ಬಬ್ಲಿ ಶಿವಾನಿಯಾದ ಬೃಂದಾ – “ಕೌಸಲ್ಯಾ ಸುಪ್ರಜಾ ರಾಮ’ ಚಿತ್ರದಲ್ಲಿ ಕೃಷ್ಣನಿಗೆ ಜೋಡಿಯಾದ ನಟಿ

| ಹರ್ಷವರ್ಧನ್​ ಬ್ಯಾಡನೂರು

“ಪ್ರೇಮಂ ಪೂಜ್ಯಂ’, “ಜೂಲಿಯೆಟ್​ 2′ ಚಿತ್ರಗಳಲ್ಲಿ ಭಿನ್ನ ಪಾತ್ರಗಳಲ್ಲಿ ನಟಿಸಿರುವ ಬೃಂದಾ ಆಚಾರ್ಯ ಇದೀಗ “ಕೌಸಲ್ಯಾ ಸುಪ್ರಜಾ ರಾಮ’ ಚಿತ್ರದ ಮೂಲಕ ವಾಪಸ್ಸಾಗಿದ್ದಾರೆ. ಶಶಾಂಕ್​ ನಿರ್ದೇಶನದ ಈ ಚಿತ್ರದಲ್ಲೂ ಅವರು ವಿಭಿನ್ನ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಇದೀ ಶುಕ್ರವಾರ ಸಿನಿಮಾ ತೆರೆಗೆ ಬರಲಿದ್ದು, ಆ ಖುಷಿಯಲ್ಲಿ ಬೃಂದಾ ವಿಜಯವಾಣಿ ಜತೆ ಮಾತನಾಡಿದ್ದಾರೆ.

ಇದನ್ನೂ ಓದಿ : KGF​ ನಟಿ ಆಸ್ಪತ್ರೆಯಿಂದ ಡಿಸ್​ಚಾರ್ಜ್​​​; 9 ದಿನಗಳ ನಂತರ  ಅನಾರೋಗ್ಯದ ಬಗ್ಗೆ ಫ್ಯಾನ್ಸ್​​ ಬಳಿ ಹಂಚಿಕೊಂಡ ಮೌನಿ ರಾಯ್

ಚಿತ್ರದಲ್ಲಿ ನಿಮ್ಮ ಪಾತ್ರ ಹೇಗಿರಲಿದೆ?
ನಾನಿಲ್ಲಿ ಶಿವಾನಿ ಪಾತ್ರದಲ್ಲಿ ನಟಿಸಿದ್ದೇನೆ. ನನಗಂತೂ ತುಂಬ ಇಷ್ಟವಾದ ಪಾತ್ರ. ಅಷ್ಟು ಸಿಹಿಯಾದ ರೋಲ್​. ಹಲವಾರು ಹೆಣ್ಣುಮಕ್ಕಳು ರಿಲೇಟ್​ ಮಾಡಿಕೊಳ್ಳಬಹುದು. ಯಾವಾಗಲೂ ಖುಷಿಯಾಗಿರುತ್ತಾಳೆ. ಬಬ್ಲಿಯಾಗಿ ಕಾಣುವ, ಸ್ಪಷ್ಟತೆಯಿರುವ ಹುಡುಗಿ. ಹೆಣ್ಣುಮಕ್ಕಳನ್ನು ದ್ವೇಷಿಸುವ ಹುಡುಗನೊಬ್ಬ, ಆಕೆಯನ್ನು ಪ್ರೀತಿಸುತ್ತಾನೆ ಅಂದರೆ, ಆಕೆ ಎಷ್ಟು ಸ್ವೀಟ್​ ಅಂತ ಊಹಿಸಿಕೊಳ್ಳಿ. ಗರ್ಲ್​್ರೆಂಡ್​ ಅಂದರೆ ಹೀಗಿರಬೇಕಪ್ಪಾ ಅಂತ ಹುಡುಗರು ಇಷ್ಟಪಡಬೇಕು ಹಾಗಿರುತ್ತಾಳೆ. ಇನ್ನು ಹೆಚ್ಚು ಹೇಳಿಕೊಳ್ಳಲು ಆಗುವುದಿಲ್ಲ. ಅದನ್ನು ತೆರೆಯ ಮೇಲೆ ನೋಡಿದರೇ ಚಂದ.

