ಹೈದರಾಬಾದ್: ಮೃನಾಲ್ ಠಾಕೂರ್. ಈ ಹೆಸರು ಈಗ ಟಾಲಿವುಡ್ ಇಂಡಸ್ಟ್ರಿಯಲ್ಲಿ ಹೆಚ್ಚಾಗಿ ಕೇಳಿಬರುತ್ತಿದೆ. ತೆಲುಗಿನಲ್ಲಿ ತಾನು ನಟಿಸಿದ ಕೇವಲ ಎರಡೇ ಚಿತ್ರಕ್ಕೆ ಮೃನಾಲ್ ಸ್ಟಾರ್ ನಟಿ ಇಮೇಜ್ ಪಡೆದುಕೊಂಡಿದ್ದಾರೆ. ಮೂಲತಃ ಬಾಲಿವುಡ್ ಬೆಡಗಿಯಾಗಿರುವ ಮೃನಾಲ್, ಟಾಲಿವುಡ್ನಲ್ಲಿ ಅಪಾರ ಕ್ರೇಜ್ ಗಳಿಸಿದ್ದಾರೆ. ತನ್ನ ಮನಮೋಹಕ ಸೌಂದರ್ಯ ಮತ್ತು ಅತ್ಯುತ್ತಮ ನಟನೆಯಿಂದ ತೆಲುಗು ಪ್ರೇಕ್ಷಕರ ಮನ ಕದ್ದಿರುವ ಮೃನಾಲ್, ಇತ್ತೀಚೆಗಷ್ಟೇ ಸಾಮಾಜಿಕ ಜಾಲತಾಣಗಳಲ್ಲಿ ತಾವು ಎದುರಿಸುತ್ತಿರುವ ಕಹಿ ಕ್ಷಣಗಳನ್ನು ಬಹಿರಂಗಪಡಿಸಿದ್ದಾರೆ. ಅಷ್ಟಕ್ಕೂ ಮೃನಾಲ್ ಅವರಿಗೆ ಏನಾಯಿತು ಎಂದು ನಾವೀಗ ತಿಳಿಯೋಣ.
ಟಾಲಿವುಡ್ನಲ್ಲಿ ಸೀತಾರಾಮ ಸಿನಿಮಾ ಮೂಲಕ ಸೀತಾ ಮಹಾಲಕ್ಷ್ಮೀಯಾಗಿ ಪರಿಚಯವಾದ ಮೃನಾಲ್, ತನ್ನ ಮೊದಲ ಸಿನಿಮಾದಿಂದಲೇ ತೆಲುಗು ಇಂಡಸ್ಟ್ರಿಯಲ್ಲಿ ಅಳಿಸಲಾಗದ ಛಾಪು ಮೂಡಿಸಿದ್ದಾರೆ. ಆದರೆ ಸಿನಿಮಾಗಳ ಆಯ್ಕೆಯಲ್ಲಿ ಬಹಳ ಎಚ್ಚರಿಕೆಯಿಂದ ಹೆಜ್ಜೆ ಹಾಕುತ್ತಾ ಯಶಸ್ಸು ಪಡೆಯುತ್ತಿರುವ ಮೃನಾಲ್ಗೆ ಈ ಹಿಂದೆಯೂ ಸಾಮಾಜಿಕ ಜಾಲತಾಣಗಳಲ್ಲಿ ಕಹಿ ಘಟನೆಗಳು ಎದುರಾಗಿದ್ದವು. ಆದರೆ ಇತ್ತೀಚೆಗಷ್ಟೇ ಕಾರ್ಯಕ್ರಮವೊಂದರಲ್ಲಿ ಈ ವಿಷಯವನ್ನು ಬಹಿರಂಗಪಡಿಸಿದ್ದಾರೆ.
ಕೆಲವು ನಾಯಕಿಯರನ್ನು ವಸ್ತುವಿನಂತೆ ನೋಡುತ್ತಾರೆ. ಮೇಲಾಗಿ ನಾಯಕಿಯರ ಫೋಟೋಗಳಿಗೆ ಸಂಬಂಧಿಸಿದಂತೆ ನಿರ್ದಿಷ್ಟ ಭಾಗಗಳ ಮೇಲೆ ಕೇಂದ್ರೀಕರಿಸುವುದು, ಅವುಗಳನ್ನು ಜೂಮ್ ಮಾಡುವುದು ಮತ್ತು ಕೆಟ್ಟ ಕಾಮೆಂಟ್ಗಳನ್ನು ಮಾಡುವುದು. ಫೋಟೋಗಳನ್ನು ನಾನಾ ರೀತಿಯಲ್ಲಿ, ಅಶ್ಲೀಲವಾಗಿ ಎಡಿಟ್ ಮಾಡಿ ಸಾಮಾಜಿಕ ಜಾಲತಾಣಗಳಲ್ಲಿ ಹಾಕುತ್ತಿದ್ದಾರೆ ಎಂದು ಮೃನಾಲ್ ಕಿಡಿಕಾರಿದ್ದಾರೆ. ಆದರೆ, ಈ ವಿಚಾರದಲ್ಲಿ ತಾನೂ ಕೂಡ ಬಲಿಪಶು ಎಂದು ಹೇಳದೆ ಎಲ್ಲರನ್ನು ಸೇರಿಸಿಕೊಂಡು ಹೇಳಿದ್ದಾರೆ. ಇಂತಹ ಸಂಗತಿಗಳು ನಮಗೆ ತುಂಬಾ ನೋವನ್ನುಂಟು ಮಾಡುತ್ತಿದೆ ಎಂದು ಮೃನಾಲ್ ಹೇಳಿದ್ದಾರೆ.
