ಬಾಲಿವುಡ್​ ಸ್ಟ್ರೈಕ್ಸ್​ ಬ್ಯಾಕ್​ಗೆ ಕಾರಣ ಫರ್ಹಾನ್​ ಅಖ್ತರ್​ ಅಂತೆ ...

ಮುಂಬೈ: ಡ್ರಗ್ಸ್​ ಪ್ರಕರಣದಲ್ಲಿ ಬಾಲಿವುಡ್​ ಮಂದಿ ಶಾಮೀಲಾಗಿರುವ ಕುರಿತು ಕೆಲವು ಸುದ್ದಿ ವಾಹಿನಿಗಳ ತಮ್ಮನ್ನು ಕೆಟ್ಟದಾಗಿ ಬಿಂಬಿಸುತ್ತಿವೆ ಎಂದು ಬಾಲಿವುಡ್​ನ ನಾಲ್ಕು ಸಂಘಟನೆಗಳು ಮತ್ತು 34 ನಿರ್ಮಾಣ ಸಂಸ್ಥೆಗಳು ದೆಹಲಿ ಹೈಕೋರ್ಟ್​ಗೆ ಪ್ರಕರಣ ದಾಖಲಿಸಿದ್ದು ಗೊತ್ತೇ ಇದೆ.

ಇದನ್ನೂ ಓದಿ: ಸುನಿ ಜನ್ಮದಿನಕ್ಕೆ ‘ರಾಬಿನ್​ ಹುಡ್​’ ಸಿನಿಮಾ ಘೋಷಣೆ; ಪುಷ್ಕರ್​ ಹೆಗಲಿಗೆ ನಿರ್ಮಾಣದ ಹೊಣೆ

ಸುದ್ದಿವಾಹಿನಿಗಳು ಚಿತ್ರರಂಗದ ಕುರಿತು ಅಷ್ಟೆಲ್ಲಾ ತೇಜೋವಧೆ ಮಾಡುತ್ತಿದ್ದರೂ ಬಾಲಿವುಡ್​ ಮಂದಿ ಮುಗುಮ್ಮಾಗಿ ಕುಳಿತಿದ್ದರು. ಇದ್ದಕ್ಕಿದ್ದಂತೆ ಅವರೆಲ್ಲಾ ಒಗ್ಗಟ್ಟಾಗಿ ಫೈಟ್​ ಬ್ಯಾಕ್​ ಮಾಡುವುದಕ್ಕೆ ಕಾರಣವೇನು ಎಂದು ಹುಡುಕಿದರೆ, ಅದಕ್ಕೆ ಫರ್ಹಾನ್​ ಅಖ್ತರ್​ ಕಾರಣ ಎಂಬ ಉತ್ತರ ಬರುತ್ತದೆ.

ಮೂಲಗಳ ಪ್ರಕಾರ, ಇದರ ಹಿಂದಿರುವುದು ನಟ-ನಿರ್ದೇಶಕ ಫರ್ಹಾನ್​ ಆಖ್ತರ್​ ಅಂತೆ. ಈ ವಿಷಯವಾಗಿ ಅವರು ಕ್ರೆಡಿಟ್​ ತೆಗೆದುಕೊಳ್ಳುವುದಕ್ಕೆ ಬಯಸದಿದ್ದರೂ, ಎರಡು ಚಾನಲ್​ಗಳು ಮತ್ತು ನಾಲ್ವರು ಆಂಕರ್​ಗಳ ವಿರುದ್ಧ ಕ್ರಮ ಕೈಗೊಳ್ಳಬೇಕು ಎಂಬುದು ಫರ್ಹಾನ್​ ಅವರ ಐಡಿಯಾ ಆಗಿತ್ತಂತೆ. ಬಹುಶಃ ಅವರು ಮುಂದೆ ಬರದಿದ್ದರೆ, ಬೇರೆ ನಿರ್ಮಾಪಕರು ಮತ್ತು ಸಂಘಟನೆಗಳೆಲ್ಲಾ ಒಗ್ಗಟ್ಟಾಗಿ ಕ್ರಮ ತೆಗೆದುಕೊಳ್ಳುವುದಕ್ಕೆ ಮುಂದೆ ಬರುತ್ತಿರಲಿಲ್ಲ ಎಂದು ಹೇಳಲಾಗುತ್ತಿದೆ.

ಇದನ್ನೂ ಓದಿ: ಪಾಯಲ್‌ಗೆ ಬೇಕಿದೆ ‘ನಿಮ್ಮೆಲ್ಲರ ಆಶೀರ್ವಾದ’; ಭಿನ್ನ ಬೆಡಗಿಯ ವಿಭಿನ್ನ ಸಿನಿಮಾ

ಬಾಲಿವುಡ್​ನ ಹಲವು ಜನಪ್ರಿಯ ನಾಯಕರು ಮತ್ತು ಸಂಘಟನೆಗಳು ವಾಹಿನಿಗಳ ಮೇಲೆ ದೆಹಲಿ ಹೈಕೋರ್ಟ್​ನಲ್ಲಿ ಸೋಮವಾರ ಪ್ರಕರಣ ದಾಖಲಿಸಿದ ನಡೆಯನ್ನು ಹಲವು ಸೆಲೆಬ್ರಿಟಿಗಳು ಶ್ಲಾಘಿಸಿದ್ದಾರೆ. ಸ್ವರಾ ಭಾಸ್ಕರ್​, ರಣ್ವೀರ್​ ಶೌರಿ, ಪ್ರಕಾಶ್​ ರೈ ಮುಂತಾದವರು ಮೆಚ್ಚಿಕೊಂಡಿದ್ದಾರೆ.

https://www.vijayavani.net/cinema-chains-not-to-release-films-released-in-ott/