ಪ್ರತಿಬಾರಿ ಆತನೇ ಯಾಕೆಂದು ಅರ್ಥವಾಗುತ್ತಿಲ್ಲ; ಸ್ಟಾರ್​ ಬ್ಯಾಟರ್​ ಕುರಿತು ಮರುಗಿದ ಮಾಜಿ ಆಟಗಾರ

ನವದೆಹಲಿ: ಸೆಪ್ಟೆಂಬರ್​ 19ರಿಂದ ಬಾಂಗ್ಲಾದೇಶ ವಿರುದ್ಧ ಆರಂಭವಾಗಲಿರುವ ಎರಡು ಪಂದ್ಯಗಳ ಟೆಸ್ಟ್​ ಸರಣಿಗೆ ಈಗಾಗಲೇ ಟೀಮ್​ ಇಂಡಿಯಾ ಅಭ್ಯಾಸ ಆರಂಭಿಸಿದ್ದು, ಪ್ರವಾಸಿ ತಂಡವನ್ನು ಬಗ್ಗು ಬಡಿಯಲು ಭರ್ಜರಿ ಯೋಜನೆ ರೂಪಿಸಿಕೊಂಡಿದೆ. ಬಾಂಗ್ಲಾದೇಶ ವಿರುದ್ಧದ ಟೆಸ್ಸ್​ ಸರಣಿಗೆ ಈಗಾಗಲೇ ಭಾರತ ತಂಡವನ್ನು ಪ್ರಕಟಿಸಲಾಗಿದ್ದು, ಕನ್ನಡಿಗೆ ಕೆ.ಎಲ್. ರಾಹುಲ್​ ಕಮ್​ಬ್ಯಾಕ್​ ಮಾಡಿದ್ದಾರೆ. ಈ ವರ್ಷದ ಆರಂಭದಲ್ಲಿ ಇಂಗ್ಲೆಂಡ್ ವಿರುದ್ಧದ ಟೆಸ್ಟ್​ ಸರಣಿಯಲ್ಲಿ ಕೊನೆಯದಾಗಿ ಕಾಣಿಸಿಕೊಂಡಿದ್ದ ರಾಹುಲ್ ತಮ್ಮನ್ನು ನಿರೂಪಿಸಲು ಬಾಂಗ್ಲಾ ವಿರುದ್ಧದ ಸೀರೀಸ್​ ​ಉತ್ತಮ ಅವಕಾಶ ಎಂದು ಹೇಳಿದರೆ ತಪ್ಪಾಗಲಾರದು.

ತಂಡಕ್ಕೆ ರಾಹುಲ್​ ಕಮ್​ಬ್ಯಾಕ್​ ಮಾಡಿರುವ ಕುರಿತು ಮಾತನಾಡಿರು ಟೀಮ್​ ಇಂಡಿಯಾ ಮಾಜಿ ಆಟಗಾರ ಆಕಾಶ್​ ಚೋಪ್ರಾ, ನನಗೆ ವೈಯಕ್ತಿಕವಾಗಿ ಕೆ.ಎಲ್​. ರಾಹುಲ್​ ಎಂದರೆ ತುಂಬಾ ಇಷ್ಟ. ಆತ ರನ್​ಗಳಿಸುತ್ತಲೇ ಇದ್ದರೆ ಮುಂದಕ್ಕೆ ಸಾಗುತ್ತಾನೆ. ಆತನ ಅದೃಷ್ಟ ಏನೆಂದರೆ ವಿರಾಟ್​ ಹಾಗೂ ರೋಹಿತ್​ ಜೊತೆ ಆಟವಾಡಲು ಸದಾ ಅವನಿಗೆ ಅವಕಾಶ ಸಿಗುತ್ತದೆ.

ಇದನ್ನೂ ಓದಿ: ರಾತ್ರಿ 2:30ಕ್ಕೆ ರೋಹಿತ್​ ನನಗೆ ಮೆಸ್ಸೇಜ್​ ಕಳುಹಿಸಿ… ಹಿಟ್​ಮ್ಯಾನ್​ ಕುರಿತು ಕೇಳದ ಕಥೆಯನ್ನು ಬಹಿರಂಗಪಡಿಸಿದ ಸಹ ಆಟಗಾರ

ನನ್ನ ಪ್ರಕಾರ ರಾಹುಲ್​ ಎಷ್ಟೇ ಚೆನ್ನಾಗಿ ಆಟವಾಡಿದರೂ ಆತನ ವಿರುದ್ಧ ತಂಡದಲ್ಲಿ ಸದಾ ಒಂದು ವಾತಾವರಣವನ್ನು ನಿರ್ಮಿಸಲಾಗುತ್ತದೆ. ಈ ವಿಚಾರವಾಗಿ ಆತನ ಎದುರು ಸಾಕಷ್ಟು ಎದುರು ನಿಲ್ಲುವವರಿದ್ದಾರೆ. ಬೇರೆಯವರಿಗೆ ಸಿಗುವ ಅವಕಾಶ ಅವನಿಗೆ ಸಿಗುವುದಿಲ್ಲ. ಆತ ತಂಡ ಕಷ್ಟದ ಸಮಯದಲ್ಲಿ ಇರಬೇಕಾದಾಗ ಸಾಕಷ್ಟು ರನ್​ ಗಳಿಸಿದ್ದಾನೆ. ಹಾಗಾಗಿ ನಾನು ಅವನಿಗೆ ಸಂಪೂರ್ಣ ಅವಕಾಶ ಕೊಡುತ್ತೇನೆ ಎಂದು ಟೀಮ್​ ಇಂಡಿಯಾ ಮಾಜಿ ಆಟಗಾರ ಆಕಾಶ್​ ಚೋಪ್ರಾ ಅಭಿಪ್ರಾಯಪಟ್ಟಿದ್ದಾರೆ.

ಪಾಕಿಸ್ತಾನ ತಂಡವನ್ನು ಅವರದ್ದೇ ನೆಲದಲ್ಲಿ ಮಣಿಸಿ ಸಂಪೂರ್ಣ ವಿಶ್ವಾಸದಲ್ಲಿರುವ ಬಾಂಗ್ಲಾದೇಶ ತಂಡವು ಭಾರತದ ವಿರುದ್ಧವೂ ತನ್ನ ಗೆಲುವಿನ ಓಟವನ್ನು ಮುಂದುವರೆಸಲು ಸಜ್ಜಾಗಿದೆ. ಆತ್ಮವಿಶ್ವಾಸ ಹೆಚ್ಚಿಸಿಕೊಂಡಿರುವ ಬಾಂಗ್ಲಾ ತಂಡವನ್ನು ಬಗ್ಗು ಬಡಿಯಲು ಭಾರತ ಸಜ್ಜಾಗಿದೆ.

https://www.vijayavani.net/three-killed-after-truck-overturns-on-car-in-chittoor

https://www.vijayavani.net/anil-mehtas-last-words-to-daughter-malaika-arora-before-death