ಅಭಿಮಾನಿಗಳಿಗೆ ಚಿತ್ರ ರಿಲೀಸ್ ಆಗುವ ಮುಂಚೆ 'ಕೆಜಿಎಫ್-2' ತಂಡ ನೀಡಲಿದೆ ಮತ್ತೊಂದು ಸರ್ಪ್ರೈಸ್!

'ಕೆಜಿಎಫ್-2' ಚಿತ್ರ ಟ್ರೈಲರ್‌, ಟೀಸರ್, ಹಾಡುಗಳು ಮತ್ತು ಪ್ರೀ-ರಿಲೀಸ್ ಟಿಕೆಟ್ ಬುಕ್ಕಿಂಗ್​ ಮುಲಕವೂ ಹಲವು ದಾಖಲೆಗಳನ್ನು ಬರೆದಿದೆ. ಹೌದು, 'ಕೆಜಿಎಫ್ 2' ಚಿತ್ರ ರಿಲೀಸ್ ಆಗುತ್ತಿರುವ ಕಾರಣ ಬೇರೆ ಸಿನಿಮಾಗಳು ಈ ಚಿತ್ರಕ್ಕೆ ಹೆದರಿ ತಮ್ಮ ರಿಲೀಸ್ ಡೇಟ್​ಗಳನ್ನು ಬದಲಾಯಿಸಿಕೊಂಡಿವೆ. ಆ ಮಟ್ಟಕ್ಕೆ ಇದೆ ಈ ಚಿತ್ರದ ಹವಾ. ಇನ್ನು, ಇದೀಗ ಚಿತ್ರದ ರಿಲೀಸ್​ಗೆ ಒಂದು ದಿನ ಬಾಕಿ ಇದೆ ಎನ್ನುವ ಸಮಯದಲ್ಲಿ ಈಗ ಮತ್ತೊಂದು ಹಾಡು ರಿಲೀಸ್‌ಗೆ ರೆಡಿಯಾಗಿದೆ ಈ ಚಿತ್ರತಂಡ.

ಹೌದು, ಚಿತ್ರದಲ್ಲಿನ ಯಶ್ ಬಗ್ಗೆ ತಿಳಿಸುವ ಮತ್ತೊಂದು 'ಸುಲ್ತಾನ್' ಎಂಬ ಹಾಡು ರಿಲೀಸ್ ಆಗಲು ರೆಡಿಯಾಗಿದೆ. ಅಂದಹಾಗೆ, 'ಕೆಜಿಎಫ್-2' ಸಿನಿಮಾ ಏಪ್ರಿಲ್ 14 ಕ್ಕೆ ರಿಲೀಸ್ ಆಗುತ್ತಿದ್ದರೆ, ಏಪ್ರಿಲ್ 13 ಕ್ಕೆ 'ಸುಲ್ತಾನ್' ಹಾಡು ರಿಲೀಸ್ ಆಗಲಿದೆ. ಈ ಹಾಡಿನ ರಿಲೀಸ್ ಬಗ್ಗೆ ನಿರ್ದೇಶಕ ಪ್ರಶಾಂತ್ ನೀಲ್, ಚಿತ್ರತಂಡ ತಮ್ಮ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ. ಈ ಹಿಂದೆ ರಿಲೀಸ್ ಆದ 'ತೂಫಾನ್' ಹಾಡು ಒಂದು ಪುಟ್ಟ ಕಥೆಯಂತೆ ಇತ್ತು. ಆದರೆ, ಧೈರ್ಯ ಇಲ್ಲದ ಬಡಪಾಯಿಗಳಿಗೆ ಯಶ್ ಶಕ್ತಿಯಾಗಿ ನಿಂತ ಬಗ್ಗೆ ಕಥೆ ಹೇಳುತ್ತಂತೆ 'ಸುಲ್ತಾನ್' ಹಾಡು. 

https://www.vijayavani.net/here-is-a-list-of-kgf-2-advance-ticket-booking-records-and-also-the-anticipation-of-kgf-2-first-day-collection/

https://www.vijayavani.net/thalapathy-vijay-answers-the-questions-about-his-political-entry-in-a-interview-of-his-upcoming-beast-movie-with-director-nelson-dilip-kumar/