ವಾಷಿಂಗ್ಟನ್ : ಮೂರು ತಿಂಗಳ ಹಿಂದೆ ತಮ್ಮ 27 ವರ್ಷಗಳ ದಾಂಪತ್ಯಕ್ಕೆ ಅಂತ್ಯ ಹಾಡುವ ಘೋಷಣೆ ಮಾಡಿದ್ದ ಸಾಫ್ಟ್ವೇರ್ ಕ್ಷೇತ್ರದ ದಿಗ್ಗಜ ಬಿಲ್ ಗೇಟ್ಸ್ ಮತ್ತು ಮೆಲಿಂಡ ಫ್ರೆಂಚ್ ಗೇಟ್ಸ್ ಅವರು ಸೋಮವಾರ ಅಧಿಕೃತವಾಗಿ ವಿಚ್ಛೇದನ ಪಡೆದಿದ್ದಾರೆ.
ಅಮೆರಿಕದ ವಾಷಿಂಗ್ಟನ್ನಿನ ಕಿಂಗ್ ಕೌಂಟಿ ನ್ಯಾಯಾಧೀಶರು ಈ ಜೋಡಿಯ ವಿವಾಹವನ್ನು ವಿಲೀನಗೊಳಿಸಿ ಆದೇಶ ಹೊರಡಿಸಿದ್ದಾರೆ. ಮೂರು ತಿಂಗಳ ಹಿಂದೆ ವಿಚ್ಛೇದನಕ್ಕೆ ಅರ್ಜಿ ಸಲ್ಲಿಸಿದ್ದು, ಕಾನೂನು ಪ್ರಕಾರ 90 ದಿನಗಳ ವೈಟಿಂಗ್ ಪೀರಿಯಡ್ನ ನಂತರ ಅಧಿಕೃತ ಆದೇಶ ಹೊರಬಂದಿದೆ ಎನ್ನಲಾಗಿದೆ.
ಇದನ್ನೂ ಓದಿ: ಸೆಮಿಫೈನಲ್ನಲ್ಲಿ ಮುಗ್ಗಿರಿಸಿದ ಭಾರತ: ಪುರುಷರ ಹಾಕಿಯಲ್ಲಿ ಚಿನ್ನದ ಕನಸು ಭಗ್ನ
ಮೈಕ್ರೊಸಾಫ್ಟ್ ಸಂಸ್ಥಾಪಕ ಬಿಲ್ ಗೇಟ್ಸ್ ಮತ್ತು ಮೆಲಿಂಡ ನಡುವೆ ಆಸ್ತಿ ವಿಭಜನೆಯ ಬಗ್ಗೆ ಪ್ರತ್ಯೇಕತೆ ಒಪ್ಪಂದವಾಗಿದ್ದು, ಅದನ್ನು ವಿಚ್ಛೇದನದ ದಾಖಲೆಗಳೊಂದಿಗೆ ಗೌಪ್ಯವಾಗಿರಿಸಲಾಗಿದೆ. ಇಬ್ಬರೂ ಪರಸ್ಪರ ಆರ್ಥಿಕ ಬಾಧ್ಯತೆಗೆ ಅಥವಾ ಹೆಸರು ಬದಲಾವಣೆಗೆ ಒಳಗಾಗುವುದಿಲ್ಲ ಎಂದು ಒಪ್ಪಂದ ಮಾಡಿಕೊಂಡಿದ್ದಾರೆ ಎನ್ನಲಾಗಿದೆ. (ಏಜೆನ್ಸೀಸ್)
‘ಸತ್ಯಮೇವ ಜಯತೇ’! ಪತಿಯ ಬಂಧನದ ನಂತರ ಅಧಿಕೃತ ಹೇಳಿಕೆ ನೀಡಿದ ಶಿಲ್ಪಾ ಶೆಟ್ಟಿ – ಏನೆಂದರು?!