ಈದ್ ಹಬ್ಬದ ಹಿನ್ನೆಲೆಯಲ್ಲಿ ಮಾರ್ಚ್​ 28 ಮತ್ತು 31 ರಂದು ಬ್ಯಾಂಕ್​ಗಳಿಗೆ ರಜೆನಾ? ಇಲ್ಲಿದೆ ಅಗತ್ಯ ಮಾಹಿತಿ... Bank holiday

Bank holiday : ಮುಸ್ಲಿಮರ ಪವಿತ್ರ ಮಾಸ ರಂಜಾನ್ ಮುಗಿಯುವ ಹಂತಕ್ಕೆ ಬಂದಿದೆ.​ ಇಸ್ಲಾಂ ಸಂಪ್ರದಾಯದಲ್ಲಿ ಶಕ್ತಿಯ ರಾತ್ರಿ ಅಥವಾ ಪವಿತ್ರ ಕುರಾನ್ ಅನ್ನು ಮೊದಲು ಸ್ವರ್ಗದಿಂದ ಭೂಮಿಗೆ ಕಳುಹಿಸಿದ ರಾತ್ರಿ ಎಂದೂ ಕರೆಯಲ್ಪಡುವ ಶಬ್-ಎ-ಖಾದರ್ ಅನ್ನು ಮಾರ್ಚ್ 27 ರಂದು ಆಚರಿಸಲಾಗುತ್ತದೆ.

ಅದೇ ಸಂದರ್ಭದಲ್ಲಿ ರಂಜಾನ್ ತಿಂಗಳ ಕೊನೆಯ ಶುಕ್ರವಾರವಾದ ಜುಮಾತ್-ಉಲ್-ವಿದಾವನ್ನು ಮಾರ್ಚ್ 28 ರಂದು ಮತ್ತು ರಂಜಾನ್ ತಿಂಗಳ ಅಂತ್ಯವನ್ನು ಸೂಚಿಸುವ ಈದ್-ಉಲ್-ಫಿತರ್ ಅನ್ನು ಮಾರ್ಚ್ 31 ರಂದು ಆಚರಿಸಲಾಗುತ್ತದೆ. ಇದರ ಪರಿಣಾಮವಾಗಿ ಜಮ್ಮು ಮತ್ತು ಕಾಶ್ಮೀರದಾದ್ಯಂತ ಬ್ಯಾಂಕುಗಳು ಮಾರ್ಚ್ 27 ಮತ್ತು 28 ರಂದು ರಜೆ ಇರಲಿವೆ. ಆದರೆ, ಉಳಿದ ಎಲ್ಲ ಕಡೆ ಬ್ಯಾಂಕುಗಳು ಎಂದಿನಂತೆ ಕಾರ್ಯ ನಿರ್ವಹಿಸುತ್ತವೆ.

ಮಾರ್ಚ್​ 29 ಐದನೇ ಶನಿವಾರ ಆಗಿರುವುದರಿಂದ ಎಂದಿನಂತೆ ಬ್ಯಾಂಕ್​ ಸೇವೆ ಇರಲಿದೆ. ಮಾರ್ಚ್​ 30 ಭಾನುವಾರ ಆಗಿರುವುದರಿಂದ ಆ ದಿನ ಎಂದಿನಂತೆ ರಜೆ ಇರಲಿದೆ. ಇನ್ನು ರಂಜಾನ್​ ಹಿನ್ನೆಲೆಯಲ್ಲಿ ಭಾರತೀಯ ರಿಸರ್ವ್ ಬ್ಯಾಂಕ್, ಆರಂಭದಲ್ಲಿ ಮಾರ್ಚ್ 31ರಂದು ಬ್ಯಾಂಕ್ ರಜೆಯನ್ನು ಘೋಷಿಸಿತ್ತು. ಆದರೆ, ಆ ದಿನ 2024-25 ರ ಹಣಕಾಸು ವರ್ಷದ ಕೊನೆಯ ದಿನವಾಗಿರುವುದರಿಂದ ಮತ್ತು ವರ್ಷಕ್ಕೆ ಹಣಕಾಸು ಬದಲಾವಣೆ ಮಾಡಲು ಗಡುವನ್ನು ಸೂಚಿಸುವುದರಿಂದ ಆ ದಿನದ ರಜೆಯನ್ನು ರದ್ದುಗೊಳಿಸಿದೆ.

