ನವದೆಹಲಿ: ನಾವುಗಳು ಸಾಮಾನ್ಯವಾಗಿ ಮದುವೆಯನ್ನು ಕಲ್ಯಾಣ ಮಂಟಪ, ದೇವಸ್ಥಾನ ರೆಸಾರ್ಟ್ಗಳಲ್ಲಿ ಮಾಡುವುದನ್ನು ನೋಡಿರುತ್ತೇವೆ. ಇತ್ತೀಚಿನ ವರ್ಷಗಳಲ್ಲಿ ಡೆಸ್ಟಿನೇಷನ್ ವೆಡ್ಡಿಂಗ್ ಎಂಬ ಪರಿಕಲ್ಪನೆಯು ಚಾಲ್ತಿಗೆ ಬಂದಿದ್ದು, ಇದೀಗ ಅದೇ ರೀತಿಯ ಮದುವೆಯೊಂದು ಅದ್ದೂರಿಯಾಗಿ ನೆರವೇರಿದೆ.
UAEನಲ್ಲಿ ನೆಲೆಸಿರುವ ಭಾರತ ಮೂಲದ ಉದ್ಯಮಿ ದಿಲೀಪ್ ಪೋಪ್ಲಿ ಎಂಬುವವರು ತಮ್ಮ ಮಗಳ ಮದುವೆಯನ್ನು ಖಾಸಗಿ ವಿಮಾನದಲ್ಲಿ ಅದ್ದೂರಿಯಾಗಿ ನೆರವೇರಿಸಿದ್ದು, ಇದರ ಪೋಟೋ ಹಾಗೂ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ. ಖಾಸಗಿ ವಿಮಾನ ಸಂಖ್ಯೆ ಬೋಯಿಂಗ್ 747ರಲ್ಲಿ ಶುಭ ಸಮಾರಂಭವನ್ನು ನೆರವೇರಿಸಲಾಗಿದೆ.
ಇದನ್ನೂ ಓದಿ: ತೆಲಂಗಾಣ ಚುನಾವಣೆ; ಯುವಕರ ಜತೆ ರಾಹುಲ್ ಗಾಂಧಿ ಸಂವಾದ; ಮುಂದಿನ ಪ್ರಧಾನಿ ನೀವೇ ಎಂದ ಜನಸ್ತೋಮ
ವೈರಲ್ ಆಗಿರುವ ವಿಡಿಯೋದಲ್ಲಿ ವಿಮಾನದ ಒಳಭಾಗದಲ್ಲಿ ಪ್ರಸಿದ್ದ ಬಾಲಿವುಡ್ ಹಾಡೊಂದಕ್ಕೆ ಜನರು ಹೆಜ್ಜೆ ಹಾಕುತ್ತಿದ್ದು, ಬಳಿಕ ಸಮಾರಂಭಕ್ಕಾಗಿ ಗೊತ್ತುಪಡಿಸಿರುವಂತಹ ಜಾಗಗಳನ್ನು ಸಹ ತೋರಿಸಲಾಗುತ್ತದೆ. ಬಳಿಕ ಮಾತನಾಡಿರುವ ನವದಂಪತಿಗಳು ನಾವು ಈ ರೀತಿಯ ವಿಭಿನ್ನವಾದ ಅನುಭವವನ್ನು ಪಡೆಯುತ್ತೇವೆ ಎಂದು ಭಾವಿಸಿರಲಿಲ್ಲ. ಇದನ್ನು ಸಾಧ್ಯವಾಗಿಸಿದ ಪ್ರತಿಯೊಬ್ಬರಿಗು ಧನ್ಯವಾದಗಳು ಎಂದು ವಿಡಿಯೋ ಕೊನೆಯಲ್ಲಿ ಹೇಳಿದ್ದಾರೆ.
ವಧು ಹಾಗೂ ವರನ ಕುಟುಂಬಸ್ಥರು ಶುಭ ಸಮಾರಂಭ ನಡೆಯುವ ವೇಲೆ ಮೂರು ಘಂಟೆಗಳ ಕಾಲ ದುಬೈನಿಂದ ಓಮನ್ಗೆ ವಿಮಾನದಲ್ಲಿ ತೆರಳಿದ್ದರು ಎಂದು ತಿಳಿದು ಬಂದಿದೆ. ಅಚ್ಚರಿಯ ವಿಚಾರವೇನೆಂದರೆ ವಧುವಿನ ತಂದೆ ದಿಲೀಪ್ ಪೋಪ್ಲಿ ಸಹ 1994ರಲ್ಲಿ ಇದೇ ರೀತಿ ವಿವಾಹ ಮಾಡಿಕೊಂಡಿದ್ದರು ಎಂದು ತಿಳಿದು ಬಂದಿದೆ.