ತೆಲುಗು, ತಮಿಳಿನಲ್ಲಿ ನಮ್ಮ 'ಬಡವ ರಾಸ್ಕಲ್'ಗೆ ಡಿಮ್ಯಾಂಡ್ ಅಪ್ಪೋ ಡಿಮ್ಯಾಂಡ್!

ಪುಷ್ಪ ಸಿನಿಮಾ ಸೂಪರ್ ಡೂಪರ್ ಹಿಟ್ ಆಗಿದ್ದು, ನಟ ಅಲ್ಲು ಅರ್ಜುನ್ ಮತ್ತು ನಟಿ ರಶ್ಮಿಕಾ ಮಂದಣ್ಣ ಅಭಿನಯದ ಈ ಚಿತ್ರ ದಾಖಲೆಗಳನ್ನು ಬರೆಯುತ್ತಿದೆ. ಬಾಕ್ಸಾಫಿಸ್‌ನಲ್ಲಿ ಮಾತ್ರವಲ್ಲದೇ ಇದೀಗ ಒಟಿಟಿಯಲ್ಲೂ ಸಿನಿಮಾ ಸಖತ್​ಸೌಂಡ್ ಮಾಡುತ್ತಿದೆ. ಪುಷ್ಪ ಸಿನಿಮಾವನ್ನು ಮೆಚ್ಚಿಕೊಂಡ ಅದೆಷ್ಟೋ ಅಭಿಮಾನಿಗಳು ಇದೀಗ 'ಪುಷ್ಪ ಪಾರ್ಟ್-2' ಗಾಗಿ ಕಾಯುತ್ತಿದ್ದಾರೆ. 'ಪುಷ್-2' ಸಿನಿಮಾ ಹೇಗೆ ಇರಲಿದೆ, ಯಾವ ರೀತಿ ಮೂಡಿ ಬರಲಿದೆ ಎಂಬ ಬಗ್ಗೆ ಕುತೂಹಲ ಹೆಚ್ಚಾಗುತ್ತಿದೆ. 'ಪುಷ್-2' ಸಿನಿಮಾ ರಿಲೀಸ್ ಆಗುವುದಕ್ಕೂ ಮುಂಚಿತವಾಗಿಯೇ ಬೇಡಿಕೆ ಹೆಚ್ಚಾಗಿದೆ.

ಈ ಸಿನಿಮಾದಿಂದ ಬಾಲಿವುಡ್‌ ನಿರ್ಮಾಪಕರು ಅಲ್ಲು ಅರ್ಜುನ್‌ ಕಾಲ್‌ಶೀಟ್‌ಗಾಗಿ ಕಾಯುತ್ತಿದ್ದಾರೆ. ಇನ್ನು, ನಟಿ ಸಮಂತಾ ಪುಷ್ಪ ಚಿತ್ರದಲ್ಲಿ ಮೊದಲ ಐಟಂ ಸಾಂಗ್ ಮಾಡಿ ಎಲ್ಲರ ಮನಸ್ಸು ಕದ್ದಿದ್ದರು. ಹೀಗಾಗಿ ಸಮಂತಾಗೆ ಕೂಡ ಬೇಡಿಕೆ ಹೆಚ್ಚಿದ್ದು, ಅವಕಾಶಗಳು ಹರಿದು ಬರುತ್ತಿವೆ. ರಶ್ಮಿಕಾ ಅವರಿಗೆ ಅಂತೂ ಈ ಒಂದು ಸಿನಿಮಾದ ಮೂಲಕ ತಮ್ಮ ಸಂಭಾವನೆಯನ್ನು 50% ಹೆಚ್ಚಿಸಿಕೊಂಡಿದ್ದಾರೆ. ಇವರ ಬೆನ್ನಲ್ಲೆ, 'ಪುಷ್ಪ' ಚಿತ್ರದಲ್ಲಿ ನಟಿಸಿ ಕಮಾಲ್ ಮಾಡಿರುವ ನಮ್ಮ ಕನ್ನಡದ ನಟ ಡಾಲಿ ಧನಂಜಯ್​ ಅವರಿಗೂ ಸದ್ಯ ಟಾಲಿವುಡ್​ನಲ್ಲಿ ಬೇಡಿಕೆ ಸಖತ್ ಹೆಚ್ಚಾಗಿದೆ.

