ರಸ್ತೆಯಲ್ಲಿ ಹೋಗುತ್ತಿದ್ದ ವೃದ್ಧೆ ಮೇಲೆ ಗೂಳಿ ದಾಳಿ! ವಿಡಿಯೋ ಫುಲ್​ ವೈರಲ್​ | Bull

Bull: ರಸ್ತೆಯೊಂದರಲ್ಲಿ ನಡೆದುಕೊಂಡು ಹೋಗುತ್ತಿದ್ದ ವೃದ್ಧೆಯನ್ನು ಹೋರಿಯೊಂದು ದಾಳಿ ಮಾಡಿರುವ ಆಘಾತಕಾರಿ ಘಟನೆಯ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.

ಇದನ್ನೂ ಓದಿ: ರಸ್ತೆಯಲ್ಲಿ ತ್ಯಾಜ್ಯ ಚೆಲ್ಲಿದ್ದಕ್ಕೆ CM ಗರಂ: ಅಧಿಕಾರಿಗಳಿಗೆ ರೋಡಲ್ಲಿಯೇ ಕ್ಲಾಸ್ ತೆಗೆದುಕೊಂಡ ಸಿದ್ದರಾಮಯ್ಯ!​

ವಿಡಿಯೋದಲ್ಲೇನಿದೆ?

ಉತ್ತರ ಪ್ರದೇಶದ ಝಾನ್ಸಿಯ ಬಬಿನಾ ಗ್ರಾಮದಲ್ಲಿ ವೃದ್ಧೆಯೊಬ್ಬಳು ಸಂಜೆ 5 ಗಂಟೆ ಸುಮಾರಿಗೆ ಕಿರಿದಾದ ರಸ್ತೆಯಲ್ಲಿ ನಡೆದುಕೊಂಡು ಹೋಗುತ್ತಿದ್ದು, ಆ ವೇಳೆ ಆಕೆಯ ಹಿಂದೆ ಗೂಳಿ ಹಿಂಬಾಲಿಸುತ್ತಿರುವುದನ್ನು ಈ ವಿಡಿಯೋ ತೋರಿಸುತ್ತದೆ. ನಂತರ ಮಹಿಳೆಯ ಮೇಲೆ ದಾಳಿ ನಡೆಸಿ ಬೀಳಿಸಿದ್ದು, ಆಕೆ ಪ್ರಜ್ಞೆತಪ್ಪಿ ಬಿದ್ದಿದ್ದಾಳೆ.

ಇದಾದ ಬಳಿಕ ಬೈಕ್​ ಸವಾರನೊಬ್ಬ ಆ ಸ್ಥಳಕ್ಕೆ ಬಂದು ದಿಗ್ಭ್ರಮೆಗೊಂಡಿದ್ದು, ಹೋರಿಯನ್ನು ಓಡಿಸಿದ್ದಾನೆ. ಇನ್ನು ಪ್ರಜ್ಞೆತಪ್ಪಿದ ಮಹಿಳೆಯನ್ನು ಆಸ್ಪತ್ರೆಗೆ ಕರೆದುಕೊಂಡು ಹೋಗಿದ್ದಾನೆ. ಇನ್ನು ಮಹಿಳೆಯು ಚಿಕಿತ್ಸೆ ಪಡೆಯುತ್ತಿದ್ದು, ಗಂಭೀರ ಅಪಾಯವಾಗಿಲ್ಲ ಎಂದು ತಿಳಿಸಿದ್ದಾರೆ.

ಇದನ್ನೂ ಓದಿ: Zubeen Garg Death | ಸಿದ್ಧಾರ್ಥರ ಈ ವರ್ತನೆಯಿಂದ ಹೀಗಾಗಿದೆ!..; ಮಹತ್ವದ ಹೇಳಿಕೆ ನೀಡಿದ ನಟಿ ನಿಶಿತಾ ಗೋಸ್ವಾಮಿ

ಇದೇ ರೀತಿ ಬಿಡಾಡಿ ದನಗಳ ಹಾವಳಿಯಿಂದ ಅಲ್ಲಿನ ಸಾರ್ವಜನಿಕರಿಗೆ ತೊಂದರೆಯಾಗಿದ್ದು, ಇವುಗಳ ನಿಯಂತ್ರಣ ಮಾಡಲು ಅಲ್ಲಿನ ಸ್ಥಳೀಯರು ಸರ್ಕಾರಕ್ಕೆ ಒತ್ತಾಯಿಸಿದ್ದಾರೆ.

ಈ ಹಿಂದೆ ರಾಜಸ್ಥಾನದ ಜೋಧ್‌ಪುರದಲ್ಲಿ ರಸ್ತೆಯಲ್ಲಿ ನಡೆದುಕೊಂಡು ಹೋಗುತ್ತಿದ್ದ ಮಹಿಳೆಯೊಬ್ಬಳ ಮೇಲೆ ಗೂಳಿಯೊಂದು ದಾಳಿ ನಡೆಸಿ ಸುಮಾರು 4 ಅಡಿಗೂ ಎತ್ತರಕ್ಕೆ ಎಸೆದಿದೆ. ಈ ವೇಳೆ ನೆಲಕ್ಕೆ ಉರುಳಿ ಮಹಿಳೆ ತೀವ್ರನೋವು ಅನುಭವಿಸಿರುವುದಾಗಿ ವರದಿಯಾಗಿತ್ತು. (ಏಜೆನ್ಸೀಸ್)

https://www.vijayavani.net/drinking-water-from-copper-bottles-is-not-safe-for-everyone-it-is-life-threatening