ಈ ಹಿಂದೆ ಮೃನಾಲ್ ಅವರು ಬಾಡಿ ಶೇಮಿಂಗ್ ಬಗ್ಗೆ ಮಾತನಾಡಿದ್ದರು. ಆ ವ್ಯಕ್ತಿ ನನ್ನನ್ನು ಮಾದಕ ಪಾತ್ರದಲ್ಲಿ ನೋಡುವುದಿಲ್ಲವಂತೆ ಅಥವಾ ನಾನು ಸಾಕಷ್ಟು ಸೆಕ್ಸಿಯಾಗಿ ಕಾಣುವುದಿಲ್ಲ ಎಂದು ಹೇಳಿದ್ದರಿಂದ ನಿರ್ಮಾಪಕರೊಬ್ಬರು ನನಗೆ ಅವಕಾಶ ನೀಡಲಿಲ್ಲ. ನನ್ನ ಕಾಲ್ಬೆರಳಿನ ಸತ್ತ ಚರ್ಮವೂ ಕೂಡ ಸೆಕ್ಸಿಯಾಗಿದೆ ಆದರೆ, ನಿರಂತರವಾಗಿ ಆ ಪಾತ್ರಗಳಿಗೆ ನಾನು ಒಡ್ಡಿಕೊಳ್ಳುವುದಿಲ್ಲ ಎಂದಿದ್ದರು.
ನಾನು ಜೇಡಿಮಣ್ಣಾಗಲು ಬಯಸುತ್ತೇನೆ. ಏಕೆಂದರೆ, ಜೇಡಿಮಣ್ಣನ್ನು ವಿವಿಧ ಭಾಗಗಳಾಗಿ ರೂಪಿಸಬಹುದು. ಮಾದಕತೆ ಎಂಬುದು ಒಬ್ಬರ ದೃಷ್ಟಿಕೋನವನ್ನು ಅವಲಂಬಿಸಿರುತ್ತದೆ. ನನಗೆ ಒಳ್ಳೆಯ ಸಂಭಾಷಣೆಯು ಕೂಡ ಸೆಕ್ಸಿಯಾಗಿದೆ ಎಂದ ಮೃನಾಲ್, ಮೊದಲ ಬಾರಿಗೆ ಹಾಡೊಂದರಲ್ಲಿ ನಟಿಸಿದಾಗ, ತೂಕ ಇಳಿಸಿಕೊಳ್ಳಲು ಜನರು ಸಲಹೆ ನೀಡಿದ್ದನ್ನು ಮೃನಾಲ್ ನೆನೆದರು. ಅಲ್ಲದೆ, ಬಿಟ್ಟಿ ಸಲಹೆಗಳಿಗೆ ಆ ವೇಳೆ ಖಡಕ್ ಆಗಿಯೇ ತಿರುಗೇಟು ನೀಡಿದ್ದ ಮೃನಾಲ್, ನನಗೆ ದಪ್ಪ ತೊಡೆಗಳಿವೆ ಮತ್ತು ನಾನು ಅವುಗಳನ್ನು ಹೊಂದಿದ್ದೇನೆ. ನನಗೆ ಅನಾನುಕೂಲವಾಗಿಲ್ಲದಿದ್ದರೆ, ನೀವು ಯಾಕೆ ಹಾಗೆ ಫೀಲ್ ಮಾಡಿಕೊಳ್ಳುತ್ತೀರಿ ಎಂದಿದ್ದರಂತೆ.
ಮೃನಾಲ್ ಅವರು ಜಿಮ್ಗೆ ಹೋದಾಗ ಯಾರೋ ಅವರಿಗೆ ಸಲಹೆ ನೀಡಿದ್ದನ್ನು ನೆನೆದರು. ಇವು ನಿಮ್ಮ ಸಮಸ್ಯೆಯ ಪ್ರದೇಶಗಳಾಗಿವೆ ಎಂದು ದೇಹದ ಬಗ್ಗೆ ಕಾಮೆಂಟ್ ಮಾಡಿದರಂತೆ. ಆದರೆ, ಆ ಕಾಮೆಂಟ್ಗೆ ಬಾಸ್ ಮಹಿಳೆಯಂತೆ ಪ್ರತಿಕ್ರಿಯಿಸಿದ ಮೃನಾಲ್, ಇಲ್ಲ ಇದು ನನ್ನ ಶಕ್ತಿ ಎಂದಿದ್ದರಂತೆ.
ಸಿನಿಮಾ ವಿಚಾರಕ್ಕೆ ಬಂದರೆ, ಮೃನಾಲ್ ಠಾಕೂರ್ ಅವರು ವಿಜಯ್ ದೇವರ ನಟನೆಯ ಫ್ಯಾಮಿಲಿ ಸ್ಟಾರ್ ಸಿನಿಮಾದಲ್ಲಿ ನಟಿಸಿದ್ದಾರೆ. (ಏಜೆನ್ಸೀಸ್)
ನನ್ನ ಕಾಲ್ಬೆರಳಿನ ಸತ್ತ ಚರ್ಮವೂ ಸೆಕ್ಸಿಯಾಗಿದೆ ಆದ್ರೆ…. ದಪ್ಪ ತೊಡೆ, ಮಾದಕತೆ ಬಗ್ಗೆ ಮೃನಾಲ್ ಓಪನ್ ಟಾಕ್
Lust and S..x ಬಗ್ಗೆ ಮೃನಾಲ್ ಮುಕ್ತ ಮಾತು: ಸೀತಾ ಮಹಾಲಕ್ಷ್ಮೀಯ ಹೇಳಿಕೆ ವೈರಲ್!