ನವದೆಹಲಿ: ಕೆಲವರು ಸಾಮಾನ್ಯ ಮನುಷ್ಯರಂತೆ ಕಂಡರೂ, ಅತೀತ ಶಕ್ತಿಗಳಂತೆ ಶಕ್ತಿವಂತರಾಗಿರುತ್ತಾರೆ. ಅಸಾಧ್ಯವಾದ ಕೆಲಸಗಳನ್ನು ಮಾಡುತ್ತಾ, ಅಚ್ಚರಿಗಳನ್ನು ಸೃಷ್ಟಿಸುತ್ತ ಗಿನ್ನಿಸ್ ದಾಖಲೆ ಮಾಡುವುದನ್ನು ನೋಡುತ್ತೇವೆ. ಇಂತಹವರ ಸಾಹಸದ ವಿಡಿಯೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿವೆ. ಇತ್ತೀಚಿಗೆ ಇದೇ ರೀತಿಯ ವಿಡಿಯೋವೊಂದು ಸದ್ದು ಮಾಡುತ್ತಿದೆ. ಒಬ್ಬನೇ ವಾಹನಕ್ಕೆ ಬೃಹತ್ ಗಾತ್ರದ ಟೈರ್ ಎತ್ತಿಹಾಕುವುದನ್ನು ಕಂಡು ನೆಟ್ಟಿಗರು ಬೆಚ್ಚಿಬಿದ್ದಿದ್ದಾರೆ. ಈ ವಿಡಿಯೋ ನೋಡಿದ ನೆಟಿಜನ್‌ಗಳು ವಾವ್.. ಬಾಹುಬಲಿಯನ್ನು ಮೀರಿಸಿದ್ದಾನೆ ಎಂದು ಕಮೆಂಟ್ ಮಾಡುತ್ತಿದ್ದಾರೆ.
ಇದನ್ನೂ ಓದಿ: ಹೂಡಿಕೆದಾರರಿಗೆ ಹಣದ ಸುರಿಮಳೆಗೈದ ರಕ್ಷಣಾ ಕ್ಷೇತ್ರದ 6 ಷೇರುಗಳು: ಮೋದಿಯವರ ಸ್ವಾಲವಂಬನೆ ನೀತಿಯಿಂದ ಮತ್ತಷ್ಟು ಏರಿಕೆ ನಿರೀಕ್ಷೆ
ದೊಡ್ಡ ಭಾರವಾದ ಟೈರ್ ಅನ್ನು ಲೋಡ್ ಮಾಡಲು ವ್ಯಕ್ತಿಯೊಬ್ಬ ರಸ್ತೆ ಬದಿಯಲ್ಲಿ ಲಾರಿಯನ್ನು ನಿಲ್ಲಿಸುತ್ತಾನೆ. ಆದರೆ ಅಷ್ಟು ದೊಡ್ಡ ಟೈರ್ ಅನ್ನು ತಾನೇ ಲೋಡ್ ಮಾಡಲು ಮುಂದಾಗುತ್ತಾನೆ.ಅದನ್ನು ಒಬ್ಬನೇ ಎತ್ತಲಾಗುವುದಿಲ್ಲ ಎಂದು ಎಲ್ಲರೂ ಭಾವಿಸುತ್ತಾರೆ. ಆದರೆ ಆತ ತುಂಬಾ ಆತ್ಮವಿಶ್ವಾಸದಿಂದ ಟೈರ್ ಅನ್ನು ಸ್ವಲ್ಪ ಸ್ವಲ್ಪ ಮೇಲಕ್ಕೆತ್ತಿ ನಂತರ ನೆಲಕ್ಕೆ ಇಳಿಸುತ್ತಾನೆ. ಮತ್ತೆ ಮತ್ತೆ ಹೀಗೆ ಮಾಡುವುದರಿಂದ ಟೈರ್ ಹೆಚ್ಚು ಎತ್ತರಕ್ಕೆ ಜಿಗಿಯುವಂತೆ ಮಾಡುತ್ತಾನೆ. ಕೊನೆಗೆ ಅಷ್ಟು ದೊಡ್ಡ ಟೈರ್ ಅನ್ನು ಲಾರಿ ಮೇಲಕ್ಕೆ ತಳ್ಳುತ್ತದೆ. ಒಬ್ಬನೇ ಆ ಭಾರವಾದ ಟೈರ್ ಅನ್ನು ಅಷ್ಟು ಸುಲಭವಾಗಿ ಲಾರಿಗೆ ಲೋಡ್ ಮಾಡುತ್ತಾನೆ. ಸದ್ಯ ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಇದಕ್ಕೆ ನೆಟಿಜನ್‌ಗಳು ವಿಭಿನ್ನ ರೀತಿಯಲ್ಲಿ ಪ್ರತಿಕ್ರಿಯಿಸುತ್ತಿದ್ದಾರೆ. ಕೆಲವರು “ಬಾಹುಬಲಿಯನ್ನು ಮೀರಿಸಿದ್ದಾನೆ” ಎಂದು ಹೇಳುತ್ತಿದ್ದರೆ, ಇನ್ನು ಕೆಲವರು “ನಿನ್ನ ಪ್ರತಿಭೆ ಸೂಪರ್ ಬ್ರದರ್” ಎಂದು ಹೇಳುತ್ತಿದ್ದಾರೆ ಇನ್ನೂ ಕೆಲವರು ವಿವಿಧ ರೀತಿಯ ಎಮೋಜಿಗಳೊಂದಿಗೆ ಕಾಮೆಂಟ್ ಮಾಡುತ್ತಿದ್ದಾರೆ.