16 ಕೋಟಿ ಸೇತುವೆ 17 ನೇ ದಿನಕ್ಕೆ ಕುಸಿತ: ಭಾರಿ ಮಳೆಗೆ ತತ್ತರಿಸಿದ ದೇವಭೂಮಿ; ಕಳಪೆ ಕಾಮಗಾರಿಗೆ ಜನರ ಆಕ್ರೋಶ! Bridge Collapse in Uttarakhand

ಡೆಹರ್ರಾಡೂನ್​​: ಸರ್ಕಾರದ ಬೊಕ್ಕಸದಿಂದ ಕೋಟ್ಯಂತರ ರೂಪಾಯಿ ಹಣ ಖರ್ಚು ಮಾಡಿ ಜನರಿಗೆ ಅನುಕೂಲ ಮಾಡಿಕೊಡಲು ಕಟ್ಟುವ ಅಭಿವೃದ್ಧಿ ಕೆಲಸಗಳು ಎಷ್ಟು ಕಳಪೆಯಾಗಿರುತ್ತವೆ ಎನ್ನುವುದಕ್ಕೆ ಇತ್ತೀಚೆಗೆ ಉತ್ತರಾಖಂಡನ ಡೆಹರ್ರಾಡೂನ್​ (Bridge Collapse in Uttarakhand) ನಲ್ಲಿ ನಡೆದಿರುವ ಘಟನೆಯೇ ಸಾಕ್ಷಿಯಾಗಿದೆ.

ಉತ್ತರಾಖಂಡದ ರಾಜಧಾನಿ ಡೆಹ್ರಾಡೂನ್‌ನಲ್ಲಿ ಟನ್ಸ್ ನದಿಗೆ ಅಡ್ಡಲಾಗಿ ಹೊಸದಾಗಿ ಕಟ್ಟಿ, ಉದ್ಘಾಟನೆ ಮಾಡಿದ್ದ ಸೇತುವೆಯೊಂದು ರಾತ್ರಿ ಸುರಿದ ಮಳೆಗೆ ತತ್ತರಿಸಿ ಹೋಗಿದೆ. ಬರೀ 17 ದಿನಗಳ ಹಿಂದೆ ಅಷ್ಟೇ ಅದ್ದೂರಿಯಾಗಿ ಲೋಕಾರ್ಪಣೆಗೊಂಡಿದ್ದ ಈ ಸೇತುವೆ ಈಗ ಕಳಪೆ ಕಾಮಗಾರಿಯ ಸತ್ಯವನ್ನು ಬಟಾಬಯಲಾಗಿಸಿದೆ.

ಇದನ್ನೂ ಓದಿ: ಇನ್ನು ಹೋರಾಟ ಸಾಕು... ಈಗ ಅವನಿಗೆ ಮದುವೆ ಮಾಡಿಸಬೇಕು: ಡಿಸೆಂಬರ್​ ಒಳಗೆ ನನ್ನ ಮಗನ ಮದುವೆ; ಅಭಿಜಿತ್​ ತಾಯಿ ಅನಿತಾ ದೀಪ್ಕೆ! Abhijit Dipke Marriage

ಡೆಹ್ರಾಡೂನ್-ಪವೊಂಟಾ ಸಾಹಿಬ್ ಹೆದ್ದಾರಿಯಲ್ಲಿ ಬರುವ ಪ್ರೇಮ್ ನಗರ ಮತ್ತು ನಂದಾ ಕಿ ಚೌಕಿ ನಡುವಿನ ಈ ಸೇತುವೆಯ ಸಂಪರ್ಕ ರಸ್ತೆಯಲ್ಲಿ ಮಂಗಳವಾರಮ (ಜು.28) ಬೆಳಿಗ್ಗೆ ದೈತ್ಯ ಗುಂಡಿಯೊಂದು ಬಾಯ್ದೆರೆದುಕೊಂಡಿದೆ. ಇದನ್ನು ನೋಡಿದ ಸ್ಥಳೀಯರು ಹಾಗೂ ಪ್ರಯಾಣಿಕರು ಬೆಚ್ಚಿಬಿದ್ದಿದ್ದಾರೆ.

