More

    ಐ ಫೋನ್​, ಐಪ್ಯಾಡ್, ಮ್ಯಾಕ್‌ಬುಕ್‌ ಬಳಕೆದಾರರೇ ಎಚ್ಚರ: ಹೈ ರಿಸ್ಕ್​ ಎನ್ನುತ್ತಿರುವುದೇಕೆ ಕೇಂದ್ರ ಸರ್ಕಾರ..!

    ನವದೆಹಲಿ: ಐಫೋನ್ ಸೇರಿದಂತೆ ಆ್ಯಪಲ್‌ನ ಸಾಧನಗಳನ್ನು ಬಳಸುವವರಿಗೆ ಕೇಂದ್ರ ಸರ್ಕಾರ ಎಚ್ಚರಿಕೆ ನೀಡಿದೆ.

    ಭಾರತೀಯ ಕಂಪ್ಯೂಟ‌ರ್ ತುರ್ತು ಪ್ರತಿಕ್ರಿಯೆ ತಂಡದ (ಸಿಇಆರ್​ಟಿ-ಇನ್​) ಭದ್ರತಾ ಸಲಹೆಯು, ಐ ಫೋನ್​, ಐಪ್ಯಾಡ್, ಮ್ಯಾಕ್‌ಬುಕ್‌ ಮತ್ತು ವಿಷನ್ ಪ್ರೋ ಬಳಕೆ ‘ಹೈ ರಿಸ್ಕ್’ನಿಂದ ಕೂಡಿದೆ ಎಂದು ಎಚ್ಚರಿಕೆ ನೀಡಿದೆ.

    ಇದನ್ನೂ ಓದಿ: ಅಬ್ಬಬ್ಬಾ, ಬಾಹುಬಲಿಯನ್ನು ಮೀರಿಸಿದ್ದಾನೆ.. ಇಂತಹ ವ್ಯಕ್ತಿಯನ್ನು ಎಲ್ಲಿಯಾದರೂ ನೋಡಿದ್ದೀರಾ?

    ವಿವಿಧ ಆಪಲ್ ಸಾಧನಗಳಲ್ಲಿ ‘ರಿಮೋಟ್ ಕೋಡ್ ಎಕ್ಸಿಕ್ಯೂಷನ್ ವ್ಯವಸ್ಥೆಗೆ ಸಂಬಂಧಿಸಿದಂತೆ ಈ ಎಚ್ಚರಿಕೆ ನೀಡಲಾಗಿದೆ. ಆಪಲ್​ ಸಫಾರಿ ಆವೃತ್ತಿಗಳು 1.4.2017 ಕ್ಕಿಂತ ಹಿಂದಿನ ಆವೃತ್ತಿಗಳು, ಆಪಲ್​ ಮ್ಯಾಕ್​ಓಎಸ್​, ವೆಂಚುರಾ ಆವೃತ್ತಿಗಳು 6.6.2013 ಕ್ಕಿಂತ ಹಿಂದಿನವು, ಆಪಲ್​ ಮ್ಯಾಕ್​ ಓಎಸ್​ ಸನೋಮಾ ಆವೃತ್ತಿಗಳು 1.4.2014 ಕ್ಕಿಂತ ಹಿಂದಿನವು, ಆಪಲ್​ ವಿಷನ್​ ಓಎಸ್​ ಆವೃತ್ತಿಗಳು 1.1.2001 ಗಿಂತ ಹಿಂದಿನವು, ಆಪಲ್​ ಐಓಎಸ್​-ಐಪಾಡ್​ ಓಎಸ್​ ಆವೃತ್ತಿಗಳು 1.4.2017 ಕ್ಕಿಂತ ಹಿಂದಿನವು, ಮತ್ತು 7.7.2016 ಕ್ಕಿಂತ ಹಿಂದಿನ ಆಪಲ್​ ಐಒಎಸ್​ ಮತ್ತು ಐ ಪಾಡ್​ ಓಎಸ್​ ಆವೃತ್ತಿಗಳನ್ನು ಒಳಗೊಂಡಂತೆ ಆಪಲ್​ ಸಾಫ್ಟ್‌ವೇರ್ ಮತ್ತು ಹಾರ್ಡ್‌ವೇ‌ರ್ ದುರ್ಬಲಗೊಂಡಿದ್ದು, ಹೈ ರಿಸ್ಕ್​ನಿಂದ ಕೂಡಿವೆ ಎಂದು ಎಚ್ಚರಿಸಲಾಗಿದೆ.

    ಐಫೋನ್ ಮತ್ತು ಐಪ್ಯಾಡ್ ಬಳಕೆದಾರರು ಹೊಸ ಆವೃತ್ತಿಗಳಿಗೆ ಅಪ್‌ಡೇಟ್ ಮಾಡದ ಹೊರತು ತೊಂದರೆ ಕಟ್ಟಿಟ್ಟ ಬುತ್ತಿಯಾಗಿದೆ. ಮ್ಯಾಕ್‌ಬುಕ್ ಬಳಕೆದಾರರು ತಮ್ಮ ಸಿಸ್ಟಂಗಳನ್ನು ಕೂಡಲೇ ನವೀಕರಿಸಬೇಕು. ವಿಶ್ವಾಸಾರ್ಹ ಪ್ಲಾಟ್‌ಫಾರ್ಮ್‌ಗಳು, ನಿಯಮಿತ ಬ್ಯಾಕಪ್‌ಗಳು, ಟೂ-ಲೇಯರ್ಸ್​ ಭದ್ರತಾ ಸೆಟ್ಟಿಂಗ್‌ಗಳು ಇತ್ಯಾದಿಗಳಿಂದ ಡೌನ್‌ಲೋಡ್ ಮಾಡುವುದನ್ನು ಖಚಿತಪಡಿಸಿಕೊಳ್ಳುವುದಕ್ಕೆ ಈ ಎಚ್ಚರಿಕೆ ನೀಡಲಾಗಿದೆ.

    ಭಾರತದ ಆರ್ಥಿಕ ವೃದ್ಧಿ ಶೇ.7.5ಕ್ಕೆ ಏರಿಕೆ! ಶ್ರೀಲಂಕಾ, ಪಾಕ್​, ಬಾಂಗ್ಲಾ ಸ್ಥಿತಿ ಏನಾಗಲಿದೆ? ವಿಶ್ವ ಬ್ಯಾಂಕ್‌ ಹೇಳಿದ್ದೇನು?

    ಸಿನಿಮಾ

    ಲೈಫ್‌ಸ್ಟೈಲ್

    ಟೆಕ್ನಾಲಜಿ

    Latest Posts