ದೇಶ

ಇನ್ನು ಹೋರಾಟ ಸಾಕು... ಈಗ ಅವನಿಗೆ ಮದುವೆ ಮಾಡಿಸಬೇಕು: ಡಿಸೆಂಬರ್​ ಒಳಗೆ ನನ್ನ ಮಗನ ಮದುವೆ; ಅಭಿಜಿತ್​ ತಾಯಿ ಅನಿತಾ ದೀಪ್ಕೆ! Abhijit Dipke Marriage

ಅಭಿಜಿತ್​ ದೀಪ್ಕೆ ಮದುವೆಗೆ ಮುಂದಾದ ತಾಯಿ ಅನಿತಾ ದೀಪ್ಕೆ
ಅಭಿಜಿತ್​ ದೀಪ್ಕೆ ಮದುವೆಗೆ ಮುಂದಾದ ತಾಯಿ ಅನಿತಾ ದೀಪ್ಕೆ
ವಿನಾಯಕ ನಾಯಕ
Published on: 

ಪ್ರಮುಖ ಮುಖ್ಯಾಂಶಗಳು

  • ಇನ್ನು ಹೋರಾಟ ಸಾಕು, ಈ ವರ್ಷದ ಡಿಸೆಂಬರ್ ಒಳಗೆ ನನ್ನ ಮಗನ ಮದುವೆ
  • ಅಭಿಜಿತ್​ ದೀಪ್ಕೆ ಮದುವೆಗೆ ಮುಂದಾದ ತಾಯಿ ಅನಿತಾ ದೀಪ್ಕೆ
  • ಅವನಿಗೊಂದು ಮದುವೆ ಮಾಡಿಸಬೇಕಿದೆ
ಮುಂಬೈ: ಸದ್ಯ ದೆಹಲಿಯಲ್ಲಿ ನಡೆದಿದ್ದ ನೀಟ್​ ಪರೀಕ್ಷಾ ಅಕ್ರಮ ವಿರೋಧಿ ಹೋರಾಟಕ್ಕೆ ದೇಶದ ಮೂಲೆ-ಮೂಲೆಗಳಿಂದ ವ್ಯಾಪಕ ಬೆಂಬಲ ದೊರೆತ ಹಿನ್ನಲೆ ಸರ್ಕಾರ ಕೂಡ ಈ ಹೋರಾಟಕ್ಕೆ ಮಣಿದು, ಶಿಕ್ಷಣ ಸಚಿವರ ರಾಜೀನಾಮೆ ಹಾಗೂ ಪರೀಕ್ಷಾ ಅಕ್ರಮ ನಿಯಂತ್ರಣ ಮಸೂದೆಯನ್ನು ಅಂಗೀಕಾರ ಮಾಡಿದೆ.
ಈ ಹೋರಾಟದ ಹಿಂದೆ ನಿಂತಿದ್ದ ಕಾಕ್ರೋಚ್​ ಜನತಾ ಪಾರ್ಟಿ ಎಂಬ ಸೋಷಿಯಲ್​ ಮೀಡಿಯಾ ಕ್ಯಾಂಪೆನ್​ ಮೂಲಕವೇ ಈ ಪ್ರತಿಭಟನೆ ಯಶಸ್ಸನ್ನು ಕಂಡಿತು ಎಂದರೂ ತಪ್ಪಾಗದು. ಈ ಪಾರ್ಟಿ ಸ್ಥಾಪಕ ಅಭಿಜಿತ್​ ದೀಪ್ಕೆ ಕೂಡ ಈ ಹೋರಾಟದಲ್ಲಿ ಪ್ರಮುಖ ಪಾತ್ರವನ್ನು ವಹಿಸಿದ್ದರು.
ಈಗ, ಈ ಪ್ರತಿಭಟನೆ, ಹೋರಾಟ ಎಲ್ಲಾ ಮುಕ್ತಾಯವಾಗಿದ್ದು, ಮನೆ ಕಡೆ ಮುಖ ಮಾಡಿರುವ ಮಗ ಅಭಿಜಿತ್​ ದೀಪ್ಕೆ(Abhijit Dipke Marriage) ಗೆ ಈ ಡಿಸೆಂಬರ್​ ಒಳಗಾಗಿ ಮದುವೆ ಮಾಡಲು ಅವರ ತಾಯಿ ಮುಂದಾಗಿದ್ದಾರೆಂದು ಹೇಳಲಾಗುತ್ತಿದೆ.

ಅವನಿಗೊಂದು ಮದುವೆ ಮಾಡಿಸಬೇಕು!

