ನಾನು ಶುರು ಮಾಡಿದರೆ… ಎಲ್ಲ ಸ್ಪರ್ಧಿಗಳಿಗೂ ಖಡಕ್​ ವಾರ್ನಿಂಗ್​ ಕೊಟ್ಟ ಲಾಯರ್​ ಜಗದೀಶ್!​ Lawyer Jagadish

ಬೆಂಗಳೂರು: ಕನ್ನಡ ಕಿರುತೆರೆ ಲೋಕದ ಅತಿದೊಡ್ಡ ರಿಯಾಲಿಟಿ ಶೋ ಬಿಗ್​ಬಾಸ್ ಮತ್ತೆ ಆರಂಭವಾಗಿದೆ. ಸೆ.29ರಂದು ಶುರುವಾದ ಸೀಸನ್​ 11 ಮೂರನೇ ದಿನಕ್ಕೆ ಕಾಲಿಟ್ಟಿದ್ದು, ದೊಡ್ಮನೆಯಲ್ಲಿ ಸ್ಪರ್ಧಿಗಳ ನಡುವೆ ಕಾಡ್ಗಿಚ್ಚು ಹೊತ್ತಿಕೊಳ್ಳುತ್ತಿದೆ. ಹೀಗಾಗಿ ಕನ್ನಡಿಗರಲ್ಲಿ ಬಿಗ್​ಬಾಸ್​ ಫೀವರ್​ ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಿದೆ. ಮೊದಲ ದಿನದಿಂದಲೇ ಸ್ಪರ್ಧಿಗಳ ಹೈಡ್ರಾಮ ಶುರುವಾಗಿದ್ದು, ಪ್ರೇಕ್ಷಕರನ್ನು ಸೆಳೆಯುತ್ತಿದೆ. ಅದರಲ್ಲೂ ಲಾಯರ್​ ಜಗದೀಶ್​ ಅವರು ಹೆಚ್ಚು ಚರ್ಚೆಗೆ ಗ್ರಾಸವಾಗಿದ್ದಾರೆ. ಬಿಗ್​ಬಾಸ್ ನಿಯಮಗಳನ್ನು ಪಾಲಿಸುತ್ತಿಲ್ಲ ಎಂದು ಇತರೆ ಸ್ಪರ್ಧಿಗಳು ಪದೇಪದೆ ಆರೋಪಗಳನ್ನು ಮಾಡುತ್ತಿದ್ದಾರೆ.

