ವಿದ್ಯುತ್​ ಕೇಬಲ್​ಗೆ ತಗುಲಿ ಆಕಾಶದಲ್ಲೇ ಸ್ಪೋಟಗೊಂಡ ಗೈರೋಕಾಪ್ಟರ್​: ಇಬ್ಬರ ದಾರುಣ ಸಾವು; ವಿಡಿಯೋ ವೈರಲ್​! Gyrocopter Blast

ಇಟಲಿ: ಗುರುವಾರ (ಆ.27) ಇಟಲಿಯ ಪೀಡ್‌ಮಾಂಟ್ ಪ್ರದೇಶದಲ್ಲಿರುವ ಕ್ಯಾಂಪ್ಲಿಸಿಯೋಲಿ ಡ್ಯಾಂಮ್​ ಬಳಿ ಸಣ್ಣ ಗಾತ್ರದ ಗೈರೋಕಾಪ್ಟರ್ (Gyrocopter Blast)​ ವಿದ್ಯುತ್​ ಕೇಬಲ್​ವೊಂದಕ್ಕೆ ತಾಕಿದ ಪರಿಣಾಮ ಆಕಾಶದಲ್ಲೇ ಸ್ಪೋಟಗೊಂಡ ಘಟನೆ ವರದಿಯಾಗಿದೆ.

ಈ ದುರ್ಘಟನೆಯಲ್ಲಿ ಗೈರೋಕಾಪ್ಟರ್​ನಲ್ಲಿದ್ದ ಇಬ್ಬರು ಸಾವನ್ನಪ್ಪಿದ್ದು, ಇದು ಕಾರ್​ ಸವೀರ್ಸ್​ಗಾಗಿ ಹಾಸಿದ್ದ ಕೇಬಲ್​ ಎಂದು ತಿಳಿದು ಬಂದಿದ್ದು, ಈ ಘಟನೆಯ ವಿಡಿಯೋ ಸೋಷಿಯಲ್​ ಮೀಡಿಯಾನಲ್ಲಿ ಸಕ್ಕತ್​ ವೈರಲ್​ ಆಗುತ್ತಿದೆ.

ಇದನ್ನೂ ಓದಿ: ಈರುಳ್ಳಿ, ಸಕ್ಕರೆ ಬಳಿಕ ಮೊಟ್ಟೆ ಬೆಲೆ ಏರಿಕೆ? 20 ರಿಂದ 25 ರೂ. ಹೆಚ್ಚಳ ಸಾಧ್ಯತೆ; ಇ-20 ಗೂ ಮೊಟ್ಟೆ ಬೆಲೆಗೂ ಏನೀ ಸಂಬಂಧ? Egg Price Hike

ಸೋಷಿಯಲ್​ ಮೀಡಿಯಾನದಲ್ಲಿ ಈ ದುರಂತರ ವಿಡಿಯೋ ಎಲ್ಲೆಡೆ ವೈರಲ್​ ಆಗುತ್ತಿದ್ದು, ಈ ಘಟನೆ ಆಂಟ್ರೊನಾ ಸ್ಕಿರಾಂಕೊದಲ್ಲಿ ಕ್ಯಾಂಪ್ಲಿಸಿಯೊಲಿ ಸರೋವರದ ಮೇಲೆ ನಡೆದಿದೆ ಎಂದು ಹೇಳಲಾಗುತ್ತಿದೆ.

ಮಾಹಿತಿ ಪ್ರಕಾರ, ಈ ಗೈರೋಕಾಪ್ಟರ್​ನಲ್ಲಿ ಕೇವಲ ಇಬ್ಬರು ಮಾತ್ರ ಪಯಣಿಸಬಹುದಾಗಿದ್ದು, ಗೈರೋಕಾಪ್ಟರ್​​ ಕೇಬಲ್ ವೈರ್​ಗೆ ತಗುಲಿ ಕೆಲವೇ ಕ್ಷಣಗಳಲ್ಲಿ ಬೆಂಕಿಯುಂಡೆಯಂತೆ ಉರಿದಿರುವ ದೃಶ್ಯ ಜನರ ನಿದ್ದೆಗೆಡಿಸಿದೆ ಎಂದರೆ ಸುಳ್ಳಲ್ಲ.

ಈ ಘಟನೆ ವರದಿಯಾಗುತ್ತಿದ್ದಂತೆ ಇಟಲಿ ಪೊಲೀಸರು ತನಿಖೆ ನಡೆಸಲು ಮುಂದಾಗಿದ್ದು, ಕೇಬಲ್​ ವೈರ್​ ಕೆಳಗೆ ಇಳಿ ಬಿದ್ದಿತ್ತೆ? ಗೈರೋಕಾಪ್ಟರ್​​ ಚಾಲಕರ ನಿಯಂತ್ರಣ ತಪ್ಪಿತ್ತೆ? ಅಥವಾ ತಾಂತ್ರಿಕ ದೋಷವೇನಾದರೂ ಕಂಡುಬಂದಿತ್ತೆ ಎನ್ನುವುದು ತನಿಖೆ ನಡೆದು, ವರದಿ ಸಲ್ಲಿಕೆಯಾದ ಬಳಿಕವೇ ತಿಳಿದು ಬರಬೇಕಿದೆ, (ಏಜನ್ಸೀಸ್​).