ಮುಂಬೈ: ಮಧ್ಯರಾತ್ರಿ ಸುಂದರ ಯುವತಿಯರ ಕಿತಾಪತಿಯಿಂದ ನೆರೆಮನೆವಾಸಿಗಳ ನಿದ್ರೆಗೆ ಭಂಗ ಉಂಟಾಗುತ್ತಿರುವ ವಿಚಿತ್ರ ಘಟನೆ ಮುಂಬೈನಲ್ಲಿ ಬೆಳಕಿಗೆ ಬಂದಿದೆ. ತಡರಾತ್ರಿ ಯುವತಿಯರು ನೆರೆಮನೆಯ ಡೋರ್ಬೆಲ್ ರಿಂಗ್ ಮಾಡಿ ತೊಂದರೆ ಕೊಡುತ್ತಿದ್ದು, ಇದಕ್ಕೆ ಸಂಬಂಧಿಸಿದ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದ್ದು ಯುವತಿಯರ ಕೃತ್ಯಕ್ಕೆ ಭಾರಿ ಟೀಕೆಗಳು ವ್ಯಕ್ತವಾಗಿವೆ.
ಶ್ರೇಷ್ಠ್ ಪೊದ್ದಾರ್ ಎಂಬುವರು ಸಿಸಿಟಿವಿ ಫೂಟೇಜ್ ಅನ್ನು ತಮ್ಮ ಎಕ್ಸ್ನಲ್ಲಿ ಪೋಸ್ಟ್ ಮಾಡಿದ್ದಾರೆ. ಈ ಘಟನೆ 2.30 ಕ್ಕೆ ಸಂಭವಿಸಿರುವುದಾಗಿ ತಿಳಿಸಿದ್ದಾರೆ. ಹೆಚ್ಚಾಗಿ 55 ವರ್ಷಕ್ಕಿಂತ ಮೇಲ್ಪಟ್ಟ ಹಾಗೂ ಹಿರಿಯ ನಿವಾಸಿಗಳು ವಾಸವಿರುವ ಕಟ್ಟಡದಲ್ಲಿ ಇಬ್ಬರು ವಿದ್ಯಾವಂತ ಹುಡುಗಿಯರು ಪ್ರವೇಶಿಸಿ, ಮನೆ ಬಾಗಿಲುಗಳನ್ನು ಲಾಕ್ ಮಾಡಲು ಮತ್ತು ಡೋರ್ಬಿಲ್ ಬಾರಿಸಲು ಪ್ರಯತ್ನಿಸುತ್ತಿರುವುದು ವಿಡಿಯೋದಲ್ಲಿ ಸೆರೆಯಾಗಿದೆ. ಸಿಸಿಟಿವಿ ಇರುವುದು ಗೊತ್ತಿದ್ದರೂ ಈ ಕೃತ್ಯ ಎಸಗಿದ್ದಾರೆ.
ಸಮೀಪದ ಫ್ಲ್ಯಾಟ್ಗಳಲ್ಲಿ ಇತ್ತೀಚೆಗೆ ದರೋಡೆ ಯತ್ನಗಳು ಮತ್ತು ಕೊಲೆಗಳಂತಹ ಪ್ರಕರಣಗಳಿಂದ ಸ್ಥಳೀಯ ನಿವಾಸಿಗಳು ಭಯದಲ್ಲಿರುವಾಗಲೇ ಇಂತಹ ಕುಚೇಷ್ಠೆ ಮತ್ತಷ್ಟು ಭೀತಿ ಉಂಟುಮಾಡಿದೆ. ಇದಕ್ಕೆ ಸಂಬಂಧಿಸಿದ ವಿಡಿಯೋ ವೈರಲ್ ಆಗುತ್ತಿದ್ದಂತೆ ಸಾಮಾಜಿಕ ಜಾಲತಾಣದಲ್ಲಿ ನೆಟ್ಟಿಗರು ಆತಂಕವನ್ನು ವ್ಯಕ್ತಪಡಿಸಿದ್ದಾರೆ. ಹೊರಗಡೆಯಿಂದ ಬಾಗಿಲುಗಳನ್ನು ಬಂದ್ ಮಾಡುವುದು ಸ್ವೀಕಾರಾರ್ಹವಲ್ಲ, ವಿಶೇಷವಾಗಿ ಬೆಂಕಿಯ ಅವಘಡದಂತಹ ತುರ್ತು ಸಂದರ್ಭಗಳಲ್ಲಿ ಸಂಭವನೀಯ ಅಪಾಯಗಳನ್ನು ಪರಿಗಣಿಸಿ, ಯುವತಿಯರ ವಿರುದ್ಧ ಕಠಿಣ ಕಾನೂನು ಕ್ರಮ ಅಗತ್ಯವಿದೆ ಎಂದು ನೆಟ್ಟಿಗರು ಅಭಿಪ್ರಾಯ ಹಂಚಿಕೊಂಡಿದ್ದಾರೆ.
ಈ ಘಟನೆಯ ಸಂದರ್ಭದಲ್ಲಿ ಯುವತಿಯರು ಮದ್ಯದ ಅಮಲಿನಲ್ಲಿದ್ದಿರಬಹುದು ಎಂಬ ಸಂಶಯವೂ ಇದೆ. ವಿಡಿಯೋ ನೋಡಿದರೆ ಆ ಸುಳಿವು ಸಿಗುತ್ತಿದೆ. ಆ ಇಬ್ಬರು ಯುವತಿಯರು ಯಾರೆಂಬುದನ್ನು ಸ್ಥಳೀಯರು ಪತ್ತೆಹಚ್ಚಿದ್ದು, ತಮಾಷೆಗಾಗಿ ಮಾಡಿದ್ದಕ್ಕೆ ಯಾವುದೇ ದೂರು ದಾಖಲಿಸಲು ಹೋಗಿಲ್ಲ. ಆದರೆ, ಇಬ್ಬರಿಗೂ ಬುದ್ಧಿವಾದ ಹೇಳಿ ಕಳುಹಿಸಲಾಗಿದೆ. (ಏಜೆನ್ಸೀಸ್)
ನೀರೆಂದು ಭಾವಿಸಿ ಆ್ಯಸಿಡ್ ಕುಡಿದ್ರಾ? ಹೇಗಿದ್ದಾರೆ ಮಯಾಂಕ್? ಒಂದೇ ಒಂದು ಮಾತು ಬಾಯಿಂದ ಹೊರ ಬಂದಿಲ್ಲ
ಬೇವನ್ನು ಪ್ರತಿ ದಿನ ಈ ರೀತಿ ಸೇವನೆ ಮಾಡುವುದರಿಂದ ಯಾವುದೇ ರೋಗ ನಿಮ್ಮ ಬಳಿ ಸುಳಿಯುವುದೇ ಇಲ್ಲ…