ಪುಷ್ಪ ಚಿತ್ರದ ಬಳಿಕ ಅವರ ಬೆಲೆ ಹೆಚ್ಚಿಸಿಕೊಂಡಿರುವ ಧನಂಜಯ್‌, ತಾವು ನಟಿಸಿರುವ ಬೇರೆ ಎಲ್ಲಾ ಸಿನಿಮಾಗಳಿಗೂ ಬೇಡಿಕೆ ಹೆಚ್ಚಿಸಿಕೊಂಡಿದ್ದಾರೆ. 'ಪುಷ್ಪ' ಚಿತ್ರದಲ್ಲಿ ಜಾಲಿ ರೆಡ್ಡಿಯಾಗಿ ಡಾಲಿ ಸಿಕ್ಕಾಪಟ್ಟೆ ಮಿಂಚಿದ್ದಾರೆ. ಇದರಿಂದ, ಇತ್ತೀಚೆಗೆ ಬಿಡುಗಡೆಯಾದ ಡಾಲಿ ಅವರ ಮೊದಲ ನಿರ್ಮಾಣದ 'ಬಡವ ರಾಸ್ಕಲ್' ಚಿತ್ರ ರಿಲೀಸ್ ಆಗಿದ್ದು, ಅದು ಬಾಕ್ಸ್ ಆಫೀಸ್‌ನಲ್ಲಿ ಧೂಳೆಬ್ಬಿಸಿತ್ತು. 'ಪುಷ್ಪ' ಸಿನಿಮಾದ ಮೂಲಕ ಟಾಲಿವುಡ್‌ನಲ್ಲಿ ಅವರ ಮಾರ್ಕೆಟ್ ಹೆಚ್ಚಿಸಿಕೊಂಡಿರುವ ಡಾಲಿಯ ಈ 'ಬಡವ ರಾಸ್ಕಲ್' ಸಿನಿಮಾಗೆ ಈಗ ತೆಲುಗಿನಲ್ಲಿ ಕೂಡ ಬೇಡಿಕೆ ಹೆಚ್ಚಾಗಿದೆ.

ಹೌದು, ಭಾರಿ ಮೊತ್ತಕ್ಕೆ 'ಬಡವ ರಾಸ್ಕಲ್' ಚಿತ್ರದ ಡಬ್ಬಿಂಗ್ ರೈಟ್ಸ್ ಸೇಲ್ ಆಗಿದ್ದು, ಈಗಾಗಲೇ ತೆಲುಗಿನಲ್ಲಿ ಸಿನಿಮಾದ ಡಬ್ಬಿಂಗ್ ಕೂಡ ಆರಂಭವಾಗಿದೆ ಎಂಬ ಮಾಹಿತಿ ಇದೆ. ಹಾಗಾಗಿ, ಆದಷ್ಟು ಬೇಗ 'ಬಡವ ರಾಸ್ಕಲ್' ಚಿತ್ರದ ತೆಲುಗು ಡಬ್ಬಿಂಗ್ ವರ್ಷನ್ ತೆರೆಗಪ್ಪಳಿಸಲಿದೆ. ಜತೆಗೆ, 'ಬಡವ ರಾಸ್ಕಲ್' ತಮಿಳು ಒಟಿಟಿಗೂ ಸೇಲ್ ಆಗಿದ್ದು ಶೀಘ್ರದಲ್ಲೇ ಆನ್‌ಲೈನ್‌ನಲ್ಲಿ ತಮಿಳು ವರ್ಸನ್​ನ ಚಿತ್ರ ಕೂಡ ಬಿಡುಗಡೆಯಾಗುತ್ತೆ. ಹೀಗೆ, ಒಂದರ ನಂತರ ಮತ್ತೊಂದು ಎಂಬಂತೆ ಡಾಲಿ ಸಖತ್ ಯಶಸ್ಸು ಕಾಣುತ್ತಿದ್ದು, ಅವರ ಶ್ರಮಕ್ಕೆ ಈಗ ಫಲ ಸಿಗುತ್ತಿದೆ ಅನಿಸುತ್ತೆ.

https://www.vijayavani.net/hardik-pandya-dances-with-his-grand-mother-for-srivalli-song-from-pushpa-movie-of-allu-arjun-and-video-goes-viral/

https://www.vijayavani.net/ashwini-puneeth-rajkumar-meets-guru-prakash-gowda-a-mountaineer-who-cycled-from-himachal-pradesh-to-appu-samadhi-in-karnatakas-bengaluru/