ಧುರಂಧರ್ 2 ಎಫೆಕ್ಟ್: ಲಿಯಾರಿಯಲ್ಲಿ ಭಾರತದ ಗೂಢಾಚರರ ಶೋಧಕ್ಕೆ ಮುಂದಾದ ಪಾಕ್​; ಬ್ಯಾನ್​ ಮಾಡಿದ ಸಿನಿಮಾವನ್ನು ಇವರು ಹೇಗೆ ನೋಡಿದರು? ಎಂದ ನೆಟ್ಟಿಗರು| Dhurandhar 2

ಲಿಯಾರಿ: ಬಾಲಿವುಡ್ ನಟ ರಣವೀರ್ ಸಿಂಗ್ ಅಭಿನಯದ ಆದಿತ್ಯ ಧರ್​ ನಿರ್ದೇಶನದ ಧುರಂಧರ್ 2 (Dhurandhar 2) ಸಿನಿಮಾ ಭಾರತದ ಬಾಕ್ಸ್ ಆಫೀಸ್‌ನಲ್ಲಿ ಧೂಳೆಬ್ಬಿಸುತ್ತಿರುವುದು ಒಂದು ಕಡೆಯಾದರೆ, ಅದರ ಬಿಸಿ ಈಗ ನೆರೆರಾಷ್ಟ್ರ ಪಾಕಿಸ್ತಾನವನ್ನು ಸಹ ಸುಡುತ್ತಿದೆ. ಅದರಲ್ಲೂ ಕರಾಚಿಯ ಲಿಯಾರಿ (Lyari) ಪಟ್ಟಣದಲ್ಲಿ ನಡೆದಿದೆ ಎಂದು ಹೇಳಲಾಗುವ ವಿಡಿಯೋವೊಂದು ಸಾಮಾಜಿಕ ಜಾಲತಾಣಗಳಲ್ಲಿ ಸಖತ್​ ವೈರಲ್​ ಆಗುತ್ತಿದೆ.

ಧುರಂಧರ್ 2 ಸಿನಿಮಾದಲ್ಲಿ ರಣವೀರ್ ಸಿಂಗ್ ಭಾರತದ ಗುಪ್ತಚರನಾಗಿ ಪಾಕಿಸ್ತಾನದ ಲಿಯಾರಿಗೆ ನುಗ್ಗಿ ತನಗೆ ವಹಿಸಿರುವ ಕೆಲಸವನ್ನು ಮಾಡುವುದು ಸಿನಿಮಾದ ಕಥಾಹಂದರವಾಗಿದೆ. ಆದರೆ ಈ ಸಿನಿಮಾವನ್ನು ನೋಡಿದ ಪಾಕಿಸ್ತಾನದ ಪೊಲೀಸರು ಈಗ ಲಿಯಾರಿಯ ಬೀದಿಗಳಲ್ಲಿ ಅನುಮಾನಾಸ್ಪದವಾಗಿ ಓಡಾಡುತ್ತಿರುವ ವ್ಯಕ್ತಿಗಳನ್ನು ವಿಚಾರಣೆ ಮಾಡುತ್ತಿರುವ ವಿಡಿಯೋ ವೈರಲ್​ ಆಗುತ್ತಿದೆ.

ಈ ಸಿನಿಮಾ ಪಾಕಿಸ್ತಾನದಲ್ಲಿ ಬ್ಯಾನ್​ ಆಗಿದ್ದರೂ ಸಹ ಕದ್ದು ಸಿನಿಮಾ ನೋಡಿದ ಪಾಕಿಗಳು ಈಗ ಲಿಯಾರಿಯಲ್ಲಿ ಭಾರತೀಯ ಗುಪ್ತಚರರ ಶೋಧಕ್ಕೆ ಮುಂದಾಗಿದ್ದಾರೆ.

ಆದರೆ ಈ ವೈರಲ್​ ವಿಡಿಯೋ ಬಗ್ಗೆ ಪಾಕಿಸ್ತಾನದ ಪೊಲೀಸರು ವ್ಯತಿರಿಕ್ತ ಹೇಳಿಕೆ ನೀಡಿದ್ದು, ವಿಡಿಯೋನಲ್ಲಿ ಇರುವವರು ನಿಜವಾದ ಪೊಲೀಸರಲ್ಲ, ಅವರು ವೈರಲ್​ ಆಗುವ ಸಲುವಾಗಿ ಈ ರೀತಿ ಮಾಡಿದ್ದಾರೆ.

ಈ ವಿಡಿಯೋವನ್ನು ಯಾರು ನಂಬಬೇಡಿ ಹಾಗೂ ನಮ್ಮ ನಡುವೆ ಯಾವುದೇ ಭಾರತದ ಗೂಢಚರರಿಲ್ಲ ಎಂದು ಪಾಕಿಸ್ತಾನದ ಪೊಲೀಸ್​ ಅಧಿಕಾರಿಗಳು ತಿಳಿಸಿದ್ದಾರೆ. ನಾವು ಈ ವಿಡಿಯೋದ ಸತ್ಯಾಸತ್ಯತೆಯನ್ನು ಪರೀಕ್ಷಿಸುತ್ತಿದ್ದು, ಆದಷ್ಟು ಭೇಗ ಅಧಿಕೃತ ಹೇಳಿಕೆ ನೀಡುವುದಾಗಿ ಮಾಹಿತಿ ನೀಡಿದ್ದಾರೆ.

ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್​ ಆಗುತ್ತಿದಂದೆ ಕಮೆಂಟ್​ಗಳ ಮಹಾಪೂರವೇ ಹರಿದುಬಂದಿದೆ. ಛೇ. ಈ ಧುರಂಧರ್​ ಸಿನಿಮಾದಿಂದ ಪಾಕಿಸ್ತಾನದಲ್ಲಿರುವ ಭಾರತೀಯರಿಗೆ ಎಷ್ಟು ಸಮಸ್ಯೆಯಾಗಿದೆ ನೋಡಿ ಎಂದು ಒಬ್ಬರು ಕಮೆಂಟ್​ ಮಾಡಿದರೆ ಅಯ್ಯೋ.. ಸಿನಿಮಾವನ್ನೇ ನಿಜವೆಂದು ನಂಬಿದ್ದಾರೆ ಮೂರ್ಖರು ಎಂದು ಇನ್ನೊಬ್ಬರು ಹೇಳಿದ್ದಾರೆ. ಯಾರಿಗೆ ಗೊತ್ತು ವಿಡಿಯೋನಲ್ಲಿರುವ ಪೊಲೀಸನೇ ಭಾರತದ ಗುಪ್ತಚರ ನಾಗಿದ್ದರೆ? ಎಂದು ಮತ್ತೊಬ್ಬರು ವ್ಯಂಗ್ಯ ಮಾಡಿದ್ದಾರೆ,(ಏಜನ್ಸೀಸ್​).