ಅ.7 ರಂದು ಇಸ್ರೇಲ್ನಲ್ಲಿ ಸಂಗೀತ ಉತ್ಸವದ ಮೇಲೆ ಹಮಾಸ್ ದಾಳಿ ಮಾಡಿ 1,200 ಜನರನ್ನು ಕೊಂದು, 240 ಜನರನ್ನು ಒತ್ತೆಯಾಳುಗಳಾಗಿ ಇರಿಸಿಕೊಂಡಿತ್ತು. ಇದಕ್ಕೆ ಪ್ರತಿಕಾರವಾಗಿ ಇಸ್ರೇಲ್ ಗಾಜಾಪಟ್ಟಿ ಮೇಲೆ ದಾಳಿಗಳನ್ನು ನಡೆಸಿ 20ಸಾವಿರಕ್ಕೂ ಹೆಚ್ಚು ಜನರನ್ನು ಕೊಂದಿದೆ, ಇನ್ನೂ ಅನೇಕರು ಕಾಣೆಯಾಗಿದ್ದಾರೆ. ಹಲವರನ್ನು ಅವಶೇಷಗಳಡಿಯಲ್ಲಿ ಹೂಳಲಾಗಿದೆ. ಇಸ್ರೇಲ್ - ಪ್ಯಾಲೇಸ್ತೇನ್ ಯುದ್ಧವು 12 ನೇ ವಾರಕ್ಕೆ ಕಾಲಿಟ್ಟಿದ್ದು, ಒತ್ತೆಯಾಳುಗಳಿಗೆ "ಸಮಯ ಮೀರುತ್ತಿದೆ" ಎಂದುಹಮಾಸ್ ಎಚ್ಚರಿಸಿದೆ. ಇಸ್ರೇಲ್ ಯುದ್ಧ ನಿಲ್ಲಿಸುತ್ತಿಲ್ಲ. ಹೀಗಾಗಿ ಒತ್ತೆಯಾಳುಗಳಾಗಿರುವ ತನ್ನ ಪ್ರಜೆಗಳನ್ನು ರಕ್ಷಿಸಿಕೊಳ್ಳಲು ಅಮೆರಿಕಾ ಮತ್ತಿತರ ದೇಶಗಳು ಒತ್ತಡ ಹೇರುತ್ತಿವೆ.