ಟಾಸ್ಕ್​ ಪ್ರಕಾರ ನರಕದ ಮನೆಲ್ಲಿರುವ ಚೈತ್ರಾ ಕುಂದಾಪುರ, ಸ್ವರ್ಗದ ಮನೆಯನ್ನು ಸ್ವಚ್ಛಗೊಳಿಸಬೇಕು. ಅದರ ಪ್ರಕಾರ ಚೈತ್ರಾ ಅವರು ಮೊದಲು ಶೌಚಾಲಯಕ್ಕೆ ಆದ್ಯತೆ ನೀಡಿದರು. ತನ್ನದೇಯಾದ ಲೆಕ್ಕಾಚಾರದೊಂದಿಗೆ ಬಂದ ಚೈತ್ರಾ ಮನೆಯಲ್ಲಿ ದೊಡ್ಡ ಹೈಡ್ರಾಮವನ್ನೇ ಸೃಷ್ಟಿಸಿದರು. ಆಕೆಯ ನಡೆಯನ್ನು ಟೀಕಿಸಿದ ಲಾಯರ್​ ಜಗದೀಶ್​ ( Lawyer Jagadish ), ಟಾಯ್ಲೆಟ್​ ಅನ್ನು ಸರಿಯಾಗಿ ಕ್ಲೀನ್​ ಮಾಡಿಲ್ಲ ಎಂದರು. ಟಾಯ್ಲೆಟ್​ ಅನ್ನು ಸರಿಯಾಗಿ ಹೇಗೆ ಕ್ಲೀನ್​ ಮಾಡಬೇಕೆಂಬುದು ಆಕೆಗೆ ಗೊತ್ತಿಲ್ಲ ಎಂದು ಜಗದೀಶ್​ ಕಿಡಿಕಾರಿದರು. ಅಲ್ಲದೆ, ಹೇಗೆ ಕ್ಲೀನ್​ ಮಾಡಬೇಕೆಂಬುದನ್ನು ನಾನು ನಿಮಗೆ ತೋರಿಸುತ್ತೇನೆಂದು ಸ್ವಚ್ಛಗೊಳಿಸುವ ಜವಾಬ್ದಾರಿಯನ್ನು ಜಗದೀಶ್​ ತೆಗೆದುಕೊಂಡರು. ಆದರೆ, ಬಿಗ್​ಬಾಸ್​ ನಿಯಮದ ಪ್ರಕಾರ ಮನೆಯನ್ನು ಸ್ವಚ್ಛಗೊಳಿಸುವುದು ನರಕ ನಿವಾಸಿಗಳ ಕರ್ತವ್ಯವಾಗಿತ್ತು. ಆದರೆ, ಜಗದೀಶ್​ ತಮ್ಮ ಪಾತ್ರೆಗಳನ್ನು ತಾವೇ ಸ್ವಚ್ಛಗೊಳಿಸುವ ಮೂಲಕ ನಿಯಮ ಉಲ್ಲಂಘಿಸಿದ್ದಾರೆ.

ನಾವು ಕೂಡ ನಿಯಮಗಳನ್ನು ಸರಿಯಾಗಿ ಪಾಲಿಸುತ್ತಿಲ್ಲ ಹೀಗಾಗಿ ನಿಯಮ ಉಲ್ಲಂಘನೆ ನಮ್ಮ ಕಡೆಯಿಂದಲೂ ಆಗಿದೆ ಎಂದು ಮನೆಯ ಸದಸ್ಯೆ ಯಮುನಾ ಶ್ರೀನಿಧಿ ಜಗದೀಶ್‌ ಅವರಿಗೆ ಈ ಸಂದರ್ಭದಲ್ಲಿ ತಿಳಿಸಿದರು. ಇದಕ್ಕೆ ಪ್ರತಿಕ್ರಿಯೆ ನೀಡಿದ ಜಗದೀಶ್​, ಚೈತ್ರಾ ಅವರಿಗೆ ದೊಡ್ಡ ಅಭಿಮಾನಿಗಳ ಬಳಗವಿದೆ ಎಂದು ಪ್ರತಿವಾದಿಸಿದರು. ಇತರ ಸ್ಪರ್ಧಿಗಳು ಜಗದೀಶ್​ ವಿರುದ್ಧ ಆರೋಪ ಮಾಡಲು ಪ್ರಾರಂಭಿಸಿದಾಗ, ಸರಿಯಾಗಿ ಕ್ಲೀನ್​ ಮಾಡಿಸಲು ನಿಮ್ಮಿಂದ ಆಗಲಿಲ್ಲ. ನನ್ನ ಬಗ್ಗೆ ಮಾತನಾಡಬೇಡಿ. ನಾನು ತಪ್ಪು ಮಾಡಿದ್ದರೆ, ಬಿಗ್​ಬಾಸ್ ನನಗೆ ತಿಳಿಸುತ್ತಾರೆ ಮತ್ತು ಮುಂದಿನ ಕ್ರಮವನ್ನು ನಾನು ಎದುರಿಸುತ್ತೇನೆ ಎಂದರು. ಅಲ್ಲದೆ, ನಾನು ನನ್ನ ಆಟ ಆಡಲು ಶುರು ಮಾಡಿದರೆ ನಿಮ್ಮೆಲ್ಲರಿಗೂ ಚೆಕ್‌ಮೇಟ್ ಇಡುತ್ತೇನೆ. ನಿಮಗೆ ಬೇಕಾದುದನ್ನು ಮಾಡಿ, ಆಟ ಈಗ ಶುರುವಾಗಿದೆ ಎಂದು ಎಚ್ಚರಿಕೆ ನೀಡಿದರು.

