ರಾಜಧಾನಿಯಲ್ಲಿ ಗುಡುಗು ಆರ್ಭಟ: ನಿರಂತರ ಶಬ್ದಕ್ಕೆ ಬೆಚ್ಚಿಬಿದ್ದ ಬೆಂಗಳೂರಿಗರು | Bengaluru Rain

Bengaluru Rain: ಶನಿವಾರ ರಾತ್ರಿಯಿಂದ ಭಾನುವಾರ ಮುಂಜಾನೆವರೆಗೆ ಗುಡುಗು ಆರ್ಭಟದಿಂದಾಗಿ ರಾಜಧಾನಿ ಜನರು ಬೆಚ್ಚಿದ್ದಾರೆ.

ಗುಡುಗು ಶಬ್ದಕ್ಕೆ‌ ನಿದ್ದೆಯ ಮಂಪರಿನಲ್ಲಿದ್ದ ಗರ್ಭಿಣಿ ಮಹಿಳೆಯರು, ಚಿಕ್ಕ ಮಕ್ಕಳು, ಬಾಣಂತಿಯರು, ಹಿರಿಯರು ಆತಂಕಗೊಂಡರು. ನಿರಂತರವಾಗಿ ಗುಡುಗು ಶಬ್ದಕ್ಕೆ ಗಾಬರಿಯಾದ ಜನರು ಹೊರಗಡೆ ಯುದ್ಧ ನಡೆಯುತ್ತಿರುವಂತೆ ಭಾಸವಾಗುತ್ತಿತ್ತು ಎಂದಿದ್ದಾರೆ.

ತಡರಾತ್ರಿಯಿಂದ ಮುಂಜಾನೆವರೆಗೆ ಗುಡುಗು ಸಹಿತ ಧಾರಾಕಾರವಾಗಿ ಮಳೆ ಸುರಿಯುತ್ತಿತ್ತು. ವಾಯವಿಹಾರಿಗಳಿಗೆ ತೊಂದರೆಯಾಯಿತು. ಕೆ.ಆರ್.ಮಾರುಕಟ್ಟೆ ಸೇರಿ‌ ನಗರದ ಇತರೆ ಮಾರುಕಟ್ಟೆಗಳ ಹೂವಿನ ವ್ಯಾಪಾರಿಗಳ ವ್ಯಾಪಾರಕ್ಕೂ ಅಡಚಣೆಯಾಯಿತು.

ಇದನ್ನೂ ಓದಿ: ಸಾಯುವ ಸಂದರ್ಭ ಬಂದರು ಕೂಡ ಗಂಡ-ಹೆಂಡತಿ ಈ ವಿಚಾರವನ್ನು ಯಾರಿಗೂ ಹೇಳಲೇಬಾರದು! Life Secrets

ತಗ್ಗು ಪ್ರದೇಶದ ನಿವಾಸಿಗಳು ರಾತ್ರಿಯಿಡಿ ಜಾಗರಣೆ ಮಾಡುವಂತಾಯಿತು. ಕೆಂಪೇಗೌಡ ಬಸ್ ನಿಲ್ದಾಣ, ಚಾಮರಾಜಪೇಟೆ, ವಿದ್ಯಾಪೀಠ, ಮೈಸೂರು ರಸ್ತೆ, ವಿ.ವಿ.ಪುರ, ಬಸವನಗುಡಿ, ಜೆ.ಪಿ.ನಗರ, ಬನಶಂಕರಿ, ಗಿರಿನಗರ, ಯಶವಂತಪುರ, ನಾಯಂಡಹಳ್ಳಿ, ಕೆಂಗೇರಿ ಸೇರಿ ನಗರದ ವಿವಿಧೆಡೆ ಜೋರು ವರ್ಷಧಾರೆಯಾಯಿತು. ಇನ್ನೂ 4 ದಿನ ನಗರದಲ್ಲಿ ಮಳೆ ಬೀಳುವ ಸಾಧ್ಯತೆ ಇದೆ ಎಂದು ಹವಾಮಾನ ಇಲಾಖೆ ಮುನ್ಸೂಚನೆ ನೀಡಿದೆ.

https://www.vijayavani.net/serial-actress-bought-mdma-and-came-home-followed-by-the-police-how-the-serial-actress-was-arrested