ಈ ಸೇತುವೆ ನಿರ್ಮಾಣಕ್ಕಾಗಿ ಸರ್ಕಾರ ಸುಮಾರು 16 ಕೋಟಿ ರೂಪಾಯಿಗಳಿಗೂ ಅಧಿಕ ಹಣವನ್ನು ಖರ್ಚು ಮಾಡಿದೆ. ಆದರೆ, ಇಷ್ಟು ದೊಡ್ಡ ಮೊತ್ತದ ಹಣವನ್ನು ಸುರಿದು ಕಟ್ಟಿದ ಸೇತುವೆ ಕೇವಲ 17 ದಿನಗಳಲ್ಲಿ ಮಳೆಗೆ ಕೊಚ್ಚಿಹೋಗುವಂತಾಗಿದ್ದು ಜನರ ಕೆಂಗಣ್ಣಿಗೆ ಗುರಿಯಾಗಿದೆ.

ಸೇತುವೆ ಕುಸಿದುಬಿದ್ದ ವಿಚಾರ ತಿಳಿಯುತ್ತಿದ್ದಂತೆ ಎಚ್ಚೆತ್ತ ಡೆಹ್ರಾಡೂನ್ ಜಿಲ್ಲಾ ಮ್ಯಾಜಿಸ್ಟ್ರೇಟ್ ಆಶಿಶ್ ಚೌಹಾಣ್ ತಕ್ಷಣ ಸ್ಥಳಕ್ಕೆ ಅಧಿಕಾರಿಗಳನ್ನು ಕಳುಹಿಸಿಕೊಟ್ಟಿದ್ದಾರೆ. ಬಳಿಕ ಮಾಧ್ಯಮಗಳೊಂದಿಗೆ ಮಾತನಾಡಿದ ಅವರು, ಸೇತುವೆಯ ಮುಖ್ಯ ರಚನಾತ್ಮಕ ವಿನ್ಯಾಸಕ್ಕೆ (Structural Design) ಯಾವುದೇ ಧಕ್ಕೆಯಾಗಿಲ್ಲ, ಅದು ಸಂಪೂರ್ಣ ಸುರಕ್ಷಿತವಾಗಿದೆ.

ಇನ್ನು ಕೇವಲ ರಸ್ತೆ ಕುಸಿತ ಮಾತ್ರವಲ್ಲದೆ, ಇಡೀ ಉತ್ತರಾಖಂಡದಾದ್ಯಂತ ಮಳೆರಾಯ ತನ್ನ ಪ್ರತಾಪ ತೋರಿಸುತ್ತಿದ್ದಾನೆ. ಭಾರತೀಯ ಹವಾಮಾನ ಇಲಾಖೆ ರಾಜ್ಯದ ಒಂಬತ್ತು ಜಿಲ್ಲೆಗಳಲ್ಲಿ ಭಾರೀ ಮಳೆಯಾಗಲಿದೆ ಎಂದು ಕಿತ್ತಳೆ ಎಚ್ಚರಿಕೆ (Orange Alert) ನೀಡಿದೆ. ನಿರಂತರವಾಗಿ ಸುರಿಯುತ್ತಿರುವ ಮಳೆ ಹಾಗೂ ಭೂಕುಸಿತದ ಭೀತಿಯಿಂದಾಗಿ ಉತ್ತರಾಖಂಡ ಸರ್ಕಾರ ಮುನ್ನೆಚ್ಚರಿಕೆ ಕ್ರಮವಾಗಿ ಪ್ರಸಿದ್ಧ ಚಾರ್ ಧಾಮ್ ಯಾತ್ರೆಯನ್ನು ಮುಂದಿನ ಎರಡು ದಿನಗಳವರೆಗೆ ತಾತ್ಕಾಲಿಕವಾಗಿ ಸ್ಥಗಿತಗೊಳಿಸಿದೆ, (ಏಜನ್ಸೀಸ್​​).