ಸೀತೆ ಪಾತ್ರವನ್ನು ನಾನು ಆಯ್ಕೆ ಮಾಡಲಿಲ್ಲ, ಆ ಪಾತ್ರವೇ ನನ್ನನ್ನು ಹುಡುಕಿ ಬಂತು!: ಮನದಾಳದ ಮಾತು ಹಂಚಿಕೊಂಡ ಸಾಯಿ ಪಲ್ಲವಿ! Sai Pallavi on Sita Mata

ಮುಂಬೈ: ಸದ್ಯ ಭಾರತದ ಸಿನಿಲೋಕ ಬಿಡುಗಡೆಗೆ ತುದಿಗಾಲಿನಲ್ಲಿ ಕಾದು ಕುಳಿತಿರುವ ಸಿನಿಮಾ ಎಂದರೆ ಅದು ನಿತೇಶ್​ ತಿವಾರಿ ನಿರ್ದೇಶನದ ರಾಮಾಯಣ ಎಂದು ಹೇಳಲಾಗುತ್ತಿದೆ. ಈ ಸಿನಿಮಾದಲ್ಲಿ ರಣಬೀರ್​ ಕಪೂರ್​ ಪ್ರಭು ಶ್ರೀರಾಮನ ಪಾತ್ರವನ್ನು ನಿರ್ವಹಿಸಲಿದ್ದರೆ, ಸೌತ್​ ಬ್ಯೂಟಿ ಸಾಯಿ ಪಲ್ಲವಿ ಸೀತಾ ಮಾತೆಯಾಗಿ ಕಾಣಿಸಿಕೊಳ್ಳಲಿದ್ದಾರೆ.

ಈ ಸಿನಿಮಾವು ಎರಡು ಭಾಗಗಳಲ್ಲಿ ಬಿಡುಗಡೆ ಕಾಣಲಿದ್ದು, ಮೊದಲ ಭಾಗವು 2026 ರ ದೀಪಾವಳಿಗೆ ಬಿಡುಗಡೆಯಾದರೆ, ಎರಡನೇ ಭಾಗವು 2027 ರ ದೀಪಾವಳಿಗೆ ತೆರೆಕಾಣಲಿದೆ ಎಂದು ಸಿನಿಮಾ ತಂಡ ತಿಳಿಸಿದೆ. ಇತ್ತೀಚೆಗೆ ನಡೆದ ಸಿನಿಮಾ ಟ್ರೇಲರ್​ ಲಾಂಚ್​ ಇವೆಂಟ್​ನಲ್ಲಿ ಸಾಯಿ ಪಲ್ಲವಿ (Sai Pallavi on Sita Mata) ತಾವು ನಿರ್ವಹಿಸಲಿರುವ ಸೀತಾ ಮಾತೆಯ ಪಾತ್ರದ ಬಗ್ಗೆ ಮುಕ್ತವಾಗಿ ಮಾತನಾಡಿದ್ದಾರೆ.

ಒಬ್ಬ ಕಲಾವಿದೆಯಾಗಿ ದೇವರ ಪಾತ್ರವನ್ನು, ಅದರಲ್ಲೂ ಸೀತಾ ಮಾತೆಯ ಪಾತ್ರ ನಿರ್ವಹಿಸುವುದು ನನಗೆ ತುಂಬಾ ಸವಾಲಾಗಿತ್ತು. ಆದರೆ ನನ್ನ ಚಿತ್ರತಂಡ, ಅವರ ಪ್ರೊತ್ಸಾಹದಿಂದ ಈ ಮಾತ್ರ ಚೆನ್ನಾಗಿ ಮೂಡಿ ಬಂದಿದೆ ಎಂದು ಸಾಯಿ ಪಲ್ಲವಿ ಹೇಳಿದ್ದಾರೆ.

ಈ ಕಾರ್ಯಕ್ರಮದಲ್ಲಿ ಮಾತನಾಡಿದ ನಿರ್ದೇಶಕ ನಿತೇಶ್​ ತಿವಾರಿ, ನಟರು ಸುಮ್ಮನೆ ನಟಿಸಬಹುದು ಆದರೆ ಅವರ ಕಣ್ಣುಗಳು ಸುಳ್ಳನ್ನು ಹೇಳುವುದಿಲ್ಲ. ನನಗೆ ರಣಬೀರ್​ನ ಕಣ್ಣಲ್ಲಿ ಶ್ರೀರಾಮನನ್ನು ಹಾಗು ಸಾಯಿ ಕಣ್ಣಲ್ಲಿ ಸೀತೆಯನ್ನು ಕಂಡಿದ್ದೆನೆ.

ಸಿನಿಮಾ ಅದ್ಭುತವಾಗಿ ಮೂಡಿಬಂದಿದೆ. ಇದೇ ಜುಲೈ 24 ರಂದು ಟ್ರೇಲರ್​ ಬಿಡುಗಡೆಯಾಗಲಿದೆ, ಹಾಗೆಯೇ ದೀಪಾವಳಿಗೆ ಸಿನಿಮಾ ತೆರೆಕಾಣುತ್ತೆ. ಪ್ರತಿತೊಬ್ಬ ಭಾರತೀಯರು ಈ ಸಿನಿಮಾವನ್ನು ಗೆಲ್ಲಿಸುತ್ತಾರೆ ಎಂಬ ನಂಬಿಕೆ ನನಗಿದೆ ಎಂದು ಅವರು ಹೇಳಿದರು.

ನಿತೇಶ್​ ತಿವಾರಿ ನಿರ್ದೇಶಿಸುತ್ತಿರುವ ಈ ರಾಮಾಣ ಸಿನಿಮಾದಲ್ಲಿ, ರಾಮನ ಪಾತ್ರಧಾರಿಯಾಗಿ ರಣಬೀರ್​ ಕಪೂರ್​ ಕಾಣಿಸಿಕೊಂಡರೆ, ರಾವಣನಾಗಿ ಕನ್ನಡಿಗ ರಾಕಿಂಗ್​ಸ್ಟಾರ್​ ಯಶ್​​ ಮಿಂಚಲಿದ್ದಾರೆ. ಸೀತೆಯಾಗಿ ಸಾಯಿ ಪಲ್ಲವಿ, ಮಂಡೋದರಿಯಾಗಿ ಕಾಜಲ್​ ಅರ್ಗವಾಲ್​, ಹನುಮನಾಗಿ ಸನ್ನಿ ಡಿಯೋಲ್​ ಹಾಗೂ ಲಕ್ಷ್ಮಣನಾಗಿ ರವಿ ದುಭೆ ಕಾಣಿಸಿಕೊಳ್ಳುತ್ತಿದ್ದು, ಇನ್ನೂ ಅನೇಕ ಖ್ಯಾತನಾಮರು ಈ ಸಿನಿಮಾದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ, (ಏಜನ್ಸೀಸ್​).