ಬೆಂಗಳೂರು: ವಧು-ವರರ ಜಾಹೀರಾತು ಅಂಕಣ ಆಗಾಗ ಗಮನ ಸೆಳೆಯುತ್ತಿರುತ್ತದೆ. ಅದರಲ್ಲೂ ಒಮ್ಮೊಮ್ಮೆ ವಿಚಿತ್ರ ಬೇಡಿಕೆಗಳಿಂದಾಗಿ ಜಾಹೀರಾತು ಕೊಟ್ಟವರಿಗೆ ವಧು ಅಥವಾ ವರ ಸಿಕ್ಕಿರುತ್ತಾರೋ ಇಲ್ಲವೋ, ಆ ಬೇಡಿಕೆಗಳಿಂದಾಗಿಯೇ ಅಂಥ ಜಾಹೀರಾತುಗಳು ವೈರಲ್ ಅಂತೂ ಆಗಿರುತ್ತವೆ. ಅಂಥದ್ದೇ ಒಂದು ಮ್ಯಾಟ್ರಿಮೋನಿಯಲ್ ಜಾಹೀರಾತು ಇದೀಗ ಸೋಷಿಯಲ್ ಮೀಡಿಯಾದಲ್ಲಿ ಸದ್ದು ಮಾಡುತ್ತಿದೆ. ಮಾತ್ರವಲ್ಲ, ‘ಸಾಫ್ಟ್ವೇರ್ ಇಂಡಸ್ಟ್ರಿಗೆ ಭವಿಷ್ಯ ಇಲ್ಲವೇ?’ ಎಂಬ ಪ್ರಶ್ನೆಯನ್ನೂ ಕೆಲವರ ಮನಸಲ್ಲಿ ಮೂಡಿಸಿದೆ.
ಶ್ರೀಮಂತರ ಮನೆಯ ಎಂಬಿಎ ಪದವೀಧರೆಯೊಬ್ಬಳ ಮದುವೆಗಾಗಿ ಮ್ಯಾಟ್ರಿಮೋನಿಯಲ್ನಲ್ಲಿ ಜಾಹೀರಾತು ಪ್ರಕಟವಾಗಿದ್ದು, ಆಕೆಗೆ ಸ್ವಜಾತಿಯ ಐಎಎಸ್/ಐಪಿಎಸ್, ಪಿಜಿ ಡಾಕ್ಟರ್ ಅಥವಾ ಉದ್ಯಮಿ ಆಗಿರುವ ವರ ಬೇಕು ಎಂಬುದಾಗಿ ಬೇಡಿಕೆ ಇಡಲಾಗಿದೆ. ಅಲ್ಲದೆ ‘ದಯವಿಟ್ಟು ಸಾಫ್ಟ್ವೇರ್ ಇಂಜಿನಿಯರ್ ಕರೆ ಮಾಡಬೇಡಿ’ ಎಂಬುದಾಗಿಯೂ ಈ ಜಾಹೀರಾತಲ್ಲಿ ಉಲ್ಲೇಖಿಸುವ ಮೂಲಕ, ಐಟಿ ಕ್ಷೇತ್ರದಲ್ಲಿರುವ ವರ ಬೇಡ ಎಂದು ಹೇಳಲಾಗಿದೆ.
ಈ ಜಾಹೀರಾತಿನ ತುಣುಕು ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದ್ದು, ಒಬ್ಬರು ಇದನ್ನು ಟ್ವಿಟರ್ನಲ್ಲಿ ಶೇರ್ ಮಾಡಿಕೊಂಡಿದ್ದಾರೆ. ಮಾತ್ರವಲ್ಲ, ಐಟಿ ಕ್ಷೇತ್ರದ ಭವಿಷ್ಯ ಚೆನ್ನಾಗಿದ್ದಂತಿಲ್ಲ ಎಂಬುದಾಗಿಯೂ ಅನಿಸಿಕೆ ವ್ಯಕ್ತಪಡಿಸಿದ್ದಾರೆ.
Future of IT does not look so sound. pic.twitter.com/YwCsiMbGq2
— Samir Arora (@Iamsamirarora) September 16, 2022
ಅಂಗಿ-ಬನಿಯನ್ ತೆಗೆಯಲು ತಕರಾರು: ದೇವಸ್ಥಾನಗಳಲ್ಲಿನ ಫಲಕ ತೆಗೆಸುವಂತೆ ಕೋರಿ ಅರ್ಜಿ
ಲಾಟರಿಯಲ್ಲಿ ಆಟೋ ಚಾಲಕನಿಗೆ 25 ಕೋಟಿ ರೂ. ಬಂಪರ್ ಪ್ರೈಜ್!