ಬೆಂಗಳೂರು: ‘ದಿಯಾ’ ಖ್ಯಾತಿಯ ನಟ ದೀಕ್ಷಿತ್ ಶೆಟ್ಟಿ ಮತ್ತು ನಟಿ ಚೈತ್ರಾ ಜೆ.ಆಚಾರ್ ಅಭಿನಯದ ಸೈನ್ಸ್ ಫಿಕ್ಷನ್ ‘ಬ್ಲಿಂಕ್’ ಚಿತ್ರದ ಮೊದಲ ಸಾಂಗ್ ‘ಆಗಂತುಕ’ ಇದೀಗ ಅಧಿಕೃತವಾಗಿ ಬಿಡುಗಡೆಗೊಂಡಿದೆ.
ಇದನ್ನೂ ಓದಿ: ಇದಕ್ಕೆ ನಾನೇ ಗ್ಯಾರಂಟಿ: ಮುಖ್ಯಮಂತ್ರಿ ಸಿದ್ದರಾಮಯ್ಯ ಹೀಗಂದಿದ್ದೇಕೆ?
ಸಿನಿಮಾದ ಮೊದಲ ಸಾಂಗ್ ಆಗಂತುಕ ಯೂಟ್ಯೂಬ್ನಲ್ಲಿ ರಿಲೀಸ್ ಆಗಿದ್ದು, ಹಾಡು ವಿಶೇಷ ರೀತಿಯಲ್ಲಿ ಮೂಡಿಬಂದಿದೆ. ರ್‍ಯಾಪ್ ವರ್ಶನ್ ಜತೆಗೆ ಚಿತ್ರದ ಕೆಲ ಸೀನ್ಗಳನ್ನು ಚಿತ್ರ ತಯಾರಕರು ಹಾಡಿನಲ್ಲಿ ತೋರಿಸಿದ್ದಾರೆ. ಸೈನ್ಸ್ ಫಿಕ್ಷನ್ ‘ಬ್ಲಿಂಕ್’ ಚಿತ್ರದ ಬಗ್ಗೆ ಇದೀಗ ಸಾಕಷ್ಟು ನಿರೀಕ್ಷೆಗಳು ಮೂಡಿದ್ದು, ಚಿತ್ರ ಬಿಡುಗಡೆಯಾದ ನಂತರ ಸಿನಿಪ್ರೇಕ್ಷಕರಿಂದ ಏನ್ನೆಲ್ಲಾ ಪ್ರತಿಕ್ರಿಯೆ ಪಡೆದುಕೊಳ್ಳಲಿದೆ ಎಂಬುದನ್ನು ಕಾದು ನೋಡಬೇಕಿದೆ.
ಶ್ರೀನಿಧಿ ಬೆಂಗಳೂರು ನಿರ್ದೇಶನದ ಬ್ಲಿಂಕ್ ಚಿತ್ರವನ್ನು ರವಿಚಂದ್ರನ್ ನಿರ್ಮಾಣ ಮಾಡಿದ್ದಾರೆ. ಈ ಸಿನಿಮಾ ವಿಶೇಷ ಕಥಾಹಂದರವನ್ನು ಹೊಂದಿದ್ದು, ಚಿತ್ರದಲ್ಲಿ ದೀಕ್ಷಿತ್ ಶೆಟ್ಟಿ ರಂಗಭೂಮಿ ಹಿನ್ನಲೆಯುಳ್ಳ ಕಲಾವಿದನಾಗಿ ಅಭಿನಯಿಸಿದ್ದಾರೆ.
ವಜ್ರಧೀರ್ ಜೈನ್, ಸುರೇಶ ಆನಗಳ್ಳಿ, ಚೈತ್ರ ಜೆ.ಆಚಾರ್, ಮಂದಾರ ಬತ್ತಲಹಳ್ಳಿ, ಗೋಪಾಲ ಕೃಷ್ಣ ದೇಶಪಾಂಡೆ ಸೇರಿದಂತೆ ಇತರ ಕಲಾವಿದರು ನಟಿಸಿದ್ದಾರೆ. ಅವಿನಾಶ ಶಾಸ್ತ್ರಿ ಮತ್ತು ಪ್ರಸನ್ನ ಕುಮಾರ್ ಕ್ರಮವಾಗಿ ಛಾಯಾಗ್ರಹಣ ಮತ್ತು ಸಂಗೀತವನ್ನು ನಿರ್ವಹಿಸಿದ್ದಾರೆ.
ಗರ್ಭಿಣಿಯರಿಗೆ ವಿಶೇಷ ಪ್ರೀಮಿಯರ್ ಶೋ ತೋರಿಸಿದ ‘ಮಿಸ್ಟರ್ ಪ್ರೆಗ್ನೆಂಟ್’ ಚಿತ್ರತಂಡ!