ಪಾಟ್ನಾ: ಕಚೇರಿಯಲ್ಲಿ ಜೀನ್ಸ್ ಮತ್ತು ಟೀ ಶರ್ಟ್ಗಳಂತಹ ಕ್ಯಾಶುಯಲ್ ಬಟ್ಟೆ ಧರಿಸದಂತೆ ಬಿಹಾರ ರಾಜ್ಯ ಶಿಕ್ಷಣ ಇಲಾಖೆಯ ಉದ್ಯೋಗಿಗಳಿಗೆ ನಿರ್ದೇಶನ ನೀಡಿದೆ. ಈ ಆದೇಶದಿಂದ ನೌಕರರು ಗಲಿಬಿಲಿಗೊಂಡಿದ್ದು, ಇಲಾಖೆಯು ಇದಕ್ಕೆ ಸ್ಪಷ್ಟನೆ ನೀಡಿದೆ.
ಈ ಸಂಬಂಧ ಶಿಕ್ಷಣ ಇಲಾಖೆಯ ನಿರ್ದೇಶಕ ಸುಬೋದ್ ಕುಮಾರ್ ಚೌಧರಿ ಬುಧವಾರ ಆದೇಶ ಹೊರಡಿಸಿದ್ದು, ನೌಕರರು ಕಚೇರಿಯಲ್ಲಿ ಫಾರ್ಮಲ್ ಡ್ರೆಸ್ಗಳನ್ನು ಧರಿಸುವಂತೆ ತಿಳಿಸಲಾಗಿದ್ದು, ಇಲಾಖೆಯ ಅಧಿಕಾರಿಗಳು ಮತ್ತು ನೌಕರರು ಸಾಂದರ್ಭಿಕ ಉಡುಗೆಯಲ್ಲಿ ಕಚೇರಿಗೆ ಬರುತ್ತಿರುವುದು ಕಂಡು ಬಂದ ಹಿನ್ನೆಲೆಯಲ್ಲಿ ಈ ಕ್ರಮ ಕೈಗೊಳ್ಳಲಾಗಿದೆ.
ಇದನ್ನೂ ಓದಿ: ಆದಿಪುರುಷ್ ಸಿನಿಮಾ ವಿವಾದ; ಇದೇ ರೀತಿ ಖುರಾನ್ ಸಿನಿಮಾ ಮಾಡಿನೋಡಿ?: ಹೈಕೋರ್ಟ್
ಶಿಕ್ಷಣ ಇಲಾಖೆಯಲ್ಲಿ ನಿಯೋಜನೆಗೊಂಡಿರುವ ಅಧಿಕಾರಿಗಳು ಮತ್ತು ನೌಕರರು ಕಚೇರಿಯ ಸಂಸ್ಕೃತಿಗೆ ವಿರುದ್ಧವಾದ ಮತ್ತು ಸಂಸ್ಥೆಯ ಘನತೆಗೆ ವಿರುದ್ಧವಾದ ಅನೌಪಚಾರಿಕ, ವ್ಯತಿರಿಕ್ತವಾದ ಡ್ರೆಸ್ಗಳಲ್ಲಿ ಕಚೇರಿಗೆ ಬರುತ್ತಿರುವುದು ಕಂಡುಬರುತ್ತಿದೆ, ಆದ್ದರಿಂದ ಎಲ್ಲಾ ಅಧಿಕಾರಿಗಳು ಮತ್ತು ನೌಕರರು ಬಿಹಾರದ ಪಾಟ್ನಾದಲ್ಲಿರುವ ಶಿಕ್ಷಣ ಇಲಾಖೆಯು ಔಪಚಾರಿಕ ಉಡುಗೆಯಲ್ಲಿ ಕಚೇರಿಗೆ ಬರಬೇಕು ಮತ್ತು ಘನತೆಯನ್ನು ಕಾಪಾಡಿಕೊಳ್ಳಬೇಕು ಎಂದು ಆದೇಶದಲ್ಲಿ ಉಲ್ಲೇಖಿಸಲಾಗಿದೆ.
ಕಳೆದ ಏಪ್ರಿಲ್ನಲ್ಲಿ ಸರನ್ನ ಜಿಲ್ಲಾ ನ್ಯಾಯಾಲಯವು, ಎಲ್ಲಾ ಸರ್ಕಾರಿ ನೌಕರರು ಕಚೇರಿಯಲ್ಲಿ ಜೀನ್ಸ್ ಮತ್ತು ಟಿ-ಶರ್ಟ್ಗಳನ್ನು ಧರಿಸುವುದನ್ನು ನಿರ್ಬಂಧಿಸಿ ಇದೇ ರೀತಿಯ ಆದೇಶವನ್ನು ಹೊರಡಿಸಿದ್ದರು.(ಏಜೆನ್ಸೀಸ್)
