ನಡು ರಸ್ತೆಯಲ್ಲೇ ಪೊಲೀಸ್​ ಮೇಲೆ ಸವಾರಿ ಮಾಡಿದ ಬೈಕ್​ ಸವಾರ​! ಗಂಭೀರ ಸ್ಥಿತಿಯಲ್ಲಿ ಪೇದೆ

ಬೆಂಗಳೂರು: ನಗರದಲ್ಲಿ ಸ್ಕೂಟರ್​ ವ್ಹೀಲಿಂಗ್​ ನಡೆಸುತ್ತಿದ್ದ ಸವಾರನನ್ನು ತಡೆಯಲು ಮುಂದಾದ ಪೊಲೀಸ್​ ಪೇದೆಗೆ ದುಷ್ಕರ್ಮಿಗಳು ಡಿಕ್ಕಿ ಹೊಡೆದು ಪರಾರಿಯಾಗಿದ್ದಾರೆ. ಗಂಭೀರ ಗಾಯಗೊಂಡ ಪೇದೆ ಆಸ್ಪತ್ರೆ ಸೇರಿದ್ದಾರೆ.

ಬನಶಂಕರಿ ಸಂಚಾರ ಠಾಣೆ ಪೇದೆ ತೇಜಸ್​(26) ಗಾಯಗೊಂಡವರು. ಅ.2ರಂದು ಕೆ.ಆರ್​. ಜಂಕ್ಷನ್​ನಲ್ಲಿ ಮುಖ್ಯಪೇದೆ ಹರಿಪ್ರಕಾಶ್​ ಮತ್ತು ತೇಜಸ್​ ಕರ್ತವ್ಯ ನಿರ್ವಹಿಸುತ್ತಿದ್ದರು. ಸಂಚಾರ ನಿಯಮ ಉಲ್ಲಂಘಿಸುವರನ್ನು ತಡೆದು ದಂಡ ವಿಧಿಸುತ್ತಿದ್ದರು. ಇದೇ ವೇಳೆ ಕೆ.ಆರ್​. ಜಂಕ್ಷನ್​ ಕಡೆಗೆ ಹೊಂಡಾ ಆ್ಯಕ್ಟೀವಾದಲ್ಲಿ ಸವಾರ ಅತೀ ವೇಗವಾಗಿ ವ್ಹೀಲಿಂಗ್​ ಮಾಡಿಕೊಂಡು ಬರುತ್ತಿದ್ದ. ಅದನ್ನು ಗಮನಿಸಿದ ಪೇದೆ ತೇಜಸ್​, ಗಾಡಿ ನಿಲ್ಲಿಸುವಂತೆ ಕೈ ಸನ್ನೆ ಮಾಡಿದರು. ದಿಚಕ್ರ ವಾಹನ ನಿಲ್ಲಿಸುವಂತೆಯೇ ಪೇದೆ ಸಮೀಪ ಬಂದ ಸವಾರ, ಏಕಾಏಕಿ ಪೊಲೀಸ್​ಗೆ ಗುದ್ದಿ ವೇಗವಾಗಿ ಪರಾರಿ ಆಗಿದ್ದಾನೆ.

ಗುದ್ದಿದ ರಭಸಕ್ಕೆ ಕೆಳಗೆ ಬಿದ್ದ ಕಾನ್​ಸ್ಟೇಬಲ್​ಗೆ ತಲೆ ಮತ್ತು ಕೈಗೆ ಗಂಭೀರ ಗಾಯವಾಗಿವೆ. ಕೂಡಲೇ ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ. ಈ ಕುರಿತು ತೇಜಸ್​ ನೀಡಿದ ದೂರಿನ ಮೇರೆಗೆ ಬನಶಂಕರಿ ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ಸ್ಕೂಟರ್​ ಸವಾರನನ್ನು ಬಂಧಿಸಲು ಬಲೆಬೀಸಿದ್ದಾರೆ.

https://www.vijayavani.net/former-minister-hd-revanna-v-o-circle-inspecter-suresh/

https://www.vijayavani.net/12-years-old-boy-death-in-gubbi-talluk/

https://www.vijayavani.net/gandhi-and-lal-bahadur-shastri-birthday-congress-flex-troll/