ಡಕ್​ಔಟ್​ ಆಗಿದ್ದಕ್ಕೆ ಹಿಗ್ಗಾಮುಗ್ಗಾ ಟ್ರೋಲ್​ ಮಾಡ್ತೀರಾ! ಇವರ ಅಸಲಿ ಬ್ಯಾಟಿಂಗ್ ನೋಡಿದ್ರೆ ಕಳೆದೋಗ್ತಿರಾ

ಲಂಡನ್​​​: ಮೇ.30ರಂದು ಕೆನ್ನಿಂಗ್ಟನ್ ಓವಲ್‌ನಲ್ಲಿ ನಡೆದ ಇಂಗ್ಲೆಂಡ್ ಮತ್ತು ಪಾಕಿಸ್ತಾನ ವಿರುದ್ಧದ 4ನೇ T20I ಪಂದ್ಯದಲ್ಲಿ ಪಾಕ್ ಪರ ವಿಕೆಟ್ ಕೀಪರ್ ಆಗಿ ಮೈದಾನಕ್ಕಿಳಿದಿದ್ದ ಆಜಂ ಖಾನ್, ವಿಲ್​​ ಜ್ಯಾಕ್ಸ್​ ಕೊಟ್ಟ ಕೀಪರ್ ಕ್ಯಾಚ್ ಹಿಡಿಯುವಲ್ಲಿ ಮುಗ್ಗರಿಸಿದ್ದರು. ಈ ದೃಶ್ಯ ನೋಡಿದ ಕ್ರಿಕೆಟ್ ಅಭಿಮಾನಿಗಳನ್ನು ಆಜಂ ವಿರುದ್ಧ ವ್ಯಾಪಕ ಟೀಕೆ ವ್ಯಕ್ತಪಡಿಸಿದ್ದಲ್ಲದೇ, ಹಿಗ್ಗಾಮುಗ್ಗಾ ಟ್ರೋಲ್ ಮಾಡಿದ್ದರು.

ಇದನ್ನೂ ಓದಿ: ವ್ಯಸನಕ್ಕೆ ಬಲಿಯಾಗದೇ ಉತ್ತಮ ಜೀವನ ರೂಪಿಸಿಕೊಳ್ಳಿ

ಹ್ಯಾರಿಸ್ ರೌಫ್‌ ಅವರ ಬೌಲಿಂಗ್​ನಲ್ಲಿ ಸಿಕ್ಸರ್​ ಹೊಡೆಯಲು ಕಾಯುತ್ತಿದ್ದ ವಿಲ್​ ಜ್ಯಾಕ್ಸ್ ವಿಕೆಟ್​ಗಾಗಿ ಕೀಪಿಂಗ್​ನಲ್ಲಿದ್ದ ಆಜಂ, ಕಡೆಗೂ ಸಿಕ್ಕ ಕ್ಯಾಚ್ ಅನ್ನು ಹಿಡಿಯುವಲ್ಲಿ ಎಡವಿದರು. ಬಾಲ್​ ವಿಲ್​ ಬ್ಯಾಟ್​ಗೆ ಟಚ್ ಆಗಿ ಕೀಪರ್​ ಕಡೆಗೆ ಹೋಗುತ್ತಿದ್ದಂತೆ 'ಕ್ಯಾಚ್​ ಇಟ್'​ ಎಂದು ಚೀರಿದ ರೌಫ್​ಗೆ ಮೂಡಿದ್ದು ನಿರಾಸೆ ಬಿಟ್ಟರೆ ಬೇರೇನೂ ಅಲ್ಲ. ಕಾರಣ, ಸಿಂಪಲ್ ಕ್ಯಾಚ್​ ಹಿಡಿಯುವಲ್ಲಿ ಆಜಂ ಖಾನ್​ ವಿಫಲರಾಗಿದ್ದನ್ನು ಕಂಡು ರೌಫ್ ಮತ್ತು ತಂಡದ ಸಹ ಆಟಗಾರರು ಭಾರೀ ಅಸಮಾಧಾನ ಹೊರಹಾಕಿದ್ದರು.