• ಶಿವಾನಿ ಪಾತ್ರಕ್ಕೆ ಸಿದ್ಧತೆ ಹೇಗಿತ್ತು?
  – ಕಲಾವಿದರಿಗೆ ಎಲ್ಲ ಪಾತ್ರಗಳಿಗೂ ಸಿದ್ಧತೆ ಬೇಕು. ಏಕೆಂದರೆ ರಿಯಲ್​ ಲ್​ೈ ಅಲ್ಲದ ಪಾತ್ರದಲ್ಲಿ ನಟಿಸಬೇಕು ಅಂದರೆ ಸಿದ್ಧತೆ ಬೇಕೇ ಬೇಕು. ಶಿವಾನಿ ಯಾವ ಸಂದರ್ಭವನ್ನು ಹೇಗೆ ಅರ್ಥ ಮಾಡಿಕೊಳ್ಳುತ್ತಾಳೆ ಎಂಬುದನ್ನು ಅರ್ಥ ಮಾಡಿಕೊಂಡು ಮಾಡಿದ್ದೇನೆ.
• ನಿರ್ದೇಶಕ ಶಶಾಂಕ್​ ಜತೆ ಕೆಲಸ ಮಾಡಿದ ಅನುಭವ ಹೇಗಿತ್ತು?
  – ಶಶಾಂಕ್​ ಸರ್​ ಚಿತ್ರಗಳಲ್ಲಿ ಹೆಣ್ಣುಮಕ್ಕಳ ಪಾತ್ರ ತುಂಬ ಗಟ್ಟಿಯಿರುತ್ತದೆ. ಮಹಿಳಾ ಪಾತ್ರಗಳಿಗೂ ಪ್ರಾಮುಖ್ಯತೆ ನೀಡಿರುತ್ತಾರೆ. ಅವರಂತಹ ಅನುಭವಿ ನಿರ್ದೇಶಕರ ಜತೆ ಕೆಲಸ ಮಾಡುವಾಗ ಹೆದರಿಕೆ ಇರುತ್ತದೆ. ಹೊಸಬಳಾದರೂ ಹೆಚ್ಚು ರೀಟೇಕ್ಸ್​ ತೆಗೆದುಕೊಳ್ಳಬಾರದು ಅಂತ ಎಚ್ಚರಿಕೆವಹಿಸುತ್ತಿದ್ದೆ. ಆದರೆ, ತುಂಬಾ ಕಲಿತೆ.

• ಡಾರ್ಲಿಂಗ್​ ಕೃಷ್ಣ, ಮಿಲನಾ ನಾಗರಾಜ್​ ದಂಪತಿ ಜತೆ ಕೆಲಸ ಮಾಡಿದ್ದೀರಿ.
  – ಕೃಷ್ಣ ಸರ್​ “ಲವ್​ ಮಾಕ್ಟೇಲ್​’ ಅಂತಹ ಹಿಟ್​ ಸಿನಿಮಾಗಳನ್ನು ನೀಡಿದ್ದಾರೆ. ಅವರ ಜತೆ ಕೆಲಸ ಮಾಡಿದ ಅನುಭವ ತುಂಬ ಚೆನ್ನಾಗಿತ್ತು. ಇನ್ನು ಮಿಲನಾ ನಾಗರಾಜ್​ ಅವರ ಜತೆ ತೆರೆ ಹಂಚಿಕೊಂಡಿದ್ದೀನಾ? ಇಲ್ಲವಾ? ಅಂತ ತೆರೆ ಮೇಲೆ ನೋಡಿದರೆ ಚಂದ.
• ಕೊನೆಯದಾಗಿ ಪ್ರೇಕ್ಷಕರು ಚಿತ್ರದಲ್ಲಿ ಏನನ್ನು ನಿರೀಸಬಹುದು?
  – ಇದೊಂದು ಕಂಪ್ಲೀಟ್​ ಕೌಟುಂಬಿಕ, ಮನರಂಜನಾತ್ಮಕ ಸಿನಿಮಾ. ರಕ್ತ, ಕ್ರೌರ್ಯಗಳಿಲ್ಲದ ಕ್ಲೀನ್​ ಎಂಟರ್​ಟೇನರ್​. ಪ್ರತಿಯೊಬ್ಬರೂ ತಮ್ಮ ತಾಯಿ ಜತೆ ಕುಳಿತು ಸಿನಿಮಾ ನೋಡಬೇಕು. ಇನ್ನು ಈಗಾಗಲೇ ಚಿತ್ರದ ಹಾಡುಗಳಿಗೂ ಉತ್ತಮ ರೆಸ್ಪಾನ್ಸ್​ ಸಿಗುತ್ತಿದೆ. ಸಿನಿಮಾ ಬಿಡುಗಡೆಗೆ ನಾನೂ ಎದರು ನೋಡುತ್ತಿದ್ದೇನೆ.

ಇದನ್ನೂ ಓದಿ: AI ಅಪಾಯಗಳ ಬಗ್ಗೆ 40 ವರ್ಷಗಳ ಹಿಂದೆಯೇ ಎಚ್ಚರಿಸಿದ್ದೆ: ಜೇಮ್ಸ್​ ಕ್ಯಾಮರೂನ್

• ಹೊಸ ಪ್ರಾಜೆಕ್ಟ್​ಗಳು…
  – ಎರಡು ಕನ್ನಡ ಚಿತ್ರಗಳನ್ನು ಒಪ್ಪಿಕೊಂಡಿದ್ದೇನೆ. ಒಂದು ಸಿನಿಮಾ ಚಿತ್ರೀಕರಣ ಪ್ರಾರಂಭವಾಗಿದೆ. ಜತೆಗೆ ತಮಿಳು ಸಿನಿಮಾ ಕೂಡ ಸೈನ್​ ಮಾಡಿದ್ದೇನೆ.

‘ದ ಕೇರಳ ಸ್ಟೋರಿ’ ಹಿಟ್​ ಆದ ಬೆನ್ನಲ್ಲೇ ಹೊಸ ಪ್ರಾಜೆಕ್ಟ್​ನಲ್ಲಿ ನಟಿ ಅದಾ ಶರ್ಮಾ; ಈ ಚಿತ್ರ ಒಟಿಟಿಗೆ ಮಾತ್ರ?