ತನ್ನ ಬಾಡಿಗಾರ್ಡ್​ನಿಂದಲೇ ಅನುಭವಿಸಿದ ಕಹಿ ಘಟನೆಯನ್ನು ನೆನೆದ ನಟಿ ಅವಿಕಾ ಗೋರ್!​

ಮುಂಬೈ: ಕನ್ನಡದಲ್ಲಿ ಮಾಸ್ಟರ್​ ಕಿಶನ್​ ನಿರ್ದೇಶಿಸಿದ್ದ ‘ಕೇರ್​ ಆಫ್​ ಫುಟ್​ಪಾತ್​ 2’ ಚಿತ್ರದಲ್ಲಿ ನಾಯಕಿಯಾಗಿ ನಟಿಸಿದ್ದ ಅವಿಕಾ ಗೋರ್​, ಸದ್ಯ ತೆಲುಗಿನಲ್ಲಿ ತುಂಬಾ ಬಿಜಿಯಾಗಿದ್ದಾರೆ. ಫೋಟಾ ಮಾವ, ಎಕ್ಕಡಿಕಿ ಪೋತಾವು ಚಿನ್ನವಾಡ, ರಾಜು ಗಾರಿ ಗಾದಿ 3 ಚಿತ್ರಗಳಲ್ಲಿ ನಟಿಸಿದರೂ ಅವಿಕಾಗೆ ಅಷ್ಟೊಂದು ದೊಡ್ಡ ಹೆಸರು ಸಿಗಲಿಲ್ಲ. ಸಿನಿಮಾಗಳಲ್ಲಿ ವಿರಳವಾಗಿ ಕಾಣಿಸಿಕೊಂಡರೂ, ಸೋಶಿಯಲ್​ ಮೀಡಿಯಾದಲ್ಲಿ ಸಕ್ರಿಯವಾಗಿರುವ ಅವಿಕಾ, ನಿಯಮಿತವಾಗಿ ತಮ್ಮ ಫೋಟೋಶೂಟ್‌ ಮತ್ತು ಅವರ ಬಗ್ಗೆ ಆಸಕ್ತಿದಾಯಕ ವಿಷಯಗಳನ್ನು ಅಭಿಮಾನಿಗಳ ಜತೆ ಹಂಚಿಕೊಳ್ಳುತ್ತಾರೆ.

ಇತ್ತೀಚಿನ ಸಂದರ್ಶನವೊಂದರಲ್ಲಿ, ತನ್ನ ಬಾಡಿಗಾರ್ಡ್​ನಿಂದಲೇ ಅನುಭವಿಸಿದ ಕಹಿ ಘಟನೆಯನ್ನು ಅವಿಕಾ ಬಿಚ್ಚಿಟ್ಟಿದ್ದಾರೆ. ವೇದಿಕೆಯ ಮೇಲೆ ನಡೆದುಕೊಂಡು ಹೋಗುತ್ತಿದ್ದಾಗ ಹಿಂಬದಿಯಿಂದ ಯಾರೋ ನನ್ನನ್ನು ಸ್ಪರ್ಶಿಸಿದ ಅನುಭವವಾಯಿತು. ಹಿಂದೆ ತಿರುಗಿದಾಗ ತನ್ನ ಅಲ್ಲಿ ಬಾಡಿಗಾರ್ಡ್​ ಬಿಟ್ಟು, ಸುತ್ತಾಮುತ್ತ ಬೇರೆ ಯಾರೂ ಇರಲಿಲ್ಲ ಎಂದು ಹೇಳಿದರು.

ಎರಡನೇ ಬಾರಿ ಸ್ಪರ್ಶಿಸಲು ಯತ್ನಿಸಿದಾಗ ನಾನು ಬಾಡಿಗಾರ್ಡ್​ ಕೈ ಹಿಡಿದುಕೊಂಡು ಅವನತ್ತ ನೋಡಿದೆ. ಆತ ತನ್ನ ಕಿವಿಗಳನ್ನು ಹಿಡಿದುಕೊಂಡು ಕ್ಷಮೆಯಾಚಿಸಿದನು. ಬಳಿಕ ನಾನು ಏನು ಮಾಡಬಹುದು? ಆತನನ್ನು ಸುಮ್ಮನೇ ಬಿಟ್ಟು ಕಳುಹಿಸಿದೆ. ಬಾಡಿಗಾರ್ಡ್​ ಇದ್ದರೆ ರಕ್ಷಣೆ ಇದೆ ಎಂದು ಭಾವಿಸುತ್ತೇವೆ. ಆದರೆ, ಬಾಡಿಗಾರ್ಡ್​ಗಳೇ ಈ ರೀತಿ ಮಾಡಿದರೆ ಹೇಗೆ? ನಿಜಕ್ಕೂ ಇದು ನಾಚಿಕೆಗೇಡಿನ ಸಂಗತಿ ಎಂದು ಅವಿಕಾ ಹೇಳಿದರು.

ಸಿನಿಮಾ ವಿಚಾರಕ್ಕೆ ಬಂದರೆ, ಅವಿಕಾ ಅವರು ಬ್ಲಡಿ ಇಸ್ಕ್​ ಹೆಸರಿನ ಹಿಂದಿ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ತೆಲುಗು ಮತ್ತು ಹಿಂದಿಯಲ್ಲಿ ಸಕ್ರಿಯರಾಗಿದ್ದಾರೆ. ಕನ್ನಡದಲ್ಲಿ ಕೇರ್​ ಆಫ್​ ಫುಟ್​ಪಾತ್​ ಸಿನಿಮಾ ಬಿಟ್ಟರೆ, ಪುನೀತ್​ ರಾಜ್​ಕುಮಾರ್​ ಅಭಿನಯದ ನಟಸಾರ್ವಭೌಮ ಸಿನಿಮಾದಲ್ಲಿ ತಾಜಾ ಸಮಾಚಾರ ಹಾಡಿನಲ್ಲಿ ಬಂದು ಹೋಗುತ್ತಾರೆ. (ಏಜೆನ್ಸೀಸ್​)

https://www.vijayavani.net/avika-gor-doing-such-scenes-is-very-boring-avika-gor

https://www.vijayavani.net/seven-boyfriends-who-are-senior-citizens-getting-pensions-woman-reveals-why-she-prefers-older-men-over-men-her-age