ಇನ್ನು ವಿಲ್ ಜಾಕ್ಸ್‌ ಅವರ ನೇರ ಕ್ಯಾಚ್ ಕೈಬಿಟ್ಟ ಆಜಂ ಖಾನ್​ರನ್ನು ಟೀಕಿಸಿದ್ದ ಕ್ರಿಕೆಟ್ ಅಭಿಮಾನಿಗಳು, ಇದು ಅಂತಾರಾಷ್ಟ್ರೀಯ ಕ್ರಿಕೆಟ್​ಗೆ ಅವಮಾನ. ಪಾಕ್ ತಂಡಕ್ಕೆ ಭಾರೀ ಮುಖಭಂಗ ಉಂಟುಮಾಡಿದ ನೀನು, ಮೊದಲು ದಡೂತಿ ದೇಹವನ್ನು ಇಳಿಸುವತ್ತ ಹೆಚ್ಚು ಶ್ರಮಿಸು. ಯಾವುದೇ ಕ್ರೀಡೆಗಾದರೂ ಮೊದಲು ಫಿಟ್ನೆಸ್​ ಮುಖ್ಯ. ಅದರಲ್ಲೂ ಕ್ರಿಕೆಟ್​ನಂತಹ ಆಟಕ್ಕೆ ಅತೀ ಮುಖ್ಯ ಎಂದು ವ್ಯಾಪಕ ಟೀಕೆ ಹೊರಹಾಕಿದ್ದರು. ಅಂದು ಆಜಂ ಕ್ಯಾಚ್​ ಮತ್ತು ಡಕ್​ಔಟ್​ಗೆ ಅಷ್ಟೊಂದು ಟೀಕಾ ಪ್ರಹಾರ ಮಾಡಿದವರು ಇದೀಗ ಈ ವೈರಲ್ ವಿಡಿಯೋ ನೋಡಿದ್ರೆ, ಬಾಯಿ ಮುಚ್ಚಿಕೊಳ್ಳುವುದು ಖಂಡಿತ ಎಂದೇ ಹೇಳಬಹುದು.

ಇದನ್ನೂ ಓದಿ: ರಾಷ್ಟ್ರ ನಿರ್ಮಾಣ ಅನುಭವ ನೀಡಲು ಎನ್‌ಎಸ್‌ಎಸ್ ಸಹಕಾರಿ; ಎಚ್. ಶಿವಾನಂದ

ಕ್ರಿಕೆಟ್ ಲೀಗ್​ಗಳಲ್ಲಿ ತಮ್ಮ ತಂಡದ ಪರ ಅಬ್ಬರದ ಬ್ಯಾಟಿಂಗ್ ಮಾಡಿರುವ ಆಜಂ ಖಾನ್​ರ ವಿಡಿಯೋ ತುಣುಕುಗಳು ಇದೀಗ ಸೋಷಿಯಲ್ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗಿವೆ. ಅದರಲ್ಲೂ ಕೆಲವರು ಒಂದು ಬಾಲ್​ಗೆ ಡಕ್​ಔಟ್​ ಆಗಿದ್ದಕ್ಕೆ ಟೀಕೆಗಳ ಸುರಿಮಳೆಯನ್ನೇ ಹರಿಸಿದ್ದವರು ಎಲ್ಲಿ ಹೋದ್ರಪ್ಪಾ? ಈ ವಿಡಿಯೋ ಒಮ್ಮೆ ನೋಡಿ, ಆಮೇಲೆ ನೀವೇ ಅಂದು ಆಡಿದ ಮಾತನ್ನು ಹಿಂಪಡೆಯುತ್ತೀರಾ ಎಂದು ಟೀಕಾಕಾರರಿಗೆ ಮುಖಕ್ಕೆ ಹೊಡದಂತೆ ಹೇಳಿದ್ದಾರೆ.