ಪ್ರತಿಭಟನೆ ಮುಗಿಸುಕೊಂಡು ಮನೆ ಸೇರಿರುವ ಮಗನ ಬಗ್ಗೆ ಖಾಸಗಿ ಪತ್ರಿಕೆಯೊಂದು ನಡೆಸಿದ ಸಂದರ್ಶನದಲ್ಲಿ ಮಾತನಾಡಿದ ಅನಿತಾ ದೀಪ್ಕೆ ಮಗನ ಮದುವೆ ಬಗ್ಗೆ ಮೌನ ಮುರಿದ್ದಿದ್ದಾರೆ.
ನನ್ನ ಮಗನಿಗೆ ಈಗ 30 ವರ್ಷ ಅವನು ಬೊಸ್ಟನ್​ನಲ್ಲಿದ್ದಾಗಲೇ ಹಲವು ಸಂಬಂಧಗಳು ಬಂದಿದ್ದವು. ಆದರೆ ನಮಗೆ ಅಷ್ಟು ಮೆಚ್ಚುಗೆ ಆಗಿರಲಿಲ್ಲ. ಮದುವೆ ಬಗ್ಗೆ ಅವನಿಗೆ ಕೇಳಿದಾಗ ಅವನು ನಾಚಿಕೊಂಡು, ಸಮ್ಮತಿಸಿದ್ದ ಎಂದು ದೀಪ್ಕೆ ತಾಯಿ ತಿಳಿಸಿದ್ದಾಳೆ.
https://indianexpress.com/article/cities/pune/abhijeet-dipke-parents-marriage-proposals-threats-cjp-founder-10807261/
ಈಗ ಈ ಹೋರಾಟ, ಪ್ರತಿಭಟನೆ ಎಂದು ಅವನು ಬ್ಯುಸಿಯಾಗಿದ್ದ ಕಾರಣ, ನಾನು ಮದುವೆ ಬಗ್ಗೆ ಅವನ ಬಳಿ ಮಾತನಾಡಿರಲಿಲ್ಲ, ಈಗ ಈ ಎಲ್ಲಾ ಹೋರಾಟ ಮುಗಿದಿದೆ, ಈಗ ಡಿಸೆಂಬರ್​ ಒಳಗಾಗಿ ನನ್ನ ಮಗನಿಗೆ ಮದುವೆ ಮಾಡುವ ಯೋಜನೆಯಿದೆ ಎಂದು ಅಭಿಜಿತ್​ ತಾಯಿ ಅನಿತಾ ಹೇಳಿದ್ದಾರೆ.

ಸಣ್ಣವನಿದ್ದಾಗ ಸುಮ್ಮನಿರುತ್ತಿದ್ದ!

ಬಾಲ್ಯದಿಂದಲೂ ಅಭಿಜಿತ್​ ವಿದ್ಯಾಭ್ಯಾಸದಲ್ಲಿ ಚುರುಕಾಗಿದ್ದ. ಆದರೆ, ಅವನು ಒಮ್ಮೆಲೂ ಮನೆಯಲ್ಲಿ ಕೋಪ, ಅಸಮಾಧಾನವನ್ನು ವ್ಯಕ್ತಪಡಿಸಿದಿಲ್ಲ. ಅಷ್ಟೇ ಅಲ್ಲದೆ ಶಾಲಾ-ಕಾಲೇಜ್​ಗಳಲ್ಲಿ ಕೂಡ ಭಾಷಣ, ಚರ್ಚೆ ಮೊದಲಾದವುಗಳಲ್ಲಿ ಭಾಗವಹಿಸಿದ್ದು ಕಡಿಮೆಯೇ ಎಂದು ಅನಿತಾ ತಿಳಿಸಿದ್ದಾರೆ. ಆದರೆ ಈಗ ನನ್ನ ಮಗ ಮೂರು ವಿವಿಧ ಭಾಷೆಗಳಲ್ಲಿ, ಟಿವಿಯಲ್ಲಿ ಮಾತನಾಡುವುದನ್ನು ನೋಡಿದೆ, ಅವನು ವಿದ್ಯಾರ್ಥಿಗಳ ಪರವಾಗಿ ಧ್ವನಿ ಎತ್ತಿದ್ದು, ಹೆಮ್ಮೆ ಅನ್ನಿಸುತ್ತದೆ ಎಂದು ಹೇಳಿದ್ದಾರೆ, (ಏಜನ್ಸೀಸ್​).
Trending
Vijayavani
Wedding
kannadanews
Abhijit
anitadipke
abhijitmarriage
ವಿಜಯವಾಣಿ ನಂ.1 ದಿನ ಪತ್ರಿಕೆ | Vijayavani | Kannada News
www.vijayavani.net