ಡ್ರಗ್ಸ್​ ಖರೀದಿಸಿ ರೆಡ್​ ಹ್ಯಾಂಡ್​ ಆಗಿ ಸಿಕ್ಕಿಬಿದ್ದ ಖ್ಯಾತ ಸೀರಿಯಲ್ ನಟಿ! ಮನೆಯಲ್ಲಿದ್ದ ನಶೆಯ ರಹಸ್ಯ ಬಯಲು | Serial actress

ಕೊಲ್ಲಂ: ವಿತರಕರಿಂದ ಎಂಡಿಎಂಎ ಡ್ರಗ್ಸ್​ ಖರೀದಿಸಿ ಮನೆಗೆ ವಾಪಸ್ಸಾದ ವೇಳೆ ಮಲಯಾಳಂನ ಖ್ಯಾತ ಸೀರಿಯಲ್ ನಟಿ ( Serial actress ) ಪೊಲೀಸರ ಕೈಗೆ ಸಿಕ್ಕಿಬಿದ್ದಿದ್ದಾಳೆ.

ನಟಿಯ ಹೆಸರು ಪಾರ್ವತಿ ಅಲಿಯಾಸ್ ಶಮನಾಥ್. ಕೊಲ್ಲಂನ ಕಿರಿಂಕರ ನಹೂಂಪಾರದ ಶ್ರೀನಂದನಂ ಎಂಬಲ್ಲಿ ಪಾರ್ವತಿಯನ್ನು ಬಂಧಿಸಲಾಗಿದೆ. ಈಕೆ ತನ್ನ ಸ್ವಂತ ಬಳಕೆಗೆಂದು ಕಟಕಲ್ ಮೂಲದ ನವಾಜ್ ಎಂಬಾತನಿಂದ ಮಾದಕ ದ್ರವ್ಯ ಖರೀದಿಸಿ ಮನೆಗೆ ವಾಪಸ್ಸಾಗಿದ್ದಳು.

ಇದನ್ನೂ ಓದಿ: 4 ಪತ್ನಿ, ಇಬ್ಬರು ಗೆಳತಿಯರು, ವಾರಕ್ಕೆ 28 ಬಾರಿ ಸಂಭೋಗ! ಈತನ ಕೊನೇ ಆಸೆ ಕೇಳಿದ್ರೆ ದಂಗಾಗ್ತೀರಿ| Ryuta Watanabe

ನಟಿ ಡ್ರಗ್ಸ್ ಸೇವಿಸುತ್ತಿರುವ ಬಗ್ಗೆ ಪರವೂರು ಪೊಲೀಸರಿಗೆ ಮಾಹಿತಿ ಸಿಕ್ಕಿತ್ತು. ಇದನ್ನು ಆಧರಿಸಿ ಅ.18 ರಂದು ರಾತ್ರಿ ಎಂಟು ಗಂಟೆಗೆ ನಟಿಯ ಮನೆಯಲ್ಲಿ ಪೊಲೀಸರು ಶೋಧ ನಡೆಸಿದ್ದಾರೆ. ಆಗ ಡ್ರಗ್ಸ್ ಪತ್ತೆಯಾಗಿದೆ. ಸಮೀಪದ ನಿವಾಸಿಗಳ ಸಮ್ಮುಖದಲ್ಲೇ ಪೊಲೀಸರು ತಪಾಸಣೆ ನಡೆಸಿದರು. ಪೊಲೀಸರು ಆಗಮಿಸಿದಾಗ ಪಾರ್ವತಿ, ಆಕೆಯ ಪತಿ ಮತ್ತು ಮಕ್ಕಳು ಮನೆಯಲ್ಲಿದ್ದರು. ಟೇಬಲ್‌ನೊಳಗೆ ಆರು ಲಕೋಟೆಯಲ್ಲಿ 1.94 ಗ್ರಾಂ ಎಂಡಿಎಂಎ ಸಂಗ್ರಹಿಸಿರುವುದು ಪೊಲೀಸರಿಗೆ ಪತ್ತೆಯಾಗಿದೆ.

ನಟಿ ಪಾರ್ವತಿ ಹೇಳಿಕೆಯ ಆಧಾರದ ಮೇಲೆ ಪೊಲೀಸರು ಆಕೆಗೆ ಡ್ರಗ್ಸ್ ನೀಡಿದ ನವಾಜ್ ವಿರುದ್ಧವೂ ಪ್ರಕರಣ ದಾಖಲಿಸಿಕೊಂಡಿದ್ದಾರೆ. ತಾನು ಸುಮಾರು ಮೂರು ತಿಂಗಳಿನಿಂದ ಡ್ರಗ್ಸ್ ಸೇವನೆ ಮಾಡುತ್ತಿದ್ದೆ ಎಂದು ಪೊಲೀಸರ ವಿಚಾರಣೆ ವೇಳೆ ಪಾರ್ವತಿ ತಪ್ಪೊಪ್ಪಿಕೊಂಡಿದ್ದಾಳೆ. (ಏಜೆನ್ಸೀಸ್​)

https://www.vijayavani.net/arra-for-distribution-of-rations-in-the-state-people-are-punished-for-waiting

https://www.vijayavani.net/love-marriage-a-young-man-who-convinced-the-elders-and-married-a-transgender