ಇದನ್ನೂ ಓದಿ: ಕಸ್ಟಮ್ಸ್​ ಅಧಿಕಾರಿಗಳ ಕಣ್ತಪ್ಪಿಸಿ ವಿದೇಶದಿಂದ ಆ ವಸ್ತು ತಂದಿದ್ದಾರಂತೆ ನಟಿ ರಂಭಾ! Rambha

ಮಾರ್ಚ್​ 31 ರಜೆ ರದ್ದಾಗಿರುವುದರಿಂದ ಮಾರ್ಚ್​ 31ರಂದು ಬ್ಯಾಂಕುಗಳು ಎಂದಿನಂತೆ ಕಾರ್ಯ ನಿರ್ವಹಿಸಲಿವೆ. ಹಣಕಾಸಿನ ವ್ಯತ್ಯಾಸಗಳನ್ನು ತಪ್ಪಿಸಲು ಮತ್ತು ನಿಖರವಾದ ಹಣಕಾಸು ವರದಿಯನ್ನು ಖಚಿತಪಡಿಸಿಕೊಳ್ಳಲು ಬ್ಯಾಂಕುಗಳು ಸೋಮವಾರ (ಮಾರ್ಚ್ 31) ರಂದು ಕಾರ್ಯನಿರ್ವಹಿಸುತ್ತವೆ. ಆದರೆ, ಸಾರ್ವಜನಿಕ ಸೇವೆ ಅನುಮಾನವಾಗಿದೆ.

ಇನ್ನು ಏಪ್ರಿಲ್ 1 ಹಣಕಾಸು ವರ್ಷ ಬದಲಾಗಲಿದ್ದು, ಆ ದಿನ ವಾರ್ಷಿಕ ಖಾತೆಗಳ ಸಮನ್ವಯಕ್ಕಾಗಿ ಸಾರ್ವಜನಿಕರಿಗೆ ಬ್ಯಾಂಕಿಂಗ್ ಸೇವೆಗಳು ಲಭ್ಯವಿರುವುದಿಲ್ಲ. ಬ್ಯಾಂಕ್ ರಜಾದಿನಗಳ ಕುರಿತು ಯಾವುದೇ ಗೊಂದಲಗಳಿದ್ದಲ್ಲಿ ನಿಮ್ಮ ಹತ್ತಿರದ ಬ್ಯಾಂಕ್ ಶಾಖೆಯನ್ನು ಸಂಪರ್ಕಿಸುವುದು ಉತ್ತಮ.

ಬ್ಯಾಂಕ್​ಗಳು ರಜೆಯಲ್ಲಿದ್ದರೂ ಆನ್​ಲೈನ್​/ ಬ್ಯಾಂಕಿಂಗ್​ ಸೇವೆ ಮಾತ್ರ ಸದಾ ಆ್ಯಕ್ಟೀವ್​ ಆಗಿರುತ್ತದೆ. ಎಲ್ಲ ಬ್ಯಾಂಕ್ ವೆಬ್‌ಸೈಟ್‌ಗಳು, ಬ್ಯಾಂಕಿಂಗ್ ಅಪ್ಲಿಕೇಶನ್‌ಗಳು, UPI ಮತ್ತು ATM ಸೇವೆಗಳು ವರ್ಷವಿಡೀ ಸಕ್ರಿಯವಾಗಿರುತ್ತವೆ. ಅಂತಹ ದಿನಗಳಲ್ಲಿ ನೀವು ಡಿಜಿಟಲ್ ರೂಪದಲ್ಲಿ ಬ್ಯಾಂಕಿಂಗ್​ ಸೇವೆ ಪಡೆದುಕೊಳ್ಳಬಹುದು. (ಏಜೆನ್ಸೀಸ್​)

https://www.vijayavani.net/conjunction-in-purva-bhadrapada-nakshatra-3-zodiac-signs-who-will-live-a-royal-life-in-april

https://www.vijayavani.net/shardul-thakur-the-player-who-was-not-sold-in-the-auction-then-a-zero-now-lsg-hero