೀಸರಿಗೆ ಜನರನ್ನು ಹೊಡೆಯುವ ಅಧಿಕಾರವೇ ಇಲ್ಲ ...

ಈ ಮಧ್ಯೆ, ಚಿತ್ರತಂಡವು ಸೋಷಿಯಲ್​ ಮೀಡಿಯಾ ಮೂಲಕ ಭರ್ಜರಿ ಚಿತ್ರದ ಕುರಿತಾಗಿ ಭರ್ಜರಿ ಪ್ರಚಾರ ಮಾಡುತ್ತಿದೆ. ಪ್ರಚಾರ ಮಾಡುತ್ತಿರುವುದಷ್ಟೇ ಅಲ್ಲ, ವಿನೂತನ ಪೋಸ್ಟರ್​ಗಳ ಮೂಲಕ ಸಾಮಾಜಿಕ ಸಮಸ್ಯೆಗಳನ್ನು ಎತ್ತಿಹಿಡಿಯುವ ಕೆಲಸಗಳನ್ನು ಮಾಡುತ್ತಿದೆ.

ಇದನ್ನೂ ಓದಿ: ಶಿವರಾಜಕುಮಾರ್​-ಧನಂಜಯ್​ ಜತೆಯಾದ ಫೃಥ್ವಿ ಅಂಬರ್​

ವಿಶೇಷವೆಂದರೆ, ಜನರಿಗೆ ಗೊತ್ತಿರದ ಎಷ್ಟೋ ವಿಷಯ ಮತ್ತು ಕಾನೂನುಗಳನ್ನು ಈ ಪೋಸ್ಟರ್​ಗಳ ಮೂಲಕ ಪ್ರಚಾರ ಮಾಡುವುದರ ಜತೆಗೆ, ಜನರಲ್ಲಿ ಜಾಗೃತಿ ಮೂಡಿಸುವ ಕೆಲಸವನ್ನು 'ಆಕ್ಟ್​ 1978' ಚಿತ್ರತಂಡವು ಮಾಡುತ್ತಿದೆ ಎನ್ನುವುದು ವಿಶೇಷ. ಉದಾಹರಣೆಗೆ ಹೇಳಬೇಕೆಂದರೆ, 2011ರಲ್ಲಿ ದೆಹಲಿ ನ್ಯಾಯಾಲಯ ಮತ್ತು ಸುಪ್ರೀಂಕೋರ್ಟ್​ ಒಂದು ಮಹತ್ವದ ತೀರ್ಪನ್ನು ಕೊಟ್ಟಿದೆ. ಇದು ಇಡೀ ದೇಶಕ್ಕೇ ಅನ್ವಯವಾಗುತ್ತದೆ. ಈ ತೀಪಿರ್ನ ಪ್ರಕಾರ ಪ್ರೈವೇಟ್​ ಆಸ್ಪತ್ರೆಗಳು ಬಡವರಿಗೆ ತಮ್ಮ ಆಸ್ಪತ್ರೆಯಲ್ಲಿ 25 ಪರ್ಸೆಂಟ್​ ಬೆಡ್​ ಮತ್ತು ಚಿಕಿತ್ಸೆಯನ್ನು ಉಚಿತವಾಗಿ ಕೊಡಬೇಕು. ಅದೇ ತರಹ, ಪೊಲೀಸರಿಗೆ ಜನರನ್ನು ಹೊಡೆಯುವ ಅಧಿಕಾರವೇ ಇಲ್ಲ, ಎಂ.ಆರ್​.ಪಿ ಎಂದರೆ ಅದಕ್ಕಿಂತ ಹೆಚ್ಚಿನ ಬೆಲೆಗೆ ಮಾರುವಂತಿಲ್ಲ ಎಂಬ ಹಲವು ವಿಷಯಗಳನ್ನು ಚಿತ್ರತಂಡ ಪೋಸ್ಟರ್​ಗಳ ಮೂಲಕ ಜಾಗೃತಿ ಮೂಡಿಸುತ್ತಿದೆ.

ಇದನ್ನೂ ಓದಿ: ಚಿರಂಜೀವಿ ಕರೊನಾ ಗೆದ್ದು ಬರಲಿ: ದೇವಸ್ಥಾನ ಸುತ್ತುತ್ತಿರುವ ಅಭಿಮಾನಿ ಬಳಗ

ಈ ಕುರಿತು 'ವಿಜಯವಾಣಿ' ಜತೆಗೆ ಮಾತನಾಡಿದ ನಿರ್ದೇಶಕ ಮಂಸೋರೆ, 'ನಾವು ಚಿತ್ರಕಥೆ ಮಾಡುವ ಹಲವು ವಿಷಯಗಳ ಬಗ್ಗೆ ಚರ್ಚೆ ನಡೆಸಿದೆವು. ಅದರಲ್ಲೂ ಕಥೆಗಾರ ದಯಾನಂದ್​ ಇಂಥಾ ವಿಷಯಗಳ ಬಗ್ಗೆ ಬಹಳ ತಿಳಿದುಕೊಂಡಿದ್ದಾರೆ. ಇದನ್ನೆಲ್ಲಾ ಕಾರಣಾಂತರಗಳಿಂದ ಚಿತ್ರದಲ್ಲಿ ಬಳಸಿಕೊಳ್ಳುವುದಕ್ಕೆ ಸಾಧ್ಯವಾಗಲಿಲ್ಲ. ಆಗಲೇ ಇದನ್ನೆಲ್ಲಾ ಚಿತ್ರದ ಪ್ರಚಾರ ಮಾಡುವ ಸಂದರ್ಭದಲ್ಲಿ ಪೋಸ್ಟರ್​ಗಳಲ್ಲಿ ಬಳಸಿಕೊಳ್ಳಬೇಕು, ಈ ಮೂಲಕ ಜರಿಗೆ ಜಾಗೃತಿ ಮೂಡಿಸಬೇಕು ಎಂಬುದನ್ನು ತೀರ್ಮಾನಿಸಿದ್ದೆವು. ಅದರಂತೆ ಇದೀಗ ಬಿಡುಗಡೆಯ ಸಂದರ್ಭದಲ್ಲಿ ಹೀಗೆ ಜನ ಜಾಗೃತಿ ಮೂಡಿಸುವ ಪೋಸ್ಟರ್​ಗಳನ್ನು ಬಿಡುಗಡೆ ಮಾಡುತ್ತಿದ್ದೇವೆ' ಎನ್ನುತ್ತಾರೆ ಮಂಸೋರೆ.

ಚಿತ್ರ ಬಿಡುಗಡೆಯಾಗುವವರೆಗೂ ಒಟ್ಟು 25 ಪೋಸ್ಟರ್​ಗಳನ್ನು ಬಿಡುಗಡೆ ಮಾಡಲಾಗುತ್ತದಂತೆ. ಈ ಪೈಕಿ ಸದ್ಯಕ್ಕೆ ಕೆಲವು ಮಾತ್ರ ಬಿಡುಗಡೆ ಮಾಡಿದ್ದು, ಸಾಕಷ್ಟು ಮೆಚ್ಚುಗೆ ವ್ಯಕ್ತವಾಗುತ್ತಿದೆ.

https://www.vijayavani.net/puneeth-visits-nuggikeri-anjaneya-temple-in-dharwad/