ಸುಶಾಂತ್​ ಕನಸು ನನಸು ಮಾಡಲು ಹೆಜ್ಜೆ ಇಟ್ಟ ಅಂಕಿತಾ ... ಏನದು ಕನಸು?

ಸುಶಾಂತ್​ ಸಿಂಗ್​ ಸಾವಿನ ನಂತರ, ಅವರ ಹಲವು ಕನಸುಗಳನ್ನು ನನಸಾಗಿಸಿ ಎಂದು ಅವರ ಅಭಿಮಾನಿಗಳಿಗೆ ಸುಶಾಂತ್​ ಸಹೋದರಿ ಶ್ವೇತಾ ಸಿಂಗ್​ ಕೀರ್ತಿ ಕರೆ ನೀಡಿದ್ದರು. ಈ ವಿಷಯದಲ್ಲಿ ಸುಶಾಂತ್​ ಅವರ ಮಾಜಿ ಗೆಳತಿ ಅಂಕಿತಾ ಲೋಖಂಡೆ ಹೆಜ್ಜೆ ಇಟ್ಟಿದ್ದಾರೆ.

ಇದನ್ನೂ ಓದಿ: Photos: ಗೋಶಾಲೆಗೆ ಭೇಟಿ ಕೊಟ್ಟು ಕರುಗಳಿಗೆ ನಾಮಕರಣ ಮಾಡಿ ಬಂದ ಸಂಯುಕ್ತಾ

ಸುಶಾಂತ್​ಗೆ 1000 ಗಿಡಗಳನ್ನು ನೆಡಬೇಕು ಎಂಬ ಆಸೆ ಇತ್ತಂತೆ. ಆ ಆಸೆ ಈಡೇರುವಷ್ಟರಲ್ಲೇ ಅವರು ಇಹಲೋಕ ತ್ಯಜಿಸಿದ್ದರು. ಜೂನ್​ 14ರಂದು ಆತ್ಮಹತ್ಯೆ ಮಾಡಿಕೊಂಡ ಸುಶಾಂತ್​ ತಮ್ಮ ಹಲವು ಕನಸುಗಳನ್ನು ಅಪೂರ್ಣವಾಗಿ ಬಿಟ್ಟು ಹೋಗಿದ್ದಾರೆ.

ಈ ನಿಟ್ಟಿನಲ್ಲಿ ಸುಶಾಂತ್​ ಅವರ ಸಹೋದರಿ ಇತ್ತೀಚೆಗೆ ಪ್ಲಾಂಟ್ಸ್​ಫಾರ್​ಎಸ್ಎಸ್​ಆರ್​ ಎಂಬ ಅಭಿಯಾನವನ್ನು ಪ್ರಾರಂಭಿಸಿದ್ದರು. ಗಿಡಗಳನ್ನು ನೆಡುವುದರ ಮೂಲಕ ಸುಶಾಂತ್​ ಅವರ ಕನಸನ್ನು ನನಸು ಮಾಡಬೇಕು ಎಂದು ಅಭಿಮಾನಿಗಳಿಗೆ ಕರೆ ನೀಡಿದ್ದರು.

ಇದರ ಅಂಗವಾಗಿ ಸುಶಾಂತ್​ ಅವರ ಮಾಜಿ ಗೆಳೆತಿ ಅಂಕಿತಾ ಲೋಖಂಡೆ, ಗಿಡಗಳನ್ನು ಖರೀದಿಸುವುದಕ್ಕೆ ಹೋಗಿದ್ದಾರೆ. ಒಂದಿಷ್ಟು ಗಿಡಗಳನ್ನು ಖರೀದಿಸಿರುವ ಅವರು, ಅವೆಲ್ಲವನ್ನೂ ಸದ್ಯದಲ್ಲೇ ನೆಡಲಿದ್ದಾರೆ. ಗಿಡಗಳನ್ನು ಖರೀದಿಸುವುದಕ್ಕೆ ಹೋದ ಸಂದರ್ಭದಲ್ಲಿ ಅಂಕಿತಾ ಅವರು ಪಾಪರಾಝಿಗಳ ಕಣ್ಣಿಗೆ ಬಿದ್ದಿದ್ದಾರೆ.

ಇದನ್ನೂ ಓದಿ: ಫೌಜಿ ಗೇಮ್​ನಲ್ಲಿ ಸೈನಿಕನಾಗಿ ಕಾಣಿಸಿಕೊಳ್ಳಲಿದ್ದಾರಾ ಸುಶಾಂತ್​ ಸಿಂಗ್​?

ಈ ಕುರಿತು ತಮ್ಮ ಸೋಷಿಯಲ್​ ಮೀಡಿಯಾದಲ್ಲಿ ಪೋಸ್ಟ್​ ಹಾಕಿಕೊಂಡಿರುವ ಅವರು, 'ಗಿಡ ನೆಡುವುದು ಸುಶಾಂತ್​ ಅವರ 50 ಕನಸುಗಳಲ್ಲಿ ಒಂದಾಗಿತ್ತು. ಗಿಡ ನೆಡುವ ಕನಸಿಗೆ ನನ್ನ ಕಡೆಯಿಂದ ಒಂದು ಸಣ್ಣ ಕಾಣಿಕೆ. ಬೇರೆಯವರು ಸಹ ಇದರಲ್ಲಿ ಸಕ್ರಿಯವಾಗಿ ಭಾಗವಹಿಸುತ್ತಾರೆ ಎಂದು ನಂಬಿದ್ದೇನೆ' ಎಂದು ಅವರು ಹೇಳಿಕೊಂಡಿದ್ದಾರೆ.

https://www.vijayavani.net/title-of-nikhils-new-film-to-be-unveiled-on-friday/