ಮುಂಬೈ: ಸೀತಾ ರಾಮಂ ಸಿನಿಮಾ ಮೂಲಕ ಸೀತಾ ಮಹಾಲಕ್ಷ್ಮೀಯಾಗಿ ಸಾಂಪ್ರದಾಯಿಕ ಪಾತ್ರದಲ್ಲಿ ಎಲ್ಲರ ಮನಸ್ಸು ಗೆದ್ದಿರುವ ನಟಿ ಮೃನಾಲ್ ಠಾಕೂರ್, ಸದ್ಯ ಸಾಕಷ್ಟು ಸಿನಿಮಾಗಳಲ್ಲಿ ಬಿಜಿಯಾಗಿದ್ದಾರೆ. ಇದೀಗ ಅವರ ನಟನೆಯ ಲಸ್ಟ್ ಸ್ಟೋರೀಸ್ 2 ವೆಬ್ ಸರಣಿ ಬಿಡುಗಡೆಯಾಗಿದೆ. ಇದರ ಬೆನ್ನಲ್ಲೇ ಮೃನಾಲ್ ಅವರು ಸಾಮಾಜಿಕ ಜಾಲತಾಣದಲ್ಲಿ ಟ್ರೆಂಡಿಂಗ್ನಲ್ಲಿದ್ದಾರೆ. ಅದಕ್ಕೆ ಕಾರಣ ಲಸ್ಟ್ ಸ್ಟೋರೀಸ್ 2 ವೆಬ್ ಸರಣಿಯಲ್ಲಿನ ಅವರ ಹಸಿಬಿಸಿ ದೃಶ್ಯಗಳು.
ಸೀತಾ ಮಹಾಲಕ್ಷ್ಮೀಯಾಗಿ ಸಾಂಪ್ರದಾಯಿ ಪಾತ್ರದಲ್ಲಿ ಮೃನಾಲ್ ಅವರನ್ನು ಕಣ್ತುಂಬಿಕೊಂಡ ಅಭಿಮಾನಿಗಳು, ಲಸ್ಟ್ ಸ್ಟೋರೀಸ್ ಸರಣಿಯಲ್ಲಿ ಅವರ ಹಾಟ್ನೆಸ್ ನೋಡಿ ದಂಗಾಗಿದ್ದಾರೆ. ಸಾಮಾಜಿಕ ಜಾಲತಾಣದಲ್ಲಿ ಮೃನಾಲ್ ಅವರ ಹಸಿಬಿಸಿ ದೃಶ್ಯಗಳು ಹರಿದಾಡುತ್ತಿದ್ದು, ಅದನ್ನು ನೋಡಿದವರೂ ಇವರೇನಾ ನಮ್ಮ ಸೀತಾ ಮಹಾಲಕ್ಷ್ಮೀ ಎಂದು ಬಾಯಿ ಮೇಲೆ ಬೆರಳಿಟ್ಟುಕೊಳ್ಳುತ್ತಿದ್ದಾರೆ.
ಇದನ್ನೂ ಓದಿ: ಮೆದುಳಿನ ಆರೋಗ್ಯ ತುಂಬಾ ಮುಖ್ಯ: ಈ ಚಟುವಟಿಕೆಗಳನ್ನು ಅನುಸರಿಸಿ, ಮೆದುಳನ್ನು ಸಕ್ರಿಯವಾಗಿರಿಸಿ
ಲಸ್ಟ್ ಸ್ಟೋರಿ ಸರಣಿಯಲ್ಲಿ ತಮ್ಮ ನಟನೆಯ ಮೂಲಕ ಮೆಚ್ಚುಗೆಗೆ ಪಾತ್ರವಾಗಿರುವ ಮೃನಾಲ್, ಈ ಸರಣಿಯಲ್ಲಿ ಶೀಘ್ರದಲ್ಲೇ ಮದುವೆ ಆಗಲಿರುವ ವೇದ ಹೆಸರಿನ ಹೆಣ್ಣಿನ ಪಾತ್ರವನ್ನು ನಿರ್ವಹಿಸಿದ್ದಾರೆ. ಈ ಸರಣಿಯು ಜೀವನದಲ್ಲಿ ಲೈಂಗಿಕತೆಯ ಮಹತ್ವವನ್ನು ಸಾರುವ ಉದ್ದೇಶವನ್ನು ಹೊಂದಿದೆ.
