ಗಂಡಂದಿರು ದಾರಿ ತಪ್ಪುವುದನ್ನು ತಡೆಯಲು ಪತ್ನಿಯರಿಗೆ ಸೆಕ್ಸ್​ ಅಪೀಲ್​ ಟ್ರೈನಿಂಗ್​! ಇಲ್ಲಿ ಇದನೆಲ್ಲ ಹೇಳಿಕೊಡಲಾಗುತ್ತೆ

ಬೀಜಿಂಗ್​: ಗಂಡಂದಿರು ದಾರಿ ತಪ್ಪುವುದನ್ನು ತಡೆಯಲು ಪತ್ನಿಯರಿಗಾಗಿ ಚೀನಾದಲ್ಲಿ ತೆರೆದಿರುವ ಹೊಸ ತರಬೇತಿ ಶಿಬಿರ ಇದೀಗ ಭಾರಿ ಸದ್ದು ಮಾಡುತ್ತಿದೆ. ಮಧ್ಯ ವಯಸ್ಕ ಪತ್ನಿಯರಿಗಾಗಿ “ಸೆಕ್ಸ್​ ಅಪೀಲ್​ ಟ್ರೈನಿಂಗ್​ ಕ್ಯಾಂಪ್ಸ್​”​ ಆರಂಭಿಸಲಾಗಿದ್ದು, ಗಂಡಂದಿರು ಬೇರೆ ಹೆಣ್ಣಿನ ಸಹವಾಸ ಮಾಡದಂತೆ ತಡೆಯಲು ಮತ್ತು ತಮ್ಮ ಮೋಹದ ಬಲೆಗೆ ಬೀಳಿಸಿಕೊಳ್ಳುವ ತಂತ್ರಗಳನ್ನು ಈ ಶಿಬಿರಗಳಲ್ಲಿ ಹೇಳಿಕೊಡಲಾಗುತ್ತದೆ. ಆದರೆ, ಇದು ಪುಕ್ಕಟ್ಟೆಯಲ್ಲ, ಇದಕ್ಕಾಗಿ ಹಣ ಪಾವತಿ ಮಾಡಬೇಕಾಗುತ್ತದೆ.

ಕಳೆದ ಜುಲೈ ತಿಂಗಳಲ್ಲಿ ಚೀನಾದ ಜೆಜಿಯಾಂಗ್​ ಪ್ರಾಂತ್ಯದಲ್ಲಿರುವ ಹ್ಯಾಂಗ್​ಜೌ ಪೂರ್ವ ನಗರದಲ್ಲಿ ನಡೆದ ತರಬೇತಿ ಶಿಬಿರದಲ್ಲಿ ಕೆಲ ಮಹಿಳೆಯರು ಪಾಲ್ಗೊಂಡಿದ್ದರು. ಈ ವೇಳೆ ಪ್ರತಿ ಮಹಿಳೆಗೆ 2999 ಯುವಾನ್​ (420 ಡಾಲರ್​, ಭಾರತೀಯ ಕರೆನ್ಸಿಯಲ್ಲಿ 35,230 ರೂಪಾಯಿ) ಚಾರ್ಜ್​ ಮಾಡಲಾಗಿತ್ತು. ಈ ಶಿಬಿರಕ್ಕೆ ಸಂಬಂಧಿಸಿದ ಜಾಹೀರಾತು ಪೋಸ್ಟರ್​ನಲ್ಲಿ “ಸೆಕ್ಸ್ ಅಪೀಲ್ ಎಂದರೆ ಮಹಿಳೆ ತನ್ನ ಜೀವನದ ಮೇಲೆ ಹಿಡಿತ ಸಾಧಿಸುವುದು” ಎಂದು ಬರೆಯಲಾಗಿತ್ತು.

ಇನ್ನು ಈ ಶಿಬಿರದ ದೃಷ್ಟಿಕೋನವು ಸಂಪೂರ್ಣವಾಗಿ ಚೀನಾದ ನಂಬಿಕೆಗಳಿಗೆ ವಿರುದ್ಧವಾಗಿದೆ. ಚೀನಾದಲ್ಲಿ ಸೆಕ್ಸ್​ ಅನ್ನು ಪ್ರಾಥಮಿಕವಾಗಿ ಸಂತಾನೋತ್ಪತ್ತಿ ಉದ್ದೇಶವನ್ನು ಹೊಂದಿರುವ ಸೂಕ್ಷ್ಮ ಮತ್ತು ಖಾಸಗಿ ವಿಷಯವೆಂದು ಪರಿಗಣಿಸುತ್ತದೆ. ಆದರೆ, ಸೆಕ್ಸ್​ ಅಪೀಲ್​ ಶಿಬಿರದ ಉದ್ದೇಶ ಮಾತ್ರ ಇದಕ್ಕೆ ವ್ಯತಿರಿಕ್ತವಾಗಿದೆ. ಹೀಗಾಗಿ ಇದು ಚೀನಾದಲ್ಲಿ ಹೆಚ್ಚು ಚರ್ಚೆಯ ವಿಷಯವಾಗಿದೆ.

