ರಾತ್ರಿ ಇಡೀ ನಿದ್ದೆಯಿಲ್ಲದೆ ಒದ್ದಾಡಿದ್ದೆ, ಖಿನ್ನತೆಗೆ ಜಾರಿದ್ದೆ! ಬಾಲಿವುಡ್ ನಟಿ ಶಮಿತಾ ಶೆಟ್ಟಿಯನ್ನ ಕಾಡಿದ ಆ 'ವಿಚಿತ್ರ ಕಾಯಿಲೆ' ಯಾವುದು? ಇಲ್ಲಿದೆ ಕಂಪ್ಲೀಟ್​ ಡೀಟೆಲ್ಸ್​! Shamita Shetty on Endometriosis

ಮುಂಬೈ: ಬಾಲಿವುಡ್ ನಟಿ ಶಿಲ್ಪಾ ಶೆಟ್ಟಿ ಸಹೋದರಿ ಶಮಿತಾ ಶೆಟ್ಟಿ ಬಗ್ಗೆ ಎಲ್ಲರಿಗೂ ತಿಳಿದಿದೆ. ಶಮಿತಾ ದೀರ್ಘ ಸಮಯದವರೆಗೆ ಎಂಡೊಮೆಟ್ರಿಯೊಸಿಸ್ (Endometriosis) ಎಂಬ ಕಾಯಿಲೆಗೆ ತುತ್ತಾಗಿದ್ದು, ಮಹಿಳೆಯಲ್ಲಿ ಕಂಡುಬರುವ ಈ ವಿಚಿತ್ರ ಕಾಯಿಲೆ, ಗುಣ ಲಕ್ಷಣ, ತಾವು ಅನುಭವಿಸಿದ ಕಷ್ಟಗಳ ಬಗ್ಗೆ ಶರ್ಮಿತಾ (Shamita Shetty on Endometriosis) ಮನಬಿಚ್ಚಿ ಮಾತನಾಡಿದ್ದಾರೆ. 

ತಾವು ಅನುಭವಿಸಿದ ನೋವಿನ ಕುರಿತು ಇತ್ತೀಚೆಗೆ ನೀಡಿರುವ ಸಂದರ್ಶನದಲ್ಲಿ ಮಾತನಾಡಿರುವ ನಟಿ ಶಮಿತಾ ಶೆಟ್ಟಿ, ನನಗೆ ಇದೊಂದು ಕಾಯಿಲೆ ಎಂದೇ ಗೊತ್ತಿರಲಿಲ್ಲ, ಹೀಗಾಗಿ ಗುಣಮುಖವಾಗಲು ಬಹಳ ಸಮಯ ತೆಗೆದುಕೊಂಡಿತು.

ನನಗೆ ಎಂಡೊಮೆಟ್ರಿಯೊಸಿಸ್ (Endometriosis) ಬಗ್ಗೆ ಮಾಹಿತಿ ಇರಲಿಲ್ಲ. ಇದರ ಬಗ್ಗೆ ಎಲ್ಲಿಯೂ ಕೇಳಿರಲಿಲ್ಲ, ಇದಕ್ಕೆ ತುತ್ತಾದವರ ಬಗ್ಗೆ ಗೊತ್ತು ಇರಲಿಲ್ಲ. ಹೀಗಾಗಿ ನನಗೆ ನಾನು ನಾರ್ಮಲ್​ ಆಗಿ ಇದ್ದೆನೆ ಎಂಬ ಭಾವನೆ ಇತ್ತು ಎಂದಿದ್ದಾರೆ.

ನಂತರ ದಿನಗಳಲ್ಲಿ ನನಗೆ ಖುತುಸ್ರಾವದ ಸಮಯದಲ್ಲಿ ವಿಪರಿತವಾದ ನೋವು ಕಾಣಿಸಿಕೊಳ್ಳುತ್ತಿತ್ತು. ಮೊದಲು ನಾನು ಇದನ್ನು ಕೂಡ ನಾರ್ಮಲ್​ ಎಂದೇ ಭಾವಿಸಿದ್ದೆ. ಕೆಲವೊಂದು ದಿನ ರಾತ್ರಿ ಮಲಗಲು ಆಗದೆ ಎಷ್ಟೋ ದಿನ ನೋವಿನಿಂದ ಒದ್ದಾಡಿದ್ದೆನೆ. ಪಾಪ ನನ್ನ ದೇಹ ಅದು ಅನುಭವಿಸುತ್ತಿರುವ ಕಷ್ಟವನ್ನು ನನಗೆ ಹೇಳುತ್ತಿತ್ತು, ಆದರೆ ನನಗೆ ಅದು ತಿಳಿಯಲೇ ಇಲ್ಲ. ನಿಜವಾದ ಅರ್ಥದಲ್ಲಿ ನಾನು ಖಿನ್ನತೆಗೆ ಒಳಗಾಗಿದ್ದೆ ಎಂದು ಶಮಿತಾ ಹೇಳಿದ್ದಾರೆ.