ಇದನ್ನೂ ಓದಿ: ಹಾರ್ದಿಕ್​ಗೆ ಡಿವೋರ್ಸ್​ ಕೊಟ್ಟ ನತಾಶಾ ಈಗ​ ಏನು ಮಾಡ್ತಿದ್ದಾರೆ ಗೊತ್ತಾ? ವಿಡಿಯೋ ವೈರಲ್, ಪಾಂಡ್ಯ ಫುಲ್​ ಟ್ರೋಲ್ | Natasa Stankovic

ಚೈತ್ರಾ ಕುಂದಾಪುರ ಅವರಿಗೆ ಯಮುನಾ ಶ್ರೀನಿಧಿ ಕಿರುಕುಳ ನೀಡಿದ್ದಾರೆ ಎಂದು ಇದೇ ಸಂದರ್ಭದಲ್ಲಿ ಜಗದೀಶ್ ಆರೋಪಿಸಿದರು. ಜಗದೀಶ್ ಅವರ ಪ್ರಕಾರ, ಯಮುನಾ ಅವರು ಟಾಸ್ಕ್​ ಪೂರ್ಣಗೊಂಡಿದೆಯೇ ಎಂಬುದನ್ನು ಖಚಿತಪಡಿಸಿಕೊಳ್ಳುವ ಬದಲು ನಿಯಮಗಳನ್ನು ಏರುವ ಮೂಲಕ ಚೈತ್ರಾ ಅವರ ಮೇಲೆ ವೈಯಕ್ತಿಕ ದಾಳಿ ಮಾಡುತ್ತಿರುವಂತೆ ತೋರುತ್ತದೆ. ಚೈತ್ರಾಳನ್ನು ಮನೆಗೆಲಸಗಳಲ್ಲಿ ತೊಡಗಿಸಿಕೊಳ್ಳುತ್ತಿರುವ ರೀತಿ ಕಿರುಕುಳದಂತೆ ಭಾಸವಾಗುತ್ತಿದೆ ಎಂದು ಜಗದೀಶ್​ ಹೇಳಿದರು.

ಸ್ವರ್ಗ ನಿವಾಸಿಗಳು: ಭವ್ಯ ಗೌಡ, ಯಮುನಾ ಶ್ರೀನಿಧಿ, ಧನರಾಜ್ ಆಚಾರ್, ಗೌತಮಿ ಜಾಧವ್, ಧರ್ಮ ಕೀರ್ತಿರಾಜ್, ವಕೀಲ ಜಗದೀಶ್, ತ್ರಿವಿಕ್ರಮ್, ಹಂಸ ಪ್ರತಾಪ್, ಐಶ್ವರ್ಯ ಸಿಂಧೋಗಿ ಮತ್ತು ಉಗ್ರಂ ಮಂಜು.

ನರಕ ನಿವಾಸಿಗಳು: ಅನುಷಾ ರೈ, ಶಿಶಿರ್ ಶಾಸ್ತ್ರಿ, ಮಾನಸ ಸಂತೋಷ್​, ಗೋಲ್ಡ್ ಸುರೇಶ್, ಚೈತ್ರಾ ಕುಂದಾಪುರ, ಮೋಕ್ಷಿತಾ ಪೈ ಮತ್ತು ರಂಜಿತ್.

https://www.vijayavani.net/woman-earning-rs-4-4-lakh-for-just-three-hours-of-work-x-post-go-viral

https://www.vijayavani.net/do-you-know-what-natasa-stankovic-is-doing-after-her-breakup-with-hardik-the-video-went-viral