15 ವರ್ಷ ಆಯಿತಾ ಮಹೇಶ್​ ಬಾಬು 'ಪೋಕಿರಿ'ಗೆ?

ಹೈದರಾಬಾದ್​: ಟಾಲಿವುಡ್​ ಅಷ್ಟೇ ಅಲ್ಲ, ಮಹೇಶ್​ ಬಾಬು ವೃತ್ತಿಜೀವನದಲ್ಲೇ ಸೂಪರ್​ ಹಿಟ್​ ಚಿತ್ರ ಎಂದು ಪರಿಗಣಿಸಲ್ಪಟ್ಟಿರುವ 'ಪೋಕಿರಿ'ಗೆ 15 ವರ್ಷವಾಗಿದೆ. ಸರಿಯಾಗಿ ಇದೇ ದಿನ 2006ರಲ್ಲಿ ಈ ಚಿತ್ರ ಬಿಡುಗಡೆಯಾಗಿದ್ದು, ಇಂದಿಗೆ 15 ವರ್ಷಗಳಾಗಿವೆ.

ಇದನ್ನೂ ಓದಿ: ಕರೊನಾ ನಡುವೆಯೂ ಚಿತ್ರೀಕರಣ ಮುಂದುವರೆಸಿದ ರಜನಿಕಾಂತ್​

ಟಾಲಿವುಡ್​ನಲ್ಲಿ 'ಪೋಕಿರಿ' ಚಿತ್ರಕ್ಕೆ ಬಹಳ ವಿಶಿಷ್ಟವಾದ ಸ್ಥಾನ. ಏಕೆಂದರೆ, ಅಲ್ಲಿಯವರೆಗೂ ಹಲವು ಚಿತ್ರಗಳು ತೆಲುಗು ಚಿತ್ರರಂಗದಲ್ಲಿ ಸೂಪರ್​ ಹಿಟ್​ ಆಗಿದ್ದರೂ, 'ಪೋಕಿರಿ' ಹೊಸ ಭಾಷ್ಯವನ್ನೇ ಬರೆಯಿತು. 299 ಕೇಂದ್ರಗಳಲ್ಲಿ 50 ದಿನ, 200 ಕೇಂದ್ರಗಳಲ್ಲಿ 100 ದಿನ ಮತ್ತು 63 ಕೇಂದ್ರಗಳಲ್ಲಿ ಚಿತ್ರವು 175 ದಿನಗಳ ಕಾಲ ಯಶಸ್ವಿ ಪ್ರದರ್ಶನ ಕಂಡಿತ್ತು.

ಬರೀ ಯಶಸ್ವಿ ಪ್ರದರ್ಶನಗಳನ್ನು ಕಾಣುವುದಷ್ಟೇ ಅಲ್ಲ, ಚಿತ್ರವು ಬೇರೆ ಭಾಷೆಗಳಿಗೆ ರೀಮೇಕ್​ ಆಗುವುದರ ಜತೆಗೆ ಅಲ್ಲೂ ಹಿಟ್​ ಆಗಿತ್ತು. ಈ ಚಿತ್ರವನ್ನು ವಿಜಯ್​, ತಮಿಳಿನಲ್ಲಿ 'ಪೊಕ್ಕಿರಿ' ಎಂಬ ಹೆಸರಿನಲ್ಲಿ ರೀಮೇಕ್​ ಮಾಡಿದರು. ಕನ್ನಡದಲ್ಲಿ 'ಪೊರ್ಕಿ'ಯಾಗಿ ದರ್ಶನ್​ ಅಭಿನಯದಲ್ಲಿ ಮೂಡಿಬಂದರೆ, ಹಿಂದಿಯಲ್ಲಿ 'ವಾಂಟೆಡ್​' ಹೆಸರಿನಲ್ಲಿ ಈ ಚಿತ್ರ ನಿರ್ಮಾಣವಾಗಿ, ಸಲ್ಮಾನ್​ ಖಾನ್​ ಅವರಿಗೆ ದೊಡ್ಡ ಬ್ರೇಕ್​ ನೀಡಿತ್ತು. ಹಾಗಾಗಿ, ಈ ಚಿತ್ರವು ಬಿಡುಗಡೆಯಾಗಿ 15 ವರ್ಷಗಳಾದರೂ, ಜನರ ಮನಸ್ಸಿನಲ್ಲಿ ಇನ್ನೂ ಹಸಿರಾಗಿಯೇ ಉಳಿದಿದೆ ಎಂದರೆ ತಪ್ಪಿಲ್ಲ.

ಇದನ್ನೂ ಓದಿ: ಅಲ್ಲು ಅರ್ಜುನ್​ಗೆ ಕರೊನಾ ಪಾಸಿಟಿವ್​: ನನ್ನ ಬಗ್ಗೆ ಚಿಂತಿಸದಿರಿ ಎಂದ ಟಾಲಿವುಡ್​ ನಟ

'ಪೋಕಿರಿ' ಚಿತ್ರದಲ್ಲಿ ಮಹೇಶ್​ ಬಾಬುಗೆ ನಾಯಕಿಯಾಗಿ ಇಲಿಯಾನಾ ಡಿಕ್ರುಜ್​ ನಟಿಸಿದ್ದು, ಮಿಕ್ಕಂತೆ ಪ್ರಕಾಶ್​ ರೈ, ಬ್ರಹ್ಮಾನಂದಂ, ಆಶೀಷ್​ ವಿದ್ಯಾರ್ಥಿ, ಆಲಿ ಮುಂತಾದವರು ನಟಿಸಿದ್ದರು. ಈ ಚಿತ್ರವನ್ನು ಪೂರಿ ಜಗನ್ನಾಥ್​ ನಿರ್ದೇಶನ ಮಾಡಿದ್ದು, ಅವರ ಚಿತ್ರಜೀವನದಲ್ಲೂ 'ಪೋಕಿರಿ' ಮಹತ್ವದ ಚಿತ್ರವಾಗಿ ಉಳಿದುಕೊಂಡಿದೆ.

https://www.vijayavani.net/r-goa-beauty-ileana-d-cruz-about-her-big-butt/