ಎಂಡೊಮೆಟ್ರಿಯೊಸಿಸ್ ಇದು ಮಹಿಳೆಯರಲ್ಲಿ ಕಂಡುಬರುವ  ಆರೋಗ್ಯ ಸಮಸ್ಯೆಯಾಗಿದೆ. ಗರ್ಭಾಶಯದ ಒಳಪದರವನ್ನು ಹೋಲುವ ಅಂಗಾಂಶವು ಗರ್ಭಾಶಯದ ಹೊರಗೆ, ಅಂದರೆ ಅಂಡಾಶಯಗಳು (ovaries), ಫಾಲೋಪಿಯನ್ ಟ್ಯೂಬ್‌ಗಳು (fallopian tubes) ಮತ್ತು ಶ್ರೋಣಿ ಕುಹರದ (pelvis) ಇತರ ಭಾಗಗಳಲ್ಲಿ ಬೆಳೆಯಲು ಪ್ರಾರಂಭಿಸಿದಾಗ ಈ ಸ್ಥಿತಿ ಉಂಟಾಗುತ್ತದೆ. 

ಎಂಡೊಮೆಟ್ರಿಯಾಸಿಸ್‌ನ ಪ್ರಮುಖ ಲಕ್ಷಣವೆಂದರೆ ಮುಟ್ಟಿನ ಸಮಯದಲ್ಲಿ ಉಂಟಾಗುವ ಅಸಹನೀಯ ಸೊಂಟ ಮತ್ತು ಹೊಟ್ಟೆಯ ನೋವು. ಇದರೊಂದಿಗೆ ಲೈಂಗಿಕ ಸಂಪರ್ಕದ ಸಮಯದಲ್ಲಿ ನೋವು, ಮಲವಿಸರ್ಜನೆ ಅಥವಾ ಮೂತ್ರ ವಿಸರ್ಜನೆಯ ವೇಳೆ ತೊಂದರೆ, ಅತಿಯಾದ ರಕ್ತಸ್ರಾವ ಮತ್ತು ನಿರಂತರ ಆಯಾಸ ಕಂಡುಬರಬಹುದು. ಅನೇಕ ಮಹಿಳೆಯರಲ್ಲಿ ಇದು ಬಂಜೆತನಕ್ಕೆ  ಪ್ರಮುಖ ಕಾರಣವಾಗುತ್ತದೆ. ಈ ಕಾಯಿಲೆಗೆ ನಿಖರವಾದ ಕಾರಣಗಳು ಇನ್ನು ಪೂರ್ಣವಾಗಿ ತಿಳಿದುಬಂದಿಲ್ಲವಾದರೂ, ಹಾರ್ಮೋನ್‌ಗಳ ಏರುಪೇರು, ಆನುವಂಶಿಕತೆ ಮತ್ತು ರೋಗನಿರೋಧಕ ಶಕ್ತಿಯ ಸಮಸ್ಯೆಗಳು ಇದಕ್ಕೆ ಕಾರಣವೆಂದು ಹೇಳಲಾಗುತ್ತದೆ.

ಇದಕ್ಕೆ ಸಂಪೂರ್ಣ ಶಾಶ್ವತ ಪರಿಹಾರವಿಲ್ಲದಿದ್ದರೂ, ಲಕ್ಷಣಗಳನ್ನು ನಿಯಂತ್ರಿಸಲು ಉತ್ತಮ ಚಿಕಿತ್ಸೆಗಳು ಲಭ್ಯವಿವೆ. ನೋವು ನಿವಾರಕ ಮಾತ್ರೆಗಳು, ಹಾರ್ಮೋನ್ ಥೆರಪಿ  ಮತ್ತು ಗಂಭೀರ ಪರಿಸ್ಥಿತಿಗಳಲ್ಲಿ ಶಸ್ತ್ರಚಿಕಿತ್ಸೆಯ ಮೂಲಕ ಗರ್ಭಾಶಯದ ಹೊರಗಿರುವ ಅಂಗಾಂಶವನ್ನು ತೆಗೆದುಹಾಕಲಾಗುತ್ತದೆ. ಸರಿಯಾದ ಸಮಯಕ್ಕೆ ವೈದ್ಯರನ್ನು ಕಂಡು ತಪಾಸಣೆ ಮಾಡಿಸಿಕೊಳ್ಳುವುದರಿಂದ ಈ ಸಮಸ್ಯೆಯನ್ನು ಯಶಸ್ವಿಯಾಗಿ ನಿರ್ವಹಿಸಬಹುದು, (ಏಜನ್ಸೀಸ್​).