ಇನ್ನು ಈ ಶಿಬಿರದಲ್ಲಿ ಭಾಗವಹಿಸುವ ಮಹಿಳೆಯರು ಕಪ್ಪು ಬಣ್ಣದ ಸ್ಟಾಕಿಂಗ್ಸ್ ಜತೆಗೆ ಜೋಡಿಸಲಾದ ಫಾರ್ಮ್-ಫಿಟ್ಟಿಂಗ್ ಚಿಯೋಂಗ್ಸಾಮ್​ಗಳನ್ನು ಧರಿಸಬೇಕು. ಈ ಶಿಬಿರದ ಮೊದಲ ದಿನದ ಉಪನ್ಯಾಸಗಳಲ್ಲಿ ಪ್ರೀತಿಯ ಪ್ರಾಮುಖ್ಯತೆ ಮತ್ತು ಲೈಂಗಿಕ ಪರಾಕಾಷ್ಠೆ ಸಾಧಿಸುವ ತಂತ್ರಗಳನ್ನು ತಿಳಿಸಲಾಯಿತು. ಲೈಂಗಿಕ ಪರಕಾಷ್ಠೆ ಅಂದರೆ ಲೈಂಗಿಕ ಪ್ರಚೋದನೆಯ ಉತ್ತುಂಗವನ್ನು ತಲುಪಿದಾಗ ಉಂಟಾಗುವ ಲೈಂಗಿಕ ಒತ್ತಡ ಮತ್ತು ಉತ್ಸಾಹದ ಹಠಾತ್ ಬಿಡುಗಡೆಯಾಗಿದೆ.

ಶಿಬಿರದ ಎರಡನೇ ದಿನ ಕಿಸ್ಸಿಂಗ್​, ಇಂದ್ರಿಯ ನೃತ್ಯ ಮತ್ತು ಪ್ರಚೋದನೆ ರೀತಿಯಲ್ಲಿ ಸ್ಟಾಕಿಂಗ್ಸ್ ಅನ್ನು ಹರಿದು ಹಾಕುವುದಕ್ಕೆ ಒತ್ತು ನೀಡಲಾಯಿತು. ಲೈಂಗಿಕ ಸಂದರ್ಭಗಳಲ್ಲಿ ತಮ್ಮ ಮೋಡಿಯನ್ನು ಹೇಗೆ ಪ್ರದರ್ಶಿಸಬೇಕು ಎಂಬುದನ್ನು ಕಲಿಸುವ ಗುರಿಯನ್ನು ಹೊಂದಿರುವ ರೋಲ್-ಪ್ಲೇಯಿಂಗ್ ವ್ಯಾಯಾಮಗಳಲ್ಲಿ ಮಹಿಳೆಯರು ತೊಡಗಿಸಿಕೊಂಡರು.

ಈ ಶಿಬಿರದಲ್ಲಿ ಭಾಗವಹಿಸಿದವರಲ್ಲಿ ಹೆಚ್ಚಿನವರು 35 ರಿಂದ 55 ವರ್ಷ ವಯಸ್ಸಿನ ಮಹಿಳೆಯರು ಎಂದು ಆನ್‌ಲೈನ್ ಮೂಲಗಳು ಬಹಿರಂಗಪಡಿಸಿವೆ. ಈ ಶಿಬಿರದಲ್ಲಿ ಭಾಗವಹಿಸಿದ ಹೆಸರೇಳಲು ಇಚ್ಛಿಸದ 54 ವರ್ಷ ವಯಸ್ಸಿನ ಮಹಿಳೆಯೊಬ್ಬರು, ತನ್ನ ಮಗನ ಸಹಪಾಠಿಯೊಂದಿಗೆ ಲೈಂಗಿಕ ಭಾವನೆಗಳನ್ನು ಬೆಳೆಸಿಕೊಂಡಿದ್ದನ್ನು ಹಂಚಿಕೊಂಡರು.

ನಿಮ್ಮ ಮದುವೆಯ ಉತ್ಸಾಹವನ್ನು ಪುನರುಜ್ಜೀವನಗೊಳಿಸಿ, ನಿಮ್ಮ ಕಾಮಪ್ರಚೋದಕ ಜೀವನವನ್ನು ಜೀವಂತಗೊಳಿಸಿ” ಎಂಬ ಶಿಬಿರದ ಘೋಷಣೆಯನ್ನು ಓದಿದ ನಂತರ ಹೆಚ್ಚಿನ ಮಹಿಳೆಯರು ಈ ತರಬೇತಿ ಶಿಬಿರಕ್ಕೆ ಆಕರ್ಷಿತರಾದರು. ಅಲ್ಲದೆ, ತಮ್ಮ ಸ್ವಾಭಿಮಾನವನ್ನು ಕಂಡುಕೊಳ್ಳಲು ಈ ಶಿಬಿರ ಸಹಾಯ ಮಾಡಿತು. ಮಧ್ಯವಯಸ್ಕ ಮಹಿಳೆಯರು ಶಕ್ತಿಯುತ ಮತ್ತು ಹೆಚ್ಚು ಆಕರ್ಷಕವಾಗಿರಬಹುದು ಎಂದು ನಂಬಲು ಪ್ರೋತ್ಸಾಹಿಸಿತು ಎಂದು ಭಾಗವಹಿಸಿದ ಮಹಿಳೆಯರು ಹೇಳಿಕೊಂಡರು.

