ಅವನಿಗೆ ನನ್ನ ತರಬೇತಿಯ ಅಗತ್ಯವಿದೆ: ಅಭಿಷೇಕ್​-ವೈಭವ್ ಭಾರತ ಕ್ರಿಕೆಟ್​ನ ಭವಿಷ್ಯ; ವಂಡರ್​ ಕಿಡ್​ ಬಗ್ಗೆ ಯುವರಾಜ್​ ಸಿಂಗ್​ ಹೇಳಿದ್ದೇನು? Yuvraj Singh on Vaibhav Suryavanshi

ಲಂಡನ್​: ಇತ್ತೀಚೆಗೆ ನಡೆದ ಐರ್ಲೆಂಡ್​ ಹಾಗೂ ಇಂಗ್ಲೆಂಡ್​ ವಿರುದ್ಧದ ಟಿ-20 ಟೂರ್ನಿಯಲ್ಲಿ ಸರಣಿಯಲ್ಲಿ ಭಾರಿ ಮುಖಭಂಗ ಅನುಭವಿಸಿದ ಟೀಂ ಇಂಡಿಯಾ ಆಟಗಾರರು ಭಾನುವಾರ (ಜು.13) ಲಂಡನ್​ನಲ್ಲಿ ನಡೆಯುತ್ತಿದ್ದ ವಿಂಬಲ್ಡನ್​ ಲಾನ್​ ಟೆನಿಸ್​ ಪಂದ್ಯಾವಳಿಯನ್ನು ವೀಕ್ಷಿಸಲು ಹೋಗಿದ್ದರು.

ಈ ಸಂದರ್ಭದಲ್ಲಿ ಅಭಿಷೇಕ್​ ಶರ್ಮಾ ಜೊತೆಯಲ್ಲಿದ್ದ ವಂಡರ್​ ಕಿಡ್​ ವೈಭವ್​ ಸೂರ್ಯವಂಶಿ ಬಗ್ಗೆ ಭಾರತ ತಂಡದ ಮಾಜಿ ಸ್ಟಾರ್​ ಆಟಗಾರ ಯುವರಾಜ್​ ಸಿಂಗ್ (Yuvraj Singh on Vaibhav Suryavanshi)​ ಹೇಳಿರುವ ಮಾತು ಈಗ ಸೋಷಿಯಲ್​ ಮೀಡಿಯಾನಲ್ಲಿ ಸಖತ್​ ವೈರಲ್​ ಆಗುತ್ತಿದೆ.

ಅಭಿಷೇಕ್​ ಶರ್ಮಾ ಜೊತೆಗಿದ್ದ ವೈಭವ್​ ಸೂರ್ಯವಂಶಿ ಬಗ್ಗೆ ಮಾತನಾಡಿದ ಯುವರಾಜ್​ ಸಿಂಗ್​, ನನಗೆ ಅಭಿಷೇಕ್​ನಿಗೆ ಮಾರ್ಗದರ್ಶನ ಮಾಡಿದಂತೆ ವೈಭವ್​ ಸೂರ್ಯವಂಶಿಗೂ ತರಬೇತಿ ನೀಡಬೇಕೆಂಬ ಆಸೆಯಿದೆ ಎಂದು ಹೇಳಿದ್ದಾರೆ. ಇತ್ತೀಚೆಗೆ ಶ್ರೀಲಂಕಾ ಎ ತಂಡದ ವಿರುದ್ಧ ವೈಭವ್​ ಸೂರ್ಯವಂಶಿ ಕೇವಲ 11 ಎಸೆತಗಳಲ್ಲಿ ಅರ್ಧಶತಕವನ್ನು ಸಿಡಿಸುವ ಮೂಲಕ ಯುವರಾಜ್​ ಸಿಂಗ್​ ಅವರ ವೇಗದ ಅರ್ಧಶತಕದ ದಾಖಲೆಯನ್ನು ವಂಡರ್​​ ಕಿಡ್​​ ಮುರಿದಿದ್ದರು.

ಹಾಗೆಯೇ ಲೆಜಂಡರಿ ಆಟಗಾರ ಯುವರಾಜ್​ ಸಿಂಗ್​ ಬಗ್ಗೆ ಮಾತನಾಡಿದ ವೈಭವ್​ ಸೂರ್ಯವಂಶಿ, ಯುವಿ ಪಾಜಿ ನನ್ನ ಆದರ್ಶ ಎಂದರೆ ಸುಳ್ಳಲ್ಲ, ಅವರೊಟ್ಟಿಗೆ ಸಮಯ ಕಳೆಯಲು ಸಾಧ್ಯವಾಗುತ್ತದೆ ಎಂದು ನಾನು ಭಾವಿಸಿರಲಿಲ್ಲ, ಇವರೊಂದಿಗೆ ಕಳೆದ ಸಮಯ ಅಮೂಲ್ಯವಾಗಿದ್ದು, ಸಾಕಷ್ಟು ಮಾಹಿತಿಯನ್ನು ನನಗೆ ತಿಳಿಯಲು-ಕಲಿಯಲು ಸಹಕಾರಿಯಾಗಿದೆ ಎಂದು ವೈಭವ್​, ಯುವರಾಜ್​ ಸಿಂಗ್​ ಬಗ್ಗೆ ಮೆಚ್ಚುಗೆ ವ್ತಕ್ತಪಡಿಸಿದ್ದಾರೆ.

ವೈಭವ್​ ಸೂರ್ಯವಂಶಿ ಹಾಗೂ ಯುವರಾಜ್​ ಸಿಂಗ್​ ಬೇಟಿಗೆ ಕಾರಣನಾದ ಅಭಿಷೇಕ್​ ಶರ್ಮಾ ಮಾತನಾಡಿ, ನನಗೆ ಯುವರಾಜ್​ ಸಿಂಗ್​ ಮೊದಲಿಂದಲೂ ಆದರ್ಶ ಆಟಗಾರ, ಆದರೂ ನಾನು ಅವರನ್ನು ಮೊದಲ ಭಾರಿಗೆ ಬೇಟಿ ಮಾಡಿದಾಗ ಬಾರಿ ನರ್ವಸ್​ ಆಗಿದ್ದೆ, ಇದೇ ಮೊದಲ ಬಾರಿಗೆ ಯುವಿ ಪಾಜಿ ಜೊತೆಗೆ ವಿಂಬಲ್ಡನ್​ ಅದರಲ್ಲೂ ಫೈನಲ್​ ಪಂದ್ಯವನ್ನು ವೀಕ್ಷಿಸುತ್ತಿದ್ದನೆ. ನಾನು ಯುವಿ ಅವರನ್ನು ಬೇಟಿ ಮಾಡಿದಾಗ ಯಾವ ಅನುಭವವನ್ನು ಪಡೆದಿದ್ದನೋ ಇಂದು ವೈಭವ್​ ಕೂಡ ಅದನ್ನೇ ಅನುಭವಿಸಿದ್ದಾನೆಂದು ಹೇಳಿದ್ದಾರೆ, (ಏಜನ್ಸೀಸ್​).