ಇದೀಗ ಸಿನಿಮಾ ಸಂದರ್ಶನವೊಂದರಲ್ಲಿ ಮೃನಾಲ್ ಅವರು ಕಾಮ ಮತ್ತು ಸೆಕ್ಸ್ ಬಗ್ಗೆ ಮುಕ್ತವಾಗಿ ಮಾತನಾಡಿದ್ದಾರೆ. ಬೆಳೆಯುವ ಹಂತದಲ್ಲಿ ಮತ್ತು ಯವ್ವನದಲ್ಲಿ ಸೆಕ್ಸ್ ಮತ್ತು ಕಾಮದ ಬಗ್ಗೆ ಪ್ರಬುದ್ಧವಾಗಿ ಮಾತನಾಡುವುದು ತುಂಬಾ ಮುಖ್ಯ ಎಂದು ನಾನು ಬಲವಾಗಿ ನಂಬುತ್ತೇನೆ.
ಮಕ್ಕಳಿಗೆ ಸೆಕ್ಸ್ ಮತ್ತು ಕಾಮ (Lust)ದ ಬಗ್ಗೆ ಅರಿವು ಇರಬೇಕು. ಕುಟುಂಬದ ಯಾರದರೂ ಒಬ್ಬರು ಮಕ್ಕಳು ಮತ್ತು ಯುವಕ, ಯುವತಿಯರಿಗೆ ಈ ವಿಚಾರಗಳ ಬಗ್ಗೆ ಮುಕ್ತವಾಗಿ ಮತ್ತು ಪ್ರಮಾಣಿಕವಾಗಿ ಮಾತನಾಡಬೇಕು. ಆಗ ಮಾತ್ರ ಈ ವಿಷಯಗಳ ಬಗ್ಗೆ ಹೊರಗಿನಿಂದ ಬರುತ್ತಿರುವುದು ಸುಳ್ಳು ಮಾಹಿತಿ ಎಂಬುದು ಗೊತ್ತಾಗುತ್ತದೆ ಮತ್ತು ಇವುಗಳ ಬಗ್ಗೆ ಅರಿವು ಮೂಡುತ್ತದೆ ಎಂದರು.
ಅಂದಹಾಗೆ ಲಸ್ಟ್ ಸ್ಟೋರೀಸ್ ವೆಬ್ ಸರಣಿಯನ್ನು ಆರ್. ಬಲ್ಕಿ, ಕೊಂಕಣ ಸೇನಾ ಶರ್ಮಾ, ಸುಜಯ್ ಘೋಷ್ ಮತ್ತು ಅಮಿತ್ ಶರ್ಮಾ ನಿರ್ದೇಶಿಸಿದ್ದಾರೆ. ಈ ಸರಣಿಯಲ್ಲಿ ಕಾಜೋಲ್, ವಿಜಯ್ ವರ್ಮ, ತಮನ್ನಾ ಭಾಟಿಯಾ, ತಿಲೋಟಮಾ ಶೋಮ್, ಅಮೃತಾ ಸುಭಾಷ್, ನೀನಾ ಗುಪ್ತಾ ಮತ್ತು ಕುಮುದ್ ಮಿಶ್ರಾ ಅಭಿನಯಿಸಿದ್ದಾರೆ.
ಇದನ್ನೂ ಓದಿ: ರಾಜ್ಯದ ಮೊದಲ ಫಾರ್ಮುಲಾ 1 ಟ್ರ್ಯಾಕ್ ನಿರ್ಮಿಸಲು ಪ್ಲ್ಯಾನ್: ಬಗೆದಷ್ಟು ಬಯಲಾಗ್ತಿದೆ ಅಜಿತ್ ರೈ ಅಕ್ರಮ
ಮೃನಾಲ್ ಠಾಕೂರ್ ಅವರ ಸಿನಿಮಾ ವಿಚಾರಕ್ಕೆ ಬರುವುದಾದರೆ ವಿಜಯ್ ದೇವರಕೊಂಡ ಅವರೊಂದಿಗೆ ಇನ್ನೂ ಹೆಸರಿಸದ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ ಮತ್ತು ನಾನಿ ಜತೆಯು ನಟಿಸಲಿದ್ದಾರೆ. (ಏಜೆನ್ಸೀಸ್)
ಮೃನಾಲ್ ಠಾಕೂರ್ ಹಳೇ ಫೋಟೋ ವೈರಲ್! ಇವರೇನಾ ಸೀತಾಮಹಾಲಕ್ಷ್ಮೀ ಎನ್ನುತ್ತಿರುವ ನೆಟ್ಟಿಗರು
ಕಾಲಿಗೆ ಬೇಕಾದ್ರೂ ಬೀಳ್ತೀನಿ ಆ ಫೋಟೋ ಡಿಲೀಟ್ ಮಾಡಿ: ಸೀತಾ ಮಹಾಲಕ್ಷ್ಮೀಗೆ ಫ್ಯಾನ್ಸ್ ಮನವಿ