ಚಂದ್ರಯಾನದ ಗುಂಗಲ್ಲಿ ಬೆಂಗಳೂರು ಪೊಲೀಸರು; ವಿಶೇಷ ರೀತಿಯ ಜಾಗೃತಿ, ಅದಲ್ಲ.. ಇದು..!

ಬೆಂಗಳೂರು: ಭಾರತದ ಮಹತ್ವಾಕಾಂಕ್ಷೆಯ ಚಂದ್ರಯಾನ-3 ಇಂದು ಯಶಸ್ವಿ ಉಡಾವಣೆಗೆ ಸಾಕ್ಷಿಯಾಗಿದೆ. ಬಾಹ್ಯಾಕಾಶ ನೌಕೆಯನ್ನು ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ (ಇಸ್ರೋ) ಇಂದು ಯಶಸ್ವಿಯಾಗಿ ಉಡಾವಣೆ ಮಾಡಿದೆ.

ಚಂದ್ರಯಾನ-3 ಉಡಾವಣೆಯಾಗಿ ಯಶಸ್ವಿಯಾಗಿ ಕಕ್ಷೆಗೆ ಸೇರಿದ ಹಿನ್ನೆಲೆಯಲ್ಲಿ ದೇಶಾದ್ಯಂತ ಜನರಿಂದ ಮೆಚ್ಚುಗೆ ವ್ಯಕ್ತವಾಗುತ್ತಿದ್ದು, ಟ್ವಿಟರ್​ನಲ್ಲಿ ಕೂಡ ಅದು ಟಾಪ್ ಟ್ರೆಂಡಿಂಗ್​ನಲ್ಲಿದೆ. ಉಡಾವಣೆಯಾಗಿ ಗಂಟೆಗಳು ಕಳೆದರೂ ಜನರು ಇನ್ನೂ ಅದರ ಬಗ್ಗೆ ಮಾತನಾಡುತ್ತಿದ್ದು, ಬೆಂಗಳೂರು ಪೊಲೀಸರು ಕೂಡ ಅದೇ ಗುಂಗಿನಲ್ಲಿದ್ದಾರೆ. ಮಾತ್ರವಲ್ಲ, ಆ ಮೂಲಕವೇ ವಿಶೇಷವಾದ ಜಾಗೃತಿ ನಡೆಸಿದ್ದಾರೆ.

ಇದನ್ನೂ ಓದಿ: ರಾತ್ರಿ ಲೈಟ್ ಆನ್​ ಮಾಡಿಟ್ಟು ಮಲಗಿದರೆ ಏನಾಗುತ್ತೆ?; ಆರೋಗ್ಯದ ಮೇಲೆ ಏನು ಪರಿಣಾಮ?

ಜೀವನದಲ್ಲಿ ಗುರಿ ಎತ್ತರಕ್ಕೆ ಇರಲಿ ಎಂದು ಯಾರಾದರೂ ಹೇಳಿದಾಗ ನಿಮ್ಮ ಗುರಿ ಹೀಗಿರಲಿ ಎಂದು ಅವರು ಚಂದ್ರಯಾನದ ಫೋಟೋ ಮೂಲಕ ತೋರಿಸಿದ್ದಾರೆ. “Aim high in life” ಎಂದಾಗ ಡ್ರಗ್ಸ್​ನ high ಆಗಿರದಿರಲಿ ಎಂದು ಅವರು ಚಂದ್ರಯಾನ ಮತ್ತು ಡ್ರಗ್ಸ್ ಕುರಿತ ಎರಡು ಫೋಟೋಗಳನ್ನು ಜೊತೆಗೇ ಇರಿಸಿ ಜಾಗೃತಿ ಮೂಡಿಸಲು ಯತ್ನಿಸಿದ್ದಾರೆ.

https://www.vijayavani.net/dmrc-urges-commuters-to-stop-making-reels-within-metro-trains

https://www.vijayavani.net/jamun-or-java-plum-is-harmful-to-health-when-consumed-in-excess