ಮಲಯಾಳಂನ ಬಿಗ್ಬಾಸ್ ಸೀಸನ್ 2 ಕಾರ್ಯಕ್ರಮ 94 ದಿನಗಳನ್ನು ಮುಗಿಸಿತ್ತು. ಆದರೆ ಅಷ್ಟರಲ್ಲಾಗಲೇ ಪರದೆ ಹಿಂದೆ ಕೆಲಸ ಮಾಡುತ್ತಿದ್ದ ಆರು ಸಿಬ್ಬಂದಿಗೆ ಸೋಂಕು ದೃಢವಾಗಿದೆ. ಮೂಲಗಳ ಪ್ರಕಾರ, ಮನೆಗೂ ಸೋಂಕು ಹಬ್ಬಿದೆ ಎನ್ನಲಾಗಿದೆ. ಕರೊನಾ ಹಿನ್ನೆಲೆಯಲ್ಲಿ ಯಾವುದೇ ಚಿತ್ರೀಕರಣಕ್ಕೆ ಅವಕಾಶ ಇಲ್ಲವಾದರೂ, ಅದನ್ನು ಉಲ್ಲಂಘಿಸಿ ಚಿತ್ರೀಕರಣ ನಡೆಸಿದ್ದಕ್ಕೆ ತಮಿಳುನಾಡು ಅಧಿಕಾರಿಗಳು ಬಿಗ್ಬಾಸ್ ಮನೆಯನ್ನು ಸೀಲ್ ಮಾಡಿದ್ದಾರೆ. ಚೆನ್ನೈನ ಇವಿಪಿ ಫಿಲಂ ಸಿಟಿಯಲ್ಲಿ ನಡೆಸುತ್ತಿದ್ದ ಶೂಟಿಂಗ್ ಅನ್ನು ಈ ರೀತಿಯಲ್ಲಿ ನಿಲ್ಲಿಸಲಾಗಿದೆ. ಅಲ್ಲಿದ್ದ ಸ್ಪರ್ಧಾಳುಗಳನ್ನು ಹೋಟೆಲ್ ಒಂದಕ್ಕೆ ಸ್ಥಳಾಂತರಗೊಳಿಸಿರುವುದಾಗಿ ಹೇಳಲಾಗಿದೆ.