ಅಂದಹಾಗೆ ಈ ಶಿಬಿರವನ್ನು “ಸೆಕ್ಸ್ ಅಪೀಲ್ ಅಕಾಡೆಮಿ” ಎಂದು ಕರೆಯಲ್ಪಡುವ ಕಂಪನಿಯು ಆಯೋಜಿಸಿದೆ ಎಂದು ಮೇನ್‌ಲ್ಯಾಂಡ್ ಮಾಧ್ಯಮ ವರದಿ ಮಾಡಿದೆ. ಈ ಶಿಬಿರದಲ್ಲಿ ಪರಿಣಿತ ಬೋಧಕರು ಮತ್ತು ಥೆರೆಪಿಸ್ಟ್​ಗಳು ಒಳಗೊಂಡಿದ್ದು, ಅವರೆಲ್ಲ ಚೀನಾ ಸೆಕ್ಸಾಲಜಿ ಅಸೋಸಿಯೇಷನ್ ​​ಆಯೋಜಿಸಿದ ಬಹು-ಶಿಸ್ತಿನ ತರಬೇತಿಯನ್ನು ಪಡೆದಿದ್ದಾರೆ. ಲೈಂಗಿಕ ಔಷಧ ಮತ್ತು ಮಾನವ ಅಂಗರಚನಾಶಾಸ್ತ್ರದಂತಹ ಕ್ಷೇತ್ರಗಳಲ್ಲಿ ಪರಿಣಿತಿ ಪಡೆದಿದ್ದು, ಲೈಂಗಿಕ ಚಿಕಿತ್ಸೆಯ ಔಪಚಾರಿಕ ಅಭ್ಯಾಸಕಾರರಾಗಿದ್ದಾರೆ ಎಂದು ಕಂಪನಿ ಹೇಳಿದೆ ಎಂದು ಮೇನ್​ಲ್ಯಾಂಡ್​ ವರದಿಯಲ್ಲಿ ತಿಳಿಸಿದೆ.

ಇನ್ನು ಸೆಕ್ಸ್​ ಅಪೀಲ್​ ಟ್ರೈನಿಂಗ್​ ಕ್ಯಾಂಪ್​ ಚೀನಾದಲ್ಲಿ ವ್ಯಾಪಕ ಟೀಕೆಗಳನ್ನು ಹುಟ್ಟುಹಾಕಿದೆ. ಇದೊಂದು ಅನೈತಿಕ ವ್ಯಾಪಾರ ಮಾರ್ಗಾವಾಗಿದ್ದು, ದುರ್ಬಲ ಮತ್ತು ತಮ್ಮ ಜೀವನದ ಬಗ್ಗೆ ಆಸಕ್ತಿ ಹೊಂದಿರುವ ಮಹಿಳೆಯರ ಲಾಭವನ್ನು ಈ ಶಿಬಿರ ಪಡೆದುಕೊಳ್ಳುತ್ತದೆ. ಈ ಮಧ್ಯವಯಸ್ಸಿನ ಮಹಿಳೆಯರು ಸರಿ ತಪ್ಪುಗಳನ್ನು ವಿವೇಚಿಸಲು ಸಾಧ್ಯವಿಲ್ಲ. ಓದು ಅಥವಾ ಶಿಕ್ಷಣವನ್ನು ಮುಂದುವರಿಸುವ ಮೂಲಕ ತಮ್ಮ ಆಕರ್ಷಣೆಯನ್ನು ಆರೋಗ್ಯಕರ ರೀತಿಯಲ್ಲಿ ಸುಧಾರಿಸಬಹುದು ಎಂದು ನೆಟ್ಟಿಗರು ಪ್ರತಿಕ್ರಿಯಿಸಿದ್ದಾರೆ. (ಏಜೆನ್ಸೀಸ್​)

ಇಡ್ಲಿ ತಿನ್ನುವಾಗ ವ್ಯಕ್ತಿ ದುರಂತ ಸಾವು! ನೀವು ಕೂಡ ಎಂದಿಗೂ ಈ ತಪ್ಪುಗಳನ್ನು ಮಾಡ್ಬೇಡಿ…

ನನ್ನ ದೇಹದ ಬಗ್ಗೆ ಮೊದಲೇ ಗೊತ್ತಿರಲಿಲ್ಲವೇ? ಬೇಡ ಎನ್ನಲು ಇಂಥಾ ನೀಚ ಕಾರಣ ಕೊಡಬೇಕಿತ್ತಾ? ಕಸ್ತೂರಿ ಆಕ್ರೋಶ