FACT CHECK| ಆಲ್ಕೋಹಾಲ್​ ಕುಡಿದ್ರೆ ಕರೊನಾ ಬರಲ್ವಾ? ವೋಡ್ಕಾವನ್ನ ಸ್ಯಾನಿಟೈಸರ್​ ಆಗಿ ಬಳಸಬಹುದಾ?

ಬೆಂಗಳೂರು: ಪ್ರಪಂಚದಲ್ಲಿ ಕರೊನಾ ವೈರಸ್​ ಭೀತಿ ಹೆಚ್ಚಾಗಿದೆ. ಒಂದತ್ತ ಕರೊನಾ ಭೀತಿಯಲ್ಲಿ ಜನರಿದ್ದರೆ ಇನ್ನೊಂದತ್ತ ವೈರಸ್​ನ ಕುರಿತಾಗಿ ಸುಳ್ಳು ಸುದ್ದಿಗಳು ಎಲ್ಲೆಡೆ ಹರಿದಾಡಲಾರಂಭಿಸಿವೆ. ಅದೇ ರೀತಿಯಲ್ಲಿ ಆಲ್ಕೋಹಾಲ್​ ಕುಡಿದರೆ ಕರೊನೊ ಬರುವುದಿಲ್ಲ ಎನ್ನುವ ಸುದ್ದಿಯು ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡಿದ್ದು, ಅದರ ನಿಜಾಂಶ ಇದೀಗ ಹೊರಬಿದ್ದಿದೆ.

ಆಲ್ಕೋಹಾಲ್​ ಸೇವಿಸುವುದರಿಂದ ಕರೊನಾ ವೈರಸ್​ನ್ನು ತಡೆಗಟ್ಟಬಹುದು ಎಂದು ಅಮೆರಿಕದ ಕಾನ್ಸಾಸ್​ ನಗರದಲ್ಲಿರುವ ಸೇಂಟ್​ ಲ್ಯೂಕ್ಸ್​ ಆಸ್ಪತ್ರೆ ತಿಳಿಸಿದೆ ಎನ್ನಲಾಗಿತ್ತು. ಅದಕ್ಕೆ ತಕ್ಕಂತೆ ಆ ಆಸ್ಪತ್ರೆಯ ಹೆಸರಿರುವ ಪತ್ರವೊಂದು ಸಕತ್​ ಸುದ್ದಿ ಮಾಡಿತ್ತು. ವೋಡ್ಕಾಗಳು ಅತ್ಯಂತ ಉತ್ತಮ ಸ್ಯಾನಿಟೈಸರ್​ಗಳು ಎಂದೂ ಸಹ ಆ ಪತ್ರದಲ್ಲಿ ಹೇಳಿದ್ದನ್ನು ಕಾಣಬಹುದಾಗಿತ್ತು.

ಆದರೆ ಈ ಸುದ್ದಿ ಸುಳ್ಳು, ಸೇಂಟ್​ ಲೂಕ್ಸ್​ ಆಸ್ಪತ್ರೆ ಕರೊನಾ ವಿಚಾರದಲ್ಲಿ ಯಾವ ಹೇಳಿಕೆಯನ್ನೂ ಕೊಟ್ಟಿಲ್ಲ ಎನ್ನುವ ವಿಚಾರವನ್ನು ಇಂಡಿಯಾ ಟುಡೇಯ ಆ್ಯಂಟಿ ಫೇಕ್​ ನ್ಯೂಸ್​ ವಾರ್​ ವಿಭಾಗ ಬಯಲು ಮಾಡಿದೆ.

ಸ್ವತಃ ಸೇಂಟ್​ ಲೂಕ್ಸ್​ ಆಸ್ಪತ್ರೆಯವರೇ ಈ ಸುದ್ದಿ ಸುಳ್ಳು ಎಂದು ಫೇಸ್​ಬುಕ್​ನಲ್ಲಿ ತಮ್ಮ ಅಧಿಕೃತ ಖಾತೆಯ ಮೂಲಕ ತಿಳಿಸಿದ್ದಾರೆ. ಇದೊಂದು ಸುಳ್ಳು ಸುದ್ದಿ ಎಂದು ತಿಳಿಸಿರುವ ಆಸ್ಪತ್ರೆ ಕರೊನಾ ಬರದಿರುವಂತೆ ತಡೆಯಲು ಯಾವ ಮುನ್ನೆಚ್ಚರಿಕಾ ಕ್ರಮವನ್ನು ಅನುಸರಿಸಬೇಕು ಎಂದು ಪೋಸ್ಟ್​ನಲ್ಲಿ ತಿಳಿಸಿದೆ.

ವೋಡ್ಕಾವನ್ನು ಸ್ಯಾನಿಟೈಸರ್​ ಆಗಿ ಬಳಸುವುದರಿಂದ ಕರೊನಾ ತಪ್ಪಿಸಬಹುದು ಎನ್ನುವ ವಿಚಾರದ ಬಗ್ಗೆ ವೋಡ್ಕಾ ಸಂಸ್ಥೆಯೊಂದು ಉತ್ತರ ನೀಡಿದೆ. ಈ ಕುರಿತಾಗಿ ಮಾಹಿತಿ ಹಂಚಿಕೊಂಡಿರುವ ಟಿಟೋಸ್​ ಹ್ಯಾಂಡ್​ ಮೇಡ್​ ವೋಡ್ಕಾ ಸಂಸ್ಥೆ, "ಸ್ಯಾನಿಟೈಸರ್​ಗಳಲ್ಲಿ ಶೇ.60 ಆಲ್ಕೋಹಾಲ್​ ಇರುತ್ತದೆ. ಆದರೆ ನಾವು ತಯಾರಿಸುತ್ತಿರುವ ವೋಡ್ಕಾಗಳಲ್ಲಿ ಶೇ.40 ಮಾತ್ರ ಆಲ್ಕೋಹಾಲ್​ ಇದೆ. ಆದ್ದರಿಂದ ಇದನ್ನು ಸ್ಯಾನಿಟೈರಸ್​ ಆಗಿ ಬಳಸಲಾಗುವುದಿಲ್ಲ" ಎಂದು ತಿಳಿಸಿದೆ.

ಕರೊನಾ ವಿಚಾರದಲ್ಲಿ ಕೇವಲ ಆಲ್ಕೋಹಾಲ್​ ಮಾತ್ರವಲ್ಲದೆ ಅನೇಕ ಸುಳ್ಳ ವದಂತಿಗಳನ್ನು ಹರದಡಲಾಗುತ್ತಿದೆ.(ಏಜೆನ್ಸೀಸ್​)

https://www.vijayavani.net/ipl-behind-closed-doors-bcci-to-decide-amid-coronavirus-pandemic/

https://www.vijayavani.net/sameera-reddy-who-welcomed-her-second-child-last-year-revisited-her